ᐅᔭᓱᐁᐧᐊᐧᐠ 1 - Kanāci Kihci Masinahikan

¹ ki ayikin māka ispi ē ki poni pimātisit cāsyoa, isrēil ot awāsimisa ki kakwēcimēwak kā tipēyihcikēyit, omisi ē itwēcik, awēna kē nikānistamākoyāhk kita mawinēskawāt kēnanaita kita notināt?

² kā tipēyihcikēt māka ki itwēw, cota kita itohtēw, mātika, ni ki pakitinamwān aski ocihcihk.

³ cota māka ki itēw simiyana ociwāma, pē wicēwin ni pakitinamākowinihk, kita notināyakok kēnanaitak; ēkosi niya mina ki ka wicēwitin ki pakitinamākowinihk. ēkosi simiyana ki wicēwik.

⁴ cota māka ki itohtēw; ēkosi kā tipēyihcikēyit ki pakitinamākwak ocihciwāhk kēnanaita mina pērisaita; ki nipaēwak māka anita pisēk mitāhtwāw kihcimitāhtomitanaw napēa.

⁵ ki miskawēwak māka anihi atānaipisēk ēkota anita pisēk; ēkosi ki notinēwak ēkosi ki nipaēwak kēnanaita mina pērisaita.

⁶ māka atānaipisēk ki tapasiw; ēkosi ki nawaswātēwak, mina ki otihtinēwak, ēkosi ki kiskataamwēwak o misicihcāniyiwa mina o misisitāniyiwa.

⁷ atānaipisēk māka ki itwēw, tēpakohpomitanaw kihci okimāwak, o misicihcāniwāwa mina o misisitāniwāwa ē ki kiskataikātēyiki, ki mosakinamwak o miciwiniwāw sipā ni micisowinātikohk; ē ki itotamān, ēkosi kisēmanito kā isi miskociit. cērosalamihk māka ki itohtahēwak ēkosi ēkota ki nipiw.

⁸ aniki māka cota ot awāsimisa ki notinamwak cērosalam, mina ki otinamwak, ēkosi ki pakamaamwak ēsi kināk isawēsk ohci mina ki saskahamwak otēnaw,

⁹ mwēstas iyikohk māka cota ot awāsimisa ki natawi notinēwak kēnanaita kā ot ihtāwiniyit waciwaskihk, mina sāwanotāhk, mina tapatāyawāhk.

¹⁰ cota māka ki mawinēskawēwak anihi kēnanaita hēparan kā ot ihtāwiniyit; (hēparan māka kayahtē kiriaht ārpa ki isiyihkātēw;) ēkosi ki nipaēwak anita sisēay, mina ahaiman, mina tālmay.

¹¹ ēkota māka ohci ki mawinēskawēw anihi tipar kā ot askiyit. (tipar māka kayatē kiriyāhtsipar ki isiyihkātēw.)

¹² kēlip māka ki itwēw, ana kē pakamaahk anima karcahtsipar mina kē otinahk ni ka miyāw ākisa nitānisa kita wiwit.

¹³ āhtnāyil māka okosisa kinās, kēlip kā osimimāwiyit ociwāma ki otinam; ēkosi ki miyēw ākisawa otānisa kita wiwiyit.

¹⁴ ki ayikin māka ispi ē pē natāt, ki sikiskawēw kita natotamawāyit otāwiya kistikāniyiw; ēkosi ki nihcipayiho sosomistatimwa ē tēhtapit; kēlip māka ki itēw, kēkway nētawēyitaman?

¹⁵ omisi māka ki itēw, miyin sawēyihcikēwin; cikēmā ki ki miyin sāwanohk aski, miyin mina mohkiciwanipēkwa. kēlip māka ki miyēw natimihk mohkiciwanipēkwa mina māmihk mohkiciwanipēkwa.

¹⁶ ot awāsimisa māka ana kinait mosis osisa ki sipwētēw pāmāhtik otēnāhk ohci ē wicēwāt anihi cota ot awāsimisa cota pikwataskihk, ēwakwanima sāwanotāhk ērāt; ēkosi ki natawi wiciayāmēwak ayisiyiniwa.

¹⁷ cota māka ki wicēwēw simiyana ociwāma, ēkosi ki nipaēwak kēnanaita kā ot askiyit sihpāt, mina mitoni ki nisiwanācihtāwak. anima māka otēnaw hārma ki isiyihkātēw.

¹⁸ ēkosi mina cota ki otinam kēsa asici ē cikāskowaniyik, mina āskilan asici ē cikāskowaniyik, mina ēkaran asici ē cikāskowaniyik.

