Halloo 5 - Kafa Linguistics Project

Addaami Shiijjereenaꞌo

¹ Addaami shiijjeree haddee yaaroo ebine: Yeeri ashoon bi halliyooba, bi shaahoona tuniihe.

² Anaamonaa maacheenon tuniiꞌi halliye. Boonoshinoo diiriye; “asho” iinoo boonoshin shigiihe.

³ Addaami balli shaasha nattiichii, bi shaahoo, malletoonoo biinoommo tuneti bushoon shiyihe; bi shigoonoo, Seeti ii shigiihe.

⁴ Seetin bi shiyitoyee gubb, shimitte balle naton beehe; bare anaami bushiishoonaa maache bushiishoonon shiyihe.

⁵ Addaami yiixiye ballaa shaasha nattiichii qitiye.

⁶ Seeti balli uucha nattiichii, Henooshin shiyihe.

⁷ Henooshin bi shiyitoyee gubb, shimitte ballaa shabaatte naton beehe; bare anaami bushiishoonaa maache bushiishoonon shiyihe.

⁸ Seeti yiixiye ballaa aaraa gutta nattiichii qitiye.

⁹ Henooshi yixena nattiichii, Qenaanin shiyihe.

¹⁰ Qenaanin bi shiyitoyee gubb, shimitte ballaa aaraa uuche naton beehe; bare anaami bushiishoonaa maache bushiishoonon shiyihe.

¹¹ Henooshi yiixiye ballaa uucha nattiichii qitiye.

¹² Qenaani shaba nattiichii, Mahaleelin shiyihe.

¹³ Mahaleelin bi shiyitoyee gubb, shimitte ballaa aabbe naton beehe; bare anaami bushiishoonaa maache bushiishoonon shiyihe.

¹⁴ Qenaani yiixiye ballaa aashira nattiichii qitiye.

¹⁵ Mahaleeli shichaa uucha nattiichii, Yaareedin shiyihe.

¹⁶ Yaareedin bi shiyitoyee gubb, shimitte ballaa shaashe naton beehe; bare anaami bushiishoonaa maache bushiishoonon shiyihe.

¹⁷ Mahaleeli shimitte ballaa yixenaa uucha nattiichii qitiye.

¹⁸ Yaareedi balli shichaa gutta nattiichii, Henookin shiyihe.

¹⁹ Henookin bi shiyitoyee gubb, shimitte balle naton beehe; bare anaami bushiishoonaa maache bushiishoonon shiyihe.

²⁰ Yaareedi yiixiye ballaa shichaa gutta nattiichii qitiye.

²¹ Henooki shichaa uucha nattiichii, Matusaalin shiyihe.

²² Matusaalin bi shiyitoyee gubb, keejje balle naton Yeerina tookkii ikkotteꞌi beehe; bare anaami bushiishoonaa maache bushiishoonon shiyihe.

²³ Henooki keejje ballaa shichaa uuche naton tunehe.

²⁴ Henooki Yeerina tookkii ikkotteꞌi beehe. Ikke areddoon Yeeri biin daammiye; ebich asheenaꞌo biin guttinnoon beegaaneenaꞌone.

²⁵ Matusaali balli shinnaa shabaatta nattiichii, Lameekin shiyihe.

²⁶ Lameekin bi shiyitoyee gubb, shabaatte ballaa shinnaa gutte naton beehe; bare anaami bushiishoonaa maache bushiishoonon shiyihe.

²⁷ Matusaali yiixiye ballaa shichaa yiixiya nattiichii qitiye.

²⁸ Lameeki balli shinnaa gutta nattiichii, bushoon shiyihe.

²⁹ “Doono Yeeri uppiti showee toommooch no kishoona aajjaa no shuunaabeeti magge shuunoo bulliichee noon kashiyemmone” ii bi bushoo shigoon, Noohi iye.

³⁰ Noohin bi shiyitoyee gubb, uuche ballaa yixenaa uuche naton beehe; bare anaami bushiishoonaa maache bushiishoonon shiyihe.

³¹ Lameeki shabaatte ballaa shabaa shabaatta nattiichii qitiye.

³² Noohi uuche ball nattiichii, Sheemi, Kaaminaa Yafeetinon shiyihe.