ᐦᐃᐸᕒᐅᐊᐧ 1 - Kanāci Kihci Masinahikan

¹ kisēmanito, ana kayās ayāskāw mina nanātohk isi kā ki kitotāt otāwimāwa okiskiwēhikēwa ohci,

² ēkwa oma iskwāyāc ē kakisikāk ki ki kitotikonaw okosisa ohci, kā ki oyakimāt kita tipēyitamiyit kahkiyaw kēkway mina ēwakoni ohci kā ki ositāt aski;

³ ēwakoni ē wāsēyāyik o kistēyitākosiwin mina mwēhci ē naspitākot ot isinākosiwinihk, mina ē sitonahk kahkiyaw kēkway o kihcāyiwi itwēwin ohci, ispi kā pēkitāt maci itiwina ki nahapiw o kihciniskiyihk māmawēyas kā kihci okimāwiyit ispimihk;

⁴ awasimē ē ki isiiht iyikohk okisikowa cikēmā ot isi nihtāwikiwin ohci ē āniskēskahk awasimē kihci wiyowin iyikohk ēwakonik.

⁵ cikēmā tānānii okisikowa wikāc ka itāt, kiya nikosis, anohc kā kisikāk ki ki nihtāwikiitin? mina māka, niya otāwiya ni ka isi ayāwan, ēkosi wiya nikosis kita isi ayāw?

⁶ ispi māka mina ē pitokaāt nistam nihtāwikiākana askihk itwēw, kiyām kahkiyaw okisikoma kisēmanito kita ocihcikwanistāk.

⁷ okisikowa māka itēw, kā isiāt okisikoma kita ahcāhkowiyit, mina opamistākēma ē kwākotēk iskotēw:

⁸ māka okosisimāwa omisi itēw, ki kihci okimāwapiwin kisēmanito kākikē mina kākikē ayāw; mina kwayaskwātisiwi tipēyicikākan kā tipēyicikākēyan kit otēnawiwinihk.

⁹ ki ki sākihtān kwayaskwātisiwin mina ki ki pakwātēn maci itiwin; ēwako ohci kisēmanito, ki kisēmanitom oti ki ki tominik mamahtākosiwi tominikan ohci ayiwak iyikohk ki wicēwākanak.

¹⁰ mina, kiya tēpēyihcikēyan, micimāc ki ki oyaskamikititān aski, ēkosi kisikwa ēwakoni atoskēwina kicihcihk ohci;

¹¹ kita nisiwanātanwa; māka kiya kēyāpic ki ka ihtān; mina kahkiyaw kita ati kayāsēnikwanwa tāpiskoc kikiskācikan;

¹² mina tāpiskoc aspakon ki ka isi titipēkinēn, tāpiskoc kikiskācikan kita āhci ayāwa; māka kiya pēyakwan ēsi ayāyan, mina kit askiwina namawiya kita notēpayiwa.

¹³ māka tānānii okisikowa wikāc kā itāt, api ota ni kihciniskihk, iyikohk ki isiakwāwi ki notinākanak kita ot aspisitēsimoniyan?

¹⁴ nama ci kahkiyaw pamistākēwi ahcāhkowiwak ē sāsipwētisaohcik kita pamihācik anihi kē ayāyit pimāciikowin?