Njun 4 - NTETO INJEGA CIA MURUNGU KIRI ANTU BONTHE

Maciara ja ûûme

¹ Buî aana baakwa, igueni ûritani bwa abaagu, thikîîreeni bwega nîkenda bûûmîa.

² Tontû mantû jarîa nkûbûritana nî jameega, bûkórîrua nîjo.

³ Kûrî rîo kinya ni ndaarî mwana mûnyi; na ndeethagîrwa ndî meethoone ja aciari baakwa ninka.

⁴ Baaba nawe aanditanaga, akambîîra atîrî, Ririkanaga nteto ciaakwa, na wathîkagîre maathana jaakwa, naagwe ûgaatûûra mwoyo.

⁵ Gîa kîrîra na ûûmîe ûkórîrua nî nteto ciaakwa, kana ûregana na ûrîa mbugîîte.

⁶ Ûgátigana na ûûme, nabu bûgaakumenyagîîra; ûbwendage nabu bûgagûkaragia.

⁷ Ûûme nî bwa bata mono, tontû bûu, cwaa ûûme. Kinya ûkëethîrwa ûrî na bingî bionthe îthîrwa ûrî na ûûme.

⁸ Îkagîîra ûûme, nabu bûgaatûma ûgîa îgweta; bûgwate ûbûrikie, nabu bûgaagûkumithia.

⁹ Ûûme bûgaakûgemia na bûgwîkîre thirû mûtwe.

¹⁰ Mwana waakwa, thikîîra na wîtîkîîrie nteto ciaakwa, nîkenda ûtûûra mîaka îmiingî.

¹¹ Nî nkûritanîte gûtûûraga ûrî ûmûûme, na ndakwonia mîîtîre îmîagîru.

¹² Ûtîtiirwa rîrîa wîtîte kana ûgiitara rîrîa ûmatûkîte.

¹³ Gwata ûritani ûbûrikie, bûmenyeere nîûntû nîbu bûgaagûtûûria.

¹⁴ Ûgákinya njîra ya antû ngîti, kana wîtania na antû babaaî.

¹⁵ Mîebe buru, na ûkámîkinya, ûgáûkîra wîta yo, kûrûka ûciîtîre.

¹⁶ Antû ngîti batîmamaga batîthithîtie ûntû bûbûthûûku, batîonaga toro batátiga muntû thîîneene.

¹⁷ Ûmaramari nî ta irio kîrî bo, nayo thaanga nî ta biakûnyua kîrî bo.

¹⁸ Mîîtîre ya barîa baagîru nî ta weerû bwa riûa rîkiuma, rîrîa rîîtaga na mbere kwara mwanka mûthenya gatîgatî.

¹⁹ Mîîtîre ya barîa baaî îkari ta muundu jûmûnene nabo batîmenyaga kîrîa kîbagwîthagia.

²⁰ Mwana waakwa, kiinda gûtû wigue jarîa ngûkwîra, na ûmenyeere bwega rûteto rwaakwa.

²¹ Jeeke nkoroone, na ûkórîrua nîjo.

²² Tontû nîjo jatûûragia barîa bajaathîkagîra, na nîjo inya ya mwîrî kîrî barîa bajathingataga.

²³ Menyeera bwega ûrîa ûthûgaanagia, nîkwîthîrwa mathûgaanio nîjo jatongagîîria mîîtîre yaaku.

²⁴ Tigana na ndwaria imbîî na ûrekane buru na nteto itîagîrîte.

²⁵ Îtaga ûtegeete mbere ûtîgûciûgûra.

²⁶ Menyagîîra mîîtîre yaaku najo jarîa ûkaathithagia jakabujaga.

²⁷ Ûgéetaga ûgîaûkagîra rûteere rûû kana rûû rûngî, ebaga ûthûûku buru.