SAVULI 6 - MBIVILIA ŨVOO MŨSEO

Mboya ya Kũkũlya Ũtethyo Ĩvindanĩ ya Thĩna

Kwa mwinĩthya: Aitũmĩa mĩio ya Mbathi yĩ ndii. Savulĩ ĩno yaandĩkiwe nĩ Ndeviti

¹ Ame Mwĩai Ngai ndũkangany'e ũthatunĩ waku, o na ndũkanzilĩle ũthilĩkunĩ waku.

² Ame Mwĩai Ngai mbĩw'ĩe tei, nũndũ nĩ mwonzu. Ame Mwĩai mbosye nũndũ mwĩĩ wakwa wĩ na thĩna.

³ O ta ũu nĩ na thĩna mwingĩ thayũnĩ. Ame Mwĩai Ngai wĩndeka ũu nginya ĩndĩĩ?

⁴ Ame Mwĩai Ngai ũka ũndangĩĩe; ndangĩĩe nũndũ wa wendo waku ũtaolekaa.

⁵ Nũndũ vai mũndũ ũkũlilikanaa e mũkw'ũ. Ũla ũtonya ũkũtaĩa e mbũanĩ nũũ?

⁶ Nĩnĩnoetw'e nĩ kũluma kwakwa; kĩla ũtukũ nĩnĩnyithasya kĩtanda kyakwa na methoi; nĩnĩkolasya mũto wakwa na methoi.

⁷ Kyeva nĩkĩtumĩte metho makwa matona nesa, nĩekete kwona nũndũ wa amaitha makwa.

⁸ Umai vala nĩĩ inyw'ĩ andũ athũku, nũndũ Mwĩai Ngai nĩwĩw'ĩte kĩĩo kyakwa.

⁹ Mwĩai Ngai nĩwĩw'ĩte kĩĩo kyakwa ngĩmũkũlya ambĩw'ĩe tei, Mwĩai Ngai nĩwĩtĩkĩlĩte mboya yakwa.

¹⁰ Amaitha makwa onthe makakwatwa nĩ nthoni na kũsaanĩw'a; makasyoka na mĩtũkĩ me na nthoni mbingĩ.