¹⁹ kā tipēyihcikēyit māka ki wicēwik cota; ēkosi ki wayawitisawēw kā ot askiyit wacihk; māka namawiya ki wayawitisawēw kā ot askiyit wāyamatināhk, cikēmā piwāpisko titipitāpānāskwa ē ayāwāyit.

²⁰ hēparan māka ki miyēwak kēlipa, kā ki itwēt mosis: ēkosi ki wayawitisawēw ēkota ohci ē nistiyit okosisa ēnāk.

²¹ pēnciman ot awāsimisa māka namawiya ohci wayawitisawēwak cēpyosaita kā ot ihtāwiniyit cērosalamihk; māka cēpyosaitak wiciayāmēwak pēnciman ot awāsimisa piyis anohc kā kisikāk.

²² cosip ot awāsimisa māka wistawāw ki mawinēskamwak anima pēhtil; ēkosi kā tipēyihcikēyit ki wicēwikwak.

²³ ēkosi cosip ot awāsimisa ki isitisahowēwak kita natawātācik anima pēhtil. (anima māka otēnaw kayahtē las ki isiyihkātēw.)

²⁴ ēkosi otasawāpiwak wāpamēwak nāpēwa otēnāhk ē pē ohci wayawiyit, ki itēwak māka, wāpahtahinān, ki pakosēyimitinān, ita ē ohci pihtokēhk otēnāhk, ēkosi ki ka manāciitinān.

²⁵ ki wāpahtahēw māka ita ē ohci pihtokēhk otēnāhk, ēkosi ki pakamaamwak otēnaw ē isi kinikāpitakāk isawēsk; māka wiya anihi nāpēwa ki pakitinēwak asici kahkiyaw ē ihtasiyit.

²⁶ ana nāpēw māka ki itohtēw ot askiyihk hitaita, ēkosi ki osihtāw otēnaw mina las ki isiyihkātam; ēkosi māka isiyihkātēw piyis anohc kā kisikāk.

²⁷ manāsi māka namawiya ki ohci wayawitisawēw kā ot ihtāwiniyit pētsian mina ot otēnawa, namawiyā mina tēanāk ohci mina ot otēnawa, namawiya mina kā ot ihtāwiniyit tor mina ot otēnawa, namawiya mina kā ot ihtāwiniyit ipliam mina ot otēnawa, namawiya mina kā ot ihtāwiniyit mēkito mina ot otēnawa; māka kēnanaitak ki ot ihtāwiniwak ēkota askihk.

²⁸ ki ayikin māka ispi isrēil ēti maskawisicik, ki atoskaēwak anihi kēnanaita, namawiya māka mitoni ki ohci wayawitisawēwak.

²⁹ iparēim māka namawiya ki ohci wayawitisawēwak kēnanaita kā ot ihtāwiniyit kisar; māka kēnanaitak ki wiciayāmikwak anita kisar.

³⁰ sēpyolan namawiya ki ohci wayawitisawēwak kā ot ihtāwiniyit anita kitaran, namawiya mina kā ot ihtāwiniyit anita nēhālāl; māka kēnanaita ki wiciayāmikwak, ēkosi ki tipahikēāwak.

³¹ āsar māka namawiya ki ohci wayawitisawēwak kā ot ihtāwiniyit āko, namawiya mina kā ot ihtāwiniyit saitan, namawiya mina āhilāp ohci, namawiya mina aksip ohci, namawiya mina hēlpa ohci, namawiya mina āhpik ohci, namawiya mina rihāp ohci;

³² māka aniki āsaraitak ki wiciayāmēwak kēnanaita, kā ot ihtāwiniyit ēkota askihk cikēmā namawiya ohci wayawitisawēwak.

³³ nāptalay namawiya ohci wayawitisawēwak kā ot ihtāwiniyit pēhtsimēs, namawiya mina kā ot ihtāwiniyit pēhtēnaht; māka ki wiciayāmēw kēnanaita, kā ot ihtāwiniyit ēkota askihk; ātawiya māka kā ot ihtāwiniyit pēhtsimēs mina pēhtēnaht ki tipahikēēwak.

³⁴ māka aniki āmaraitak ki sākotiskawēwak anihi tān ot awāsimisa wacihk isi; cikēmā namawiya wi iyinamawēwak wāyāmatināhk kita pē itohtēyit;

³⁵ māka aniki āmaraitak ki ot ihtāwiniwak anita hiris wacihk, mina ācilanihk, mina sēalpim; ēyiwēhk māka cosip ot awāsimisa ki sākotwāwak, ēkosi ki tipahikēēwak.

³⁶ anima māka ē isko ayāyik ot askiwāw āmaraitak ēwako ē ati āmaciwēyāk ākarāpim, kistāpiskohk ohci mina tahkocāyihk isi.