cōna 1 - Kanāci Kihci Masinahikan

¹ kā tipēyihcikēt māka ot itwēwin ki otihtik cōna okosisa āmitay, ē itwēt,

² pasiko, itohtē ninēpēihk anima kihci otēnaw, ēkosi tēpwāta; cikēmā o macāyiwiniāw ni pē ohtiskawiskākowān.

³ māka cōna ki pasiko tārsisihk kita itāmot ē tapasiāt kā tipēyihcikēyit; ēkosi ki itohtēw cāpaihk, ēkota māka ki miskam nāpikwan tārsisihk ē itāstaniyik; ēkosi ki tipaam kita posiiht, mina ki posiw, kita cimāt tārsisihk isi ē tapasiāt kā tipēyihcikēyit.

⁴ māka kā tipēyihcikēt ki isitisaham kita mistahi yotiniyik kihcikamihk, ki mistahi osāmiyowēw māka kihcikamihk, ēkosi nāpikwān āsay kita pikwāotēk.

⁵ ēkwa nāpikwāniyiniwak ki sēkisiwak, mina tahto ayisiyiniw ki mawimostawēw o manitoma; mina ki pakastawēwēpinimwak kihcikamihk positāsona kā ayāki nāpikwānihk, kita yāhkakotihk. māka cōna atāmotak nāpikwānihk ki ayāw; ēkosi ki pimisin, mina ki posākwāmiw.

⁶ ēkosi nāpikwānikimāwa ki pē nātik, mina ki itik, tānisoma, kiya kā nipāyan? waniskā, kakisimototaw ki manitom, māskoc kita ihkin kisēmanito kita mitonēyimikoyahk, ēkā kita nisiwanātisiyahk.

⁷ ēkosi ē ihtasicik ki ayititowak, māhti āwēpayicikan wēpinatāk, kita kiskēyitamahk awēna ohci oma kā isi māyipayiyahk. ēkosi ki wēpinimwak āwēpayicikan, wiya māka cōna ki otinik.

⁸ ēkwa ki itēwak, wihtamawinān kiyām, awēna ohci oma māyipayiwin kā otihtikoyahk; tānisi oma ētatoskēyan? mina tānitē wēciyan? tānitē wētaskiyan? mina kēko ayisiyiniwak kiya kohciyan?

⁹ ki itēw māka, hiparo niya; ēkosi ni kostāw kā tipēyihcikēt, kisēmanito kihcikisikohk ēyāt, kā ki osihtāt kihcikami mina pāhkwacāw.

¹⁰ ēkwa aniki nāpēwak mistahi ki sēkisiwak, mina ki itēwak, kēkway oma kā ki itotaman? cikēmā aniki nāpēwak ki kiskēyitamwak ē ki tapasiāyit kā tipēyihcikēyit, wiya ē ki wihtamawāt.

¹¹ ēkwa ki itēwak, tānisi kē totātāhk kita aywāstinisiyāhk kihcikamihk? ayis awasimē ki ati osāmēyowēw kihcikamihk.

¹² ki itēw māka, otinik, ēkosi pakastawēwēpinik kihcikamihk; ēkosi kē isi aywāstinisiyēk kihcikamihk; cikēmā ni kiskēyitēn niya ohci oma kā isi kihciyotinisiyēk.

¹³ ēyiwēhk māka aniki nāpēwak sohki ki pimiskāwak ē wi kakwē nātakāmēakik; māka namawiya kaskitāwak; wiya awasimē ē ati māmakāahk mina ē nakāyāsicik.

¹⁴ ēwako ohci ki mawimostawēwak kā tipēyihcikēyit, mina ki itwēwak, ki kākisimototātinān kā tipēyihcikēyan, ki kākisimototātinān, ēkāwiya ni ka nisiwanātisinān awa nāpēw o pimātisiwin ohci, mina ēkāwiya atāmiminān miywātisiwi mihko; cikēmā kiya tēpēyihcikēyan ki ki totēn ē isi naēyitaman.

¹⁵ ki otinēwak māka cōnawa ē ki pakastawēwēpinācik kihcikamihk; ēkosi kihcikami ki poni mikoskātākamāskāw.

¹⁶ ēkwa aniki nāpēwak mistahi ki kostēwak kā tipēyihcikēyit; ki pakitinamawēwak māka pakitināsowin kā tipēyihcikēyit, mina ki kihciasotamawēwak.

¹⁷ kā tipēyihcikēt māka ki kwayāciēw kihcikinosēwa kita kohcipayihāyit cōnawa; ēkosi cōna ki ayāw watāyihk anihi kihcikinosēwa nistokisikāw mina nistotipiskāw.