Malaki 4 - NTETO INJEGA CIA MURUNGU KIRI ANTU BONTHE

Ntukû ya MWATHANI gûtua îgamba gûkuîîrîria

¹ MWATHANI Mweneinya ariuga atîrî, “Ntukû nî îîjîte rîrîa barîa bonthe baaî na aikumia bakaîthua na mwanki ta matî. Ntukû îîu yakinya bakaya bathire buru, na gûtîkîo kîaao gîgatigara.”

² Îndî buî barîa bambathîkagîra, nkaabumithîria riûa rîa waagîru rîrîa rîkaabworagia mîrimo. Bûgaatua kûthûngathûngûthaga ta njaû nkanateene.

³ Ntukû îîu ya îgamba yakinya buî barîa baagîru bûgaakinyangîra barîa baaî nthî, nîûntû bakeethîrwa bakari ta tîîri îrîa bûkinyangaga.

⁴ Ningî ririkanageeni mooritani ja nthûûmba yaakwa Musa na matua na nkuagaya na Waatho bûrîa ndaamûnenkeere kîrîmeene gîa Sinai, nîkenda bûthingatagwa nî Aisraeli bonthe.

⁵ “Atîrî, ngatûma kîroria Elija mbere ya ntukû îîu nene ya MWATHANI îkinya, îîu ya gûtujanîra îgamba.

⁶ Nawe akeendanithia aana na aciari baao; ntîkeeje kwîja nthiria nthîgûrû yonthe buru.”