ᓂᐢᑖᐧᐤ ᒑᐣ 1 - Kanāci Kihci Masinahikan

¹ onikānēyitākosiw ē masinahamawak kēyas, kā sākihak tāpwēwinihk.

² siyākiitān, nit isi ayamihān misiwē isi kita nanāipayiyan mina kita miyo ayāyan tāpiskoc kit ahcāhk kā isi nanaipayit.

³ cikēmā mistahi ni ki mamahtākosin ispi ociwāmimāwak ē takosihkik ēkosi ē ātotakik ki tāpwēwin, kā isi pimohtēyan isa piko tāpwēwinihk.

⁴ namawiya ayiwāk mamahtākosiwin nit ayān iyikohk oma, kita pētamān nit awāsimisak ē pimohtēcik tāpwēwinihk.

⁵ siyākiitān, ayākwāmisiwi atoskēwin kā itotaman piko kēkway kā itotaman ē pamiacik aniki ociwāmimāwak kā mānitēwicik mina;

⁶ kā ki ātotakik ki sākihiwēwin ē pētākocik otayamihāwa; ēwakonik ki ka miyo totēn kita wiciacik sipwēyotēotwāwi ē isi tēpakēyitahk kisēmanito;

⁷ cikēmā anima wiyowin ohci kā ki sipwētēcik ēkā kēkway ē otinakik cēntāila wiya ohci.

⁸ kiyānaw māka ki ka pitokaātānawak ēkotowa, kita ki wici atoskēstamahk tāpwēwin.

⁹ ni ki masinahamawāwak otayamihāwak; māka tāyātaripis kā sākihtāt kita nikānēyitākosit ita ē ayācik, namawiya ki ki otinikonaw.

¹⁰ ēkosi māka kispin takosonāni, ni ka kiskisitotamwān ot isihcikēwina kā itotahk, maci pikiskwēwina ē ohci papiwikisātikoyahk; ēkosi ēkā ēkoyikohk ē itēyitahk, namawiya pihtokahēw wiya ociwāmimāwa mina anihi kā wi itotamiyit kitahamawēw mina wayawiwēpinēw ayamihāwinihk ohci.

¹¹ siyākihitakok, ēkāwiya kiskinawāpahtamok anima kā māyātahk māka anima kā miywāsik. ana kā miyo totahk kisēmanitohk ohciw; ana kā maci totahk namawiya ohci wāpamēw kisēmanitowa.

¹² timitariyas miywācimik kahkiyaw ayisiyiniwa, mina tāpwēwin miywācimik ēhē, nistanān nit ācimānān; ēkosi ki kiskēyitēn nit ācimowininān ē tāpwēmakahk.

¹³ mihcēt kēkwaya nit ayān kita masinahamātān, māka namawiya masinahikanāpo mina masinahikanātik ki wi ohci masinahamātin;

¹⁴ māka ni pakosēyimon kiyipa kita wāpamitān ēkosi ki ka wici pikiskwēmitonānaw ē wāpatoyahk kikwākanināhk.

¹⁵ pēyatakēyimowin ki ka wi ayān. ototēmimāwak kit atamiskākwak. atamiskawik ototēmimāwak ē wāwiyacik.