SAVULI 15 - MBIVILIA ŨVOO MŨSEO

Mũnyanyae wa Ngai

Savulĩ ĩno yaandĩkiwe nĩ Ndeviti

¹ Mwĩai Ngai nũũ ũla