SAVULI 16 - MBIVILIA ŨVOO MŨSEO

Mboya ya Kũkũlya Ngai Ũsũvĩo

Savulĩ ĩno yaandĩkiwe nĩ Ndeviti

¹ Ame Mwĩai Ngai nzũvĩe, nĩkwĩthĩwa nĩvithaa nthĩnĩ waku.

² Nĩnĩneenete na Mwĩai Ngai ngamwĩa, “Nue Mwĩai wakwa, na ũtevo ndi na kĩndũ kĩseo.”

³ Kwondũ wa ala atheu me ĩũlũ wa nthĩ, asu nĩmo ma kũtaĩwa, na nĩnĩtanaa nũndũ woo.

⁴ Kĩmako kya ala mamanthanaa na ngai ingĩ kĩkaingĩva, ndikwatanĩa namo nthembonĩ syoo, o na ndikathaitha ngai syoo.

⁵ We Mwĩai Ngai nue ũtiĩwa wakwa na kyonthe kĩla ngwenda, na thayũ wakwa wĩ mokonĩ maku.

⁶ Nũnengae mĩthĩnzĩo mĩseo mũno; kwa w'o ũtiĩwa wakwa nĩwakwendeesya.

⁷ Nĩngũtaĩa Mwĩai Ngai ũla ũnengae ũtao; o na ũtukũ ngoo yakwa nĩmanyĩasya.

⁸ Kĩla ĩvinda nĩnĩthĩawa nĩsĩ kana Mwĩai Ngai e vakuvĩ nakwa, nũndũ e vakuvĩ nakwa vai kĩndũ kĩkanthingithya.

⁹ Kwoou nĩngũtana na kwĩw'a mũyo, na nĩngwĩw'a nĩ ũsũvĩonĩ,

¹⁰ nũndũ nũnzũvĩaa kuma ũtonyinĩ wa kĩkw'ũ, na ndũkaeka ũla ũkũkĩaa athi vala maveva ma ala akw'ũ mekalaa.

¹¹ Nũmbonasya nzĩa ĩla ĩetae thayũ; vala ũĩ ve ũtanu mwingĩ, kwaku ve maũndũ ma kwendeesya ĩvinda yonthe.