ᓃᓵᐧᐤ ᒑᐣ 1 - Kanāci Kihci Masinahikan

¹ onikānēyitākosiw ē masinahamāwak okimāskwēw mina ot awāsimisa kā sākihakik tāpwēwinihk; namawiya māka niya piko māka mina kahkiyaw aniki kā kiskēyitahkik tāpwēwin;

² anima ohci tāpwēwin kā kikiskākoyahk mina kākikē ki ka wicēwikonānaw;

³ kisēwātotākowin kitimākinākowin pēyatakēyimowin ki ka wi wici ayāmikonānaw, ē ohcistamākoyahk kisēmanito wēyotāwihk mina cisas Christ, okosisa wēyotāwihk, tāpwēwinihk mina sākihiwēwinihk.

⁴ mistahi ni mamahtākosin ē ki miskawakik kit awāsimisak ē pimohtēcik tāpwēwinihk tāpiskoc kā ki isi miyikoyahk oyasowēwin wēyotāwihk.

⁵ ēkwa māka ki pakosēyimitin, okimāskwēw, namawiya tāpiskoc oski oyasowēwin ē masinahamātān māka anima micimāc ohci kā ki ayāyahk, kita sākihitoyahk.

⁶ ēwako māka oma sākihiwēwin kita pimotātotamwāyahk oyasowēwina. ēwako oma oyasowēwin, tāpiskoc kā ki isi pēhtamēk micimāc ohci, kita pimotātotamēk.

⁷ cikēmā mihcēt owayēsiiwēwak sipwētēwak askihk aniki oti ēkā kā ātotakik cisas Christ ē ki takosihk wiyāsihk ēwako awa owayēsiiwēw mina āntichrist.

⁸ kitāpatamāsok, ēkā kita wanitāyēk anihi kā ki atoskātamahk, māka kita ohtinamēk mitoni tipahamākowin.

⁹ awiyak kā kāsispo itohtēt ēkā māka kā ayāt o kiskinohamākēwiniyihk Christa, namawiya ayāwēw kisēmanitowa; ana māka kā ayāt kiskinohamākēwinihk ēwako ayāwēw tāpiskoc wēyotāwihk mina okosisimāwa.

¹⁰ kispin awiyak otihtikoyēko mina ēkā pētāci oma kiskinohamākēwin ēkāwiya pitokaihk kikiwāhk mina ēkāwiya atamiskāhk;

¹¹ cikēmā anihi kā atamiskākot wiciiwēyiwa o maci isihcikēwinihk.

¹² kēyāpic mihcēt kēkwaya ē ayāyān kita ki masinahamātakok namawiya ni wi masinaēn masinahikanēkin mina masinahikanāpo ē āpacitāyān; māka ni pakosēyimon kita otititakok ēkosi kita wici pikiskwēmitakok ē wāpatoyahk kikwākanināhk, kita tipipayik ki mamahtākosiwiniwāw.

¹³ ot awāsimisa kā ki nawāsoniht kiciwāmiskwēm kit atamiskākoyiwa.