ᑲᓬᐁᓯᔭᓇ 1 - Kanāci Kihci Masinahikan

¹ pāl, apāstil (namāwiya ayisiyiniwak ohci, namawiya mina ayisiyinihk ē ohtinahk, māka cisas Christ ohci, mina kisēmanito wēyotāwihk, kā ki waniskānāt nipowinihk ohci),

² kiki kahkiyaw ociwāmimāwak kā wicēwicik, ē masinahamawakik otayamihāwak kalēsiyaihk:

³ kisēwātotākowin mina pēyatakēyimowin ki ka wi ohcistamākowāw kisēmanito wēyotāwihk, mina kā tipēyimikoyahk cisas Christ,

⁴ ana ki maciitiwininawa kā ki ohci pakitinisot, kita paspiikoyahk oma kā macāyiwahk aski ohci, ē itastēyik ot itēyitamowin ki kisēmanitominaw mina kotāwinaw:

⁵ ēwako kita wi kistakimāw kākikē mina kākikē. āmēn.

⁶ ni māmaskātēn ē isi kiyipa nakatāyēk ana kā ki natomikoyēk o kisēwātisiwinihk Christ kita otinamēk kotak miywācimowin;

⁷ namayēw māka kotak miywācimowin: piko ihtāwak aniki ē mikoskāciikoyēkwāw, mina ē wi pikonakik o miywācimowin Christ.

⁸ māka kispin niyanān, ahpo okisiko kihci kisikohk ohci, ki wawitamāhk nāntaw miywācimowin kotak iyikohk anima kā ki otinamēk, kiyām kita macakimāw.

⁹ kā ki itwēyāhk kayatē, ēkosi ēkwa mina ētwēyān, kispin awiyak wihtamākoyēko kotak miywācimowin iyikohk anima kā ki otinamēk, kiyām kita macakicikāso.

¹⁰ cikēmā ayisiyiniwak ci oma kā sikimakik, ahpo ci kisēmanito? kispin kēyāpic ayisiyiniwak nahiyawēakik, namayēw ēsa niya ot atoskēyākana Christ.

¹¹ cikēmā ki kiskēyitamoitināwāw, niciwāmitik, anima ohci miywācimowin kā ki wāwitamātakok, namawiya ayisiyiniw ē pimitisahwak.

¹² namawiya māka ayisiyiniw kā ki ohci miyit, mina namawiya ayisiyiniw nohci kiskinohamāk, māka ni ki otihtikon ē kiskēyitamoit cisas Christ.

¹³ cikēmā ki ki pēhtēnāwāw kā ki isi pimātisiyān kayās cowak ot isitwāwiniwāhk, tānisi isi kā ki isi ayiwāk kotakiakik kā ayamihēstawācik kisēmanitowa, mina kā ki nisiwanāciakik:

¹⁴ ēkosi cowak ot isitwāwiniwāhk ē ki ayiwāki kiskēyitamān iyikohk mihcēt kā wici ispitisimakik ni witaskimākanak, ayiwāk ē ki ākamēyimototamān ot ācimowiniwāw notāwiyak.

¹⁵ māka ispi ēsi miywēyitahk kisēmanito, kā ki piskitakimit ē nihtāwikiit nikāwiya ohci, mina kā ki natomit o kisēwātisiwinihk,

¹⁶ kita kiskēyitamoit okosisa, kita ki ācimimak ē wāwitamawakik cēntailak; sēmāk namawiya wiyās mina mihko kā kakēskimikoyān;

¹⁷ namawiya mina nohci natawāpamāwak cērosalamihk aniki kā ki apāstiliwicik mwayēs niya: māka ārēpiya askihk ni ki itohtān; ēkosi mina ni ki pē kiwān tamāskasihk.

¹⁸ ēkwa kā nisto askiwahk ni ki itohtān cērosalamihk kita kiokawak sipās, mina ni ki wici ayāmāw mitātat niyānanosāp tahto kisikāw.

¹⁹ māka kotakak apāstilak nama awiyak nohci wāpamāw, piko cēmis kā tipēyihcikēt ociwāma.

²⁰ ēkwa ohi kā masinahamātakok, mātika, ē kanawāpamit kisēmanito, namawiya pikonata nit itwān.

²¹ ēkwa māka ni ki takosinin siriya mina silisiya askihk.

²² kēyāpic māka namawiya ni kiskēyimikwak nikwākanihk oti wiya kita wāpamicik otayamihāwak cotiyaihk kā tāpwētawācik Christa:

²³ piko ki pētamwak ē itwēwiht, ana kā ki kotakihikoyahk ēkwa kakēskimiwēw anima tāpwēyēyitamowin kā ki tēpi kitimahāt;

²⁴ ēkosi ki kistakimēwak kisēmanitowa niya ohci.