ᓃᓵᐧᐤ ᑌᓴᓬᐋᓂᔭᓇ 1 - Kanāci Kihci Masinahikan

¹ pāl, mina silpēnas, mina timatī, ē masinahamawācik otayamihāwa tēsalāniyana kisēmanito kotāwinaw isi mina kā tipēyihcikēt cisas Christ;

² kisēwātotākowin mina pēyatakēyimowin ki ka wi ocistamākowāw kisēmanito wēyotāwihk mina kā tipēyihcikēt cisas Christ.

³ itastēw mosak kita nanāskomāyāhk kisēmanito kiyawāw ohci, niciwāmitik, ē isi naipayik, cikēmā ki tāpwēyēyitamowiniwāw mistahi ē yakikihk, mina ē isi sākihitoyēk mistahi wēyoci ayāw;

⁴ ēkosi māka niyanān mina mistahi ki mamahtākoinān kisēmanito ot ayamihāwinihk ki sipēyitamowiniwāw ohci mina ki tāpwēyēyitamowiniwāw misiwē ki kotakihikowiniwāhk mina āyimisiwinihk kā otihtikoyēk;

⁵ anima kā ohci payatē kiskinawātēyitākwahk ē kwayaskwaniyik oyasowēwin kisēmanito; kita tēpakēyitākosiyēk kisēmanito ot otēnawiwinihk kā ohci kotakitāyēk:

⁶ kispin oti kwayask kēkway kisēmanito kita tipaamawāt kotakitāwin anihi kā kotakihikoyēkok,

⁷ ēkosi kiyawāw kā kotakihikawiyēk kita wici aywēpimiyāhk, ispi pē nokosici kā tipēyihcikēt cisas kihci kisikohk ohci ē pē wicēwāt o kisikoma kā kikiyit o kaskihēwisiwin,

⁸ kwākotēhk ē tipaamawāt āpēowin anihi ēkā kā kiskēyimāyit kisēmanitowa, mina anihi ēkā kā nanaitamiyit o miywācimowiniyiw kā tipēyimikowahk cisasa;

⁹ ēwakonik kē ayācik oyasowātikowin, kākikē nisiwanātisiwin oti ēkā kita wāpamācik kisēmanitowa mina ē isi kistēyitākwaniyik o kihcāyiwiwin,

¹⁰ ispi pē itohtēci kita kistakimikot o kanātisima, mina kita māmaskātikot kahkiyaw kā tāpwētamiyit (cikēmā kā ki isi ācimostātāhk ki tāpwēcikātēw) ēwako kisikāki.

¹¹ ēwako oma kita ispayik tahki kā ayamihēstamātāhk ki kisēmanitominaw kita tēpakēyimikoyēk kā isi natomikawiyēk, mina kita maskawi tipipayitāt kahkiyaw ē isi mostawēyitamihk miywātisiwin mina kahkiyaw tāpwēyēyitamowini atoskēwin;

¹² o wiyowin kā tipēyimikoyahk cisas kita kistēyitākotāyēk, mina kiyawāw kita kistēyitākoikawiyēk wiya ē kikiskawāyēk, ē itastēyik o kisēwātisiwin ki kisēmanitominaw mina kā tipēyihcikēt cisas Christ.