ᓃᓵᐧᐤ ᓵᒼᔪᐃᓬ 1 - Kanāci Kihci Masinahikan

¹ ki ayikin māka ispi ē ki nipit sāl, tēpit ē ki pē kiwēt anima kā ki nipahāt āmalikaita, ēkosi tēpit ē ki ayāt niso kisikāwa sikalākihk:

² ki ayikin anima ē ati nisto kisikāk, poti nāpēw ki pē ohtotēw o kapēsiwiniyihk sāla ē ki yāyikipitahk o kikiskācikana mina asiski ostikwānihk ē ayāyik ēkosi māka ki ispayiw, ispi wētitāt tēpita, mohcihk ki isi kawipayiho mina ki atamiskawēw.

³ tēpit māka ki itēw, tānitē wētotēyan? ki itik māka, o kapēsiwinihk isrēil ni pē ohci paspin.

⁴ tēpit māka ki itēw, tānisi māka ēspayik? ki pakosēyimitin wihtamawin. ki naskwēwasimik māka, ayisiyiniwak tapasiwak notinitowinihk, mina mihcēt ayisiyiniwak pahkisinwak mina nipiwak; sāl māka mina cānahtan okosisa nipiwak asici.

⁵ tēpit māka ki itēw anihi oskinikiwa kā wihtamākot, tānisi ēsi kiskēyitaman sāl mina cānahtan okosisa ē nipicik?

⁶ ēkosi anihi oskinikiwa kā wihtamākot ki itik, nānaitāk kilpoa wacihk ē ayāyān, poti sāl ki saskaotākēw o tahkacikan; ēkosi mātika, titipitāpānāskwa mina otētapiwa kisiwāk ki nawaswātik.

⁷ ispi māka iyāpasāpit ni wāpamik, ēkosi ni ki tēpwātik, ni ki naskwēwasimāw māka, ota nit ayān.

⁸ ēkosi ni ki itik, awēna kiya? ni ki naskwēwasimāw māka, āmalikait niya.

⁹ ēkwa māka ni ki itik, pē takokāpawistawin ki pakosēyimitin mina nipain, cikēmā kotakitāwin notitinikon; wiya kēyapi ni pimātisiwin ē kikiskākoyān.

¹⁰ ēkosi māka ni ki takokāpawistaāw mina ni ki nipahāw, cikēmā ē kēhcināoyān ēkā misawāc kita ki pimātisit wiya sāsay ē ki pahkisihk: ēkosi ni ki otinamwān kihci okimāwastotin kā kikiskahk ostikwānihk mina wawēsionāpiskwa ospitonihk kā ayāyit, ēkosi ni ki pētamawāw ota nit okimām.

¹¹ ēkwa tēpit ki otitinam o kikiskācikana mina ki yāyikipitam; ēkosi mina ki itotamiyiwa kahkiyaw nāpēwa kā wicēwikot;

¹² ki kāmwātisiwak māka mina ki mātowak, ēkosi ki iyiwanisiisowak isko ē otākosiniyik, sāl ohci mina cānahtan okosisa, mina kā tipēyihcikēt ot ayisiyinima, mina o wāskāhikan isrēil; cikēmā ē ki pahkisiniyit isawēsk ohci.

¹³ ēkwa tēpit ki itēw anihi oskinikiwa kā ki ācimostākot, tānitē wēhciyan? ki naskwēwasimik, niya mānitēw okosisa, āmalikait.

¹⁴ tēpit māka ki itēw, tānisi oma ēkā kā kostaman kita isiniskēyiyan kita nisiwanāciimat kā tipēyihcikēt o tominākana?

¹⁵ tēpit māka ki natomēw pēyak oskinikima, mina ki itēw, kisiwāk itohtē mina pakamaw. ki pakamawēw māka ēkosi ki nipiyiwa.

¹⁶ tēpit māka ki itēw, ki mihko kistikwanihk kita ayāw; cikēmā kiton ki ki ācimikon ē itwēyan, ni ki nipaimāwa kā tipēyihcikēt o tominākana.

¹⁷ tēpit māka oma mihtātwēwin ki ohci mihtātwēwēmēw sāla mina cānahtana okosisiyiwa;

¹⁸ ēkosi ki sikikēmo kita kiskinohamāmiht cota ot awāsimisa ahcāpiwi nikamon; mātika masinahikātēw cāsar masinahikanihk.

¹⁹ ki kistēyitākosiwin isrēil nipatāniwan ita ē āispāyawitāyan! tāniyikohk pahkisinwak kā sokāyawisicik!

²⁰ ēkāwiya witamok anita kāht, ēkāwiya ātotamok anita āskilan pimohtēskanāhk! ēkā otānisiwāwa pilistinak kita miyawātahkik, ēkā otānisiwāwa ēkā kā sarkamsaisiwicik kita kakihcimoyit.

²¹ kiyawāw kilpoa waciya, ēkāwiya ē nipiwaskāk ahpo kimiwan ki ka otihtikonāwāw, ahpo kistikāni pakitināsowina; ayis ēkota o papaakwāna kā sokayawisit ki wiyaki wēpinimāwa, o papaakwāna sāl tāpiskoc ēkā ē ki ohci tominiht pimi ohci.

²² o mihkoāw ohci nipatākanak o wiyinowāw ohci kā sokāyawisicik, ot acāpiya cānahtan namawiya kwēskiyiwa, mina ot isawēkomān sāl namawiya pisisik kiwēyiwa.

²³ sāl mina cānahtan ki katawasisiwak mina ki miywēyihtākosiwak ē pimātisicik, ēkosi ē nipicik namawiya paskēwiyitowak; ki mihkawikiwak ayiwāk iyikohk mikisiwak, ayiwāk ki maskawisiwak iyikohk mistahkēsiwak.

²⁴ kiyawāw isrēil otānisimāwak, mawikātihk sāl, kā ki miyowiyātaikoyēk mihkwēkinohk, kā ki astāt osāwisoniyāwi wāwēsiowina ki kikiskācikaniwāhk.

²⁵ tāniyikohk pahkisinwak kā sokāyawisicik mēkwā notinitowinihk; cānahtan nipahāw ita kā ispāyawitāyan.

²⁶ ni pikwēyitēn kiya ohci niciwām cānahtan; mistahi ki ki miyototawin; māmaskāc kā ki isi sākihiyan, ayiwāk iyikohk iskwēw o sākihiwēwin.

²⁷ tāniyikohk pahkisinwak kā sokāyawisicik, mina natopayiwi āpacihcikana nisiwanātanwa!