Joel 3 - ქართული ბიბლია სრული ვერსია

¹ და იქნება, რომ ამის შემდეგ მოვაფენ ჩემს სულს ყოველ ხორციელზე და გაქადაგდებიან თქვენი ძენი და ასულნი; თქვენი უხუცესნი ნახავენ სიზმრებს და ჭაბუკები ხილვებს იხილავენ.

² მონა-მხევლებზეც მოვაფენ იმ დღეს ჩემს სულს.

³ გამოვაჩენ ნიშნებს ცაზე და მიწაზე: სისხლს, ცეცხლსა და კვამლის სვეტებს.

⁴ მზე დაბნელდება და მთვარე გასისხლიანდება, სანამ დადგებოდეს უფლის დღე, დიდი და საშინელი.

⁵ ყველა, ვინც კი მოუხმობს მაშინ უფლის სახელს, გადარჩება, რადგან სიონის მთაზე და იერუსალიმში იქნება ხსნა მათთვისაც, ვისაც უფალი მოუხმობს, როგორც ნათქვამი აქვს უფალს.