hakēay 1 - Kanāci Kihci Masinahikan

¹ niso aski ati tērāyas ē kihci okimāwit, nikotwāso pisim, nistam ē akimiht pisim, ot itwēwin kā tipēyihcikēt hākēay okiskiwēhikēw ohci ki otihtik sērapapēl okosisa siāltiēl, cota oyasowēwikimāw, mina cāsyoa okosisa cihāsatāk, ana kihciayamihēwiyiniw, ē itwēt,

² omisi isi pikiskwēw kā tipēyihcikēt misiwē siyokātisit, ē itwēt, oki ayisiyiniwak itwēwak, namawiya otihcipayiw kita pē itohtēyāhk, ita kā tipēyihcikēt o wāskāhikan kita osihcikātēk.

³ ēkwa kā takosinomakaniyik ot itwēwin kā tipēyihcikēt ana hākēay okiskiwēhikēw ohci, ē itwēt,

⁴ naipayiw ci kiyawāw kita wikiyēk kā pitawinapakitakokatēki ki wāskāhikaniwāwa, ēkosi oma wāskāhikan kita pikwatastēk?

⁵ ēkwa māka omisi itwēw kā tipēyihcikēt misiwē siyokātisit; māmitonēyitamok kit isihcikēwiniwāwa.

⁶ mistahi ki ki kistikānāwāw, ēkosi apisis ki pitokatānāwāw; ki micisonāwāw māka namawiya ki kisponāwāw; ki minikwānāwāw māka namawiya ki tēpipānāwāw; ki kikiskācikānāwāw māka namawiya awiyak kisosiw; ēkosi ana kā kaskicikēt kaskicikēw kita asiwatāt maskimotihk ē pāposkwāyik.

⁷ omisi itwēw kā tipēyihcikēt misiwē siyokātisit; māmitonēyitamok kit isihcikēwiniwāwa.

⁸ wacihk itohtēk mina pētāk mistikwa, mina osihtāk anima wāskāhikan; ēkosi ni ka miywēyitēn, mina ni ka kistēyitākoikawin, itwēw kā tipēyihcikēt.

⁹ mistahi ki ki pakosēyimonāwāw, ēkosi, poti, apisis ki ispayiw; ēkosi ispi ē pē kiwētatāyēk, ni ki potātēn. tānēhki? itwēw kā tipēyihcikēt misiwē siyokātisit. anima ohci ni wāskāhikan kā pikwatastēk, ēkosi kiyawāw ētahtwāpēwiyēk ki kiwēpaitonāwāw kiyawāw ki wāskāhikaniwāhk.

¹⁰ ēkosi māka kiyawāw ohci kisik kipitinikātēw ēkā kita nipiwaskāk, aski māka kipitinikātēw ēkā kita minisiwahk.

¹¹ ēkosi ni ki natotēn kita notēyāpākwēmakahk aski, mina waciya, mina pahkwēsikanikān, mina somināpo, mina pimi, mina anima aski kā ohpikitāmakahk, mina ayisiyiniw, mina pisiskiw, mina kahkiyaw atoskēwin micihcihk.

¹² ēkwa sērapapēl okosisa siāltiēl, mina cāsyoa okosisa cihāsatāk, ana kihciayamihēwiyiniw, asici kahkiyaw kā iskonihcik ayisiyiniwak, ki nanaitamwēwak ot itwēwiniyiw kā tipēyihcikēyit o kisēmanitomiwāwa, mina ot itwēwiniyiwa hākēay okiskiwēhikēwa kā tipēyihcikēyit o kisēmanitomiwāwa kā ki isitisawāyit; ayisiyiniwak māka ki kosikwēyimēwak kā tipēyihcikēyit.

¹³ ēkwa ki pikiskwēw hākēay kā tipēyihcikēt ot itwēhakana anima kā tipēyihcikēyit kā ki itwēikot kita itāt ayisiyiniwa, ē itwēt, ki wicēwitināwāw ani itwēw kā tipēyihcikēt.

¹⁴ kā tipēyihcikēt māka ki cikēyitamiēw anihi sērapapēl okosisa siāltiēl, kā oyasowēwikimākatahk cota, mina ki cikēyitamiēw cāsyoa okosisa cihāsatāk, ana kihciayamihēwiyiniw, mina ki cikēyitamiēw kahkiyaw kā iskoyit ayisiyiniwa; ēkosi ki pē natawi atoskēwak o wāskāhikaniyihk kā tipēyihcikēyit misiwē siyokātisiyit, o kisēmanitomiwāwa,

¹⁵ anima nisitanaw nēosāp ē itakimiht pisim, nikotwāsopisim, niso aski ati tērāyas ē kihci okimāwit.