SAVULI 150 - MBIVILIA ŨVOO MŨSEO

Taĩai Mwĩai Ngai

¹ Mũtaĩei Mwĩai Ngai! Mũtaĩei Mwĩai Ngai Ĩkalũnĩ yake! Mũtaĩei ĩtunĩ yake ĩnene!

² Mũtaĩei nũndũ wa meko make manene, mũtaĩei kwĩanana na ũnene wake mũnene.

³ Mũtaĩei na wasya wa soo, mũtaĩei na syĩndũ sya kũvuva na ngitaa nene!

⁴ Mũtaĩei na ndambulĩnĩ na kũsũnga, mũtaĩei na syĩndũ sya mbathi syĩ ndii na mũtũlilũ.

⁵ Mũtaĩei kwa kũkũna tũmasaya, mũtaĩei na tũmasaya twĩ na wasya mũnene.

⁶ Syũmbe syonthe ila syĩ thayũ nitaĩe Mwĩai Ngai! Mũtaĩei Mwĩai Ngai.