ᒥᐦᑖᑌᐧᐃᐧᓇ 1 - Kanāci Kihci Masinahikan

¹ tāpwāni pisisikwastēw otēnaw, kā ki māna tēpiskamātocik ayisiyiniwak! tāpwani isi ayāw tāpiskoc sikāwiskwēw! māotāni ki kihcāyiwiw nanātokoskānēsināhk, mina ki okimāskwēwiw papēskicitipēyicikanihk, tāpwāni ēkwa tipahikēhāw!

² wawisakatwēmo tēpiskāyiki, mina papimāsikawāpiw; tahto kā ki sākihitocik nama awiya ihtāyiwa kita kākicihikot; kahkiyaw ototēma ki kakayēsikatāk, ēkwa onotinākaniw.

³ cota itohtēw awakātikowinihk kotakitāwin ohci, mina mistahi atoskēikowin ohci; wiciayāmēw ēkā kā ayamihāyit, namawiya miskam aywēpiwin; kahkiyaw kā kotakihikot ki atiminēok ita ē wipotawāsik.

⁴ o mēskanawa sāyan mātomakanwa, ēkā awiyak ē pē itohtēt kanāci māmawiayāwinihk; kahkiyaw o kihciiskwātēma sikawaskacikātēyiwa, ot ayamihēwiyinima mihciyawēmoyiwa; oskinikiskwēma kotakitāyiwa, wiya kēhciwāk wisaki mihciyawēsiw.

⁵ kā pakwātikot nikānēyitākosiyiwa, kā wi nisiwanācihikot nanahipayiyiwa; cikēmā kā tipēyihcikēt ki kotakihik ē isi osāmēyatiniyiki o wanitotamowina; ot awāsimisa ki nikānitisaokoyiwa awakātikowinihk anihi kā pakwātikot.

⁶ ēkosi sāyan otānisa nakatik kahkiyaw o katawasisiwin; ot okimāma ati isi ayāyiwa tāpiskoc atikwak ēkā kā miskahkik kita micicik, ēkosi ēkā kā maskawisicik ē tapasiācik kā nawaswātikocik.

⁷ cērosalam kiskisitotam mēkwāc ē kotakitāt mina ē kitimākisit kahkiyaw kā ki isi miyoayāt kayās ohci; ispi ot ayisiyinima kā otihtinikoyit kā pakwātikoyit, ēkosi ēkā awiya ē wicihikot, kā pakwātikot ki wāpamik, ki mētaākātamiyiwa o kiwātisiwina.

⁸ cērosalam ki kihcimacitotam; ēwako ohci isi ayāw tāpiskoc kēkway ēkā kā pēkahk; kahkiyaw kā ki kistēyimikot piwēyimik, wiya ē ki wāpahtamiyit o mosēskatēwin; ēhē, mihciyawēmo mina ati kiwēw.

⁹ o winēyitākosiwin oskotākāhk ayāyiw; namawiya kiskisitotam iskwāyāc kita isi ayāt; ēwako ohci māmaskāc kā nihcipayit; namawiya ihtāyiwa kita kākicihikot; wāpahta, tēpēyihcikēyan ni kotakitāwin; cikēmā kā wi nisiwanācihiwēt ki mamihcimiso.

¹⁰ kā pakwātikot ki akwanicicātamiyiwa kahkiyaw kā miywēyitākwaniyiki kā ayāt; cikēmā wāpahtamiyiwa ēkā kā ayamihāyit ē pihtokēyit o kanācikamikohk, aniki kā ki itasowēyan ēkā kita pihtokēcik ki māwacihitowinihk.

¹¹ kahkiyaw ot ayisiyinima mihciyawēmoyiwa, natonawēwak pahkwēsikana; ki mēkiwak kā miywāsiniyiki ot ayāniwāwa miciwin ohci kita pimātisicik; cist, tēpēyihcikēyan, kanawāpahta māka; cikēmā nit ati macēyitākosin.

¹² nama nāntaw ci kit itēyitēnāwāw, kahkiyaw kiyawāw kā pimohtēyēk? mātika, mina wāpahtamok kispin ētakwanokwē āyimisiwin tāpiskoc niya nit āyimisiwin, kā ihtotākawiyān, kā ki isi kotakihit kā tipēyihcikēt anima ē kisikāk kā āhkoyawēsit.

¹³ ispimihk ohci ki pē isitisaham iskotēw niskanihk, ēkosi sākocihtāmakan; ki taswēkayēw ayapiya nisita ohci, ni ki kiwētisahok; ni ki kiwātēyitamiik mina ni ki nēsowēyitamiik kapēkisik.

¹⁴ ē tāpiskahiwēki ni macitotamowina wiya tahkopitam; māwasakopayiwa, mina akwatamonwa nikwayāhk; aciwinam ni maskawisiwin; kā tipēyihcikēt ni ki pakitinik ocihciyihk anihi ēkā kita ki nipawistāmak.

¹⁵ kā tipēyihcikēt ki piwēyitākoēw kahkiyaw kā sokāyawisiyit nit ayisiyinima mēkwāc ita kā ayāyān; ki tēpwātam kita kihcimāwacihisostākawiyān kita nipaiskāhcik noskinikimak; kā tipēyihcikēt ki māmākoskawēw tāpiskoc sōmināpomākoikanihk oskinikiskwēwa cota otānisa.

¹⁶ ēwakoni ohi ohci kā mātoyān; niskisik, niskisik ohci yāsikawan nipi; cikēmā omiyotēhēiwēw ana o ka ki nisokamawāt nit ahcāhkwa ni yāwāpamik; nit awāsimisak kiwātisiwak cikēmā kā wi nisiwanācihiwēt ki sākotwāw.

¹⁷ sāyan sowicicēyiw; nama awiya ihtāyiwa kita miyotēhēikot; kā tipēyihcikēt ki itasowēw cēkapa ohci, anihi kā wāskāskākot kita pakwātikot; cērosalam isi kanawāpahtamwak tāpiskoc kēkway ēkā kā pēkahk.

¹⁸ kā tipēyihcikēt kwayaskitātisiw; cikēmā ni ki ātawēyitamwān oyasowēwin; natohtamok ki pakosēyimitināwāw kahkiyaw kiyawāw ayisiyinitik, mina kanawāpahtamok nit āyimisiwin; noskinikiskwēmak mina noskinikimak ki itohtēwak awakātikowinihk.

¹⁹ ni ki natomāwak kā ki sākihitoyāhk, māka ni ki kayēsiikwak; nit ayamihēwiyinimak mina kā nikānēyitākosicik ki nipiwak otēnāhk, mēkwāc ē natonahkik miciwin kita ohci pimācihocik.

²⁰ wāpahta, kā tipēyihcikēyan, cikēmā āyimisiwinihk nit ayān; ni mikoskātamacion atāmihk; nitēh kwēskipayiw pihci; mistahi māka ni ki māyakamikisin; wayawitimāyihk isawēsk kiwacihiwēw, pitokamik tāpiskoc nipiwin.

²¹ ki pēhtamwak ē mihciyawēmowak; namawiya ihtāw awiyak kita miyotēhēhit; kahkiyaw kā wi nisiwanācihicik ki pēhtamwak kā isi āyimiikawiyān; miywēyitamwak ē ki ihtotaman; ki ka takopayitān anima kisikāw kā ki tēpwātaman, kita isi ayāwak māka tāpiskoc niya.

²² kiyām kahkiyaw o macāyiwiniwāw ki ka wi otiskawiskākon; ēkosi itotawik kā ki itotawiyan kahkiyaw ni wanitotamowina ohci; cikēmā mihcēnwa ni mihciyawēmowina, mina ni nēsowitēhēpāyin.