SAVULI 8 - MBIVILIA ŨVOO MŨSEO

Ũnene wa Ngai na Ndaĩa ya Mũndũ

Kwa mwinĩthya: Savulĩ ĩno yaandĩkiwe nĩ Ndeviti

¹ Ame Mwĩai Ngai, Ngai waitũ, kaĩ ĩsyĩtwa yaku yĩnenevete ũu ĩũlũ wa nthĩ! Ũkumyo waku wambatĩte nginya ĩũlũ ĩtunĩ.

² Ũkumyo waku nĩwinawa nĩ syana na tũũkenge. Wĩ ũsũvĩonĩ kumana na amaitha maku, nũsiĩĩaa mũndũ o na wĩva ũla ũleanaa naku.

³ Yĩla nasisya matu, wĩa wa moko maku, na nasisya mwei na ndata, ila waiie vala syĩthĩawa,

⁴ mũndũ nĩ kyaũ, nĩ kana ũsũanĩe ĩũlũ wake? O mũndũ, nĩ kana ũthĩnĩke nũndũ wake?

⁵ Nĩwamũmbie akilĩlye kwĩkala ta Ngai; nũmũnengete kwĩthĩwa na ũkumyo na ndaĩa.

⁶ Nĩwatw'ĩkĩthisye mũndũ mũnene wa syĩndũ syonthe ila woombie; nĩwaiie syĩndũ syonthe syĩthĩwe ungu wa ũtonyi wake:

⁷ Mbũi na malondu na indo, na nyamũ sya kĩthekanĩ,

⁸ nyũnyi sya yayaya, na makũyũ ma ũkanganĩ, na syũmbe syonthe sya ũkanganĩ.

⁹ Ame Mwĩai Ngai, Ngai waitũ, kaĩ ĩsyĩtwa yaku yĩnenevete ũu ĩũlũ wa nthĩ!