Matthew 1 - Kanāci Kihci Masinahikan

¹ masinahikan ita ē ātotamihk ita kā ohci nihtāwikit cisas Christ, tēpit okosisa, ēpraham okosisa.

² ēpraham ki nihtāwikihēw aisaka; mina aisak ki nihtāwikihēw cēkapa; mina cēkap ki nihtāwikihēw cotasa mina ociwāmiyiwa;

³ mina cotas ki nihtāwikihēw pērisa, mina sirawa, tēmar ohci; mina pēris ki nihtāwikihēw ēsrama; mina ēsram ki nihtāwikihēw ērama;

⁴ mina ēram ki nihtāwikihēw aminatāpa; mina aminatāp ki nihtāwikihēw nēāsana; mina nēāsan ki nihtāwikihēw sālmana;

⁵ sālman ki nihtāwikihēw poasa rēhāp ohci; mina poas ki nihtāwikihēw opita rot ohci; mina opit ki nihtāwikihēw cēsiwa;

⁶ mina cēsi ki nihtāwikihēw tēpita kā ki kihci okimāwiyit; mina tēpit ki nihtāwikihēw salomana anihi ohci kā ki wiwiyit yorāyasa:

⁷ mina saloman ki nihtāwikihēw riopoama; mina riopoam ki nihtāwikihēw apāyawa; mina apāya ki nihtāwikihēw ēsawa;

⁸ mina ēsa ki nihtāwikihēw cihāsapāta; mina cihāsapāt ki nihtāwikihēw corama; mina coram ki nihtāwikihēw osayawa;

⁹ mina osaya ki nihtāwikihēw cotama; mina cotam ki nihtāwikihēw ēhāsa; mina ēhās ki nihtāwikihēw hēsikāyawa;

¹⁰ mina hēsikāya ki nihtāwikihēw manāsiwa; mina manāsi ki nihtāwikihēw āmana; mina āman ki nihtāwikihēw cosāyasa;

¹¹ mina cosāyas ki nihtāwikihēw cēkonāyawa mina ociwāmiyiwa, nānitaw ispi kā ki sipwētaihcik pāpilanihk:

¹² sāsay māka kā pēsicik pāpilanihk, cēkonāya ki nihtāwikihēw salētiyala; mina salētiyal ki nihtāwikihēw sērapapala;

¹³ sērapapal ki nihtāwikihēw apāyata; mina apāyat ki nihtāwikihēw ilāyakima; mina ilāyakim ki nihtāwikihēw ēsora;

¹⁴ mina ēsor ki nihtāwikihēw sētaka; mina sētak ki nihtāwikihēw ēkima; mina ēkim ki nihtāwikihēw ilāyata;

¹⁵ mina ilāyat ki nihtāwikihēw iliēsara: mina iliēsar ki nihtāwikihēw mātāna: mina mātān ki nihtāwikihēw cēkapa;

¹⁶ mina cēkap ki nihtāwikihēw cosipa, o nāpēma mēri, ana kā ki ohci nihtāwikit cisas; Christ kā isiyihkāsot.

¹⁷ ēkosi māka kahkiyaw āniskāc kā pimātisicik ēprēām ohci piyis tēpit mitātaht nēosāp tahtwāw āniskāc ki pimātisiwak; mina tēpit ohci, piyis ē ki sipwētahihcik pāpilanihk mitātat nēosāp tahtwāw āniskāc ki pimātisiwak; mina anima ohci ē ki sipwētaihcik pāpilanihk piyis Christ mitātat nēosāp tahtwāw āniskāc ki pimātisiwak.

¹⁸ omisi māka ki ikiniyiw o nihtāwikiwin cisas Christ; ispi anihi okāwiya mēriwa ē ki asotamawāyit kita wicēwāyit cosipa, mwayēs ē ki nātitocik, ki kiskēyimāw ē ayāwāt awāsisa kanāci ahcāhkwa ohci.

¹⁹ ēkosi cosip o nāpēma, ē kwayask isiwēpisiwi ayisiyiniwit, mina ēkā ē itēyitahk kita māmawi kiskēyitākohāt ki itēyitam kimoc kita pakitināt.

²⁰ māka ispi ē māmitonēyitahk ohi, cist, okisikoma kā tipēyihcikēt ki nokohisostāk pawāmowinihk, ē itwēyit, cosip, kiya okosisa tēpit ēkāwiya kosta kita otinat mēri kiwa; cikēmā anihi kā ayāwāt kanāci ahcāhkwa ohciyiwa.

²¹ kita nihtāwikihēw māka kē okosisit, cisas māka ki ka isiyihkātāw: cikēmā kita pimācihēw ot ayisiyinima o macāyiwiniyihk ohci.

²² ēkwa māka kahkiyaw oma ki ihkin, kita tipipayik kā ki itwēt kā tipēyihcikēt okiskiwēhikēwa ohci ē itwēt,

²³ cist, oskinikiskwēw awāsisa kita ayāwēw, ēkosi kita nihtāwikihēw okosisa, imānyoēl māka kita isiyihkātēwak; ēwako anima ē itwēstamawātamihk kisēmanitō ki wicēwikonaw.

²⁴ ēkosi cosip ē waniskāt o nipāwinihk ohci, ki totam anima kā tipēyihcikēyit okisikomiyiwa kā ki itikot, ē ki otināt wiwa.

²⁵ namawiya māka ki ohci kiskēyimēw pātos iyikohk kā ki nihtāwikihāyit okosisiyiwa; cisas māka ki isiyihkātēw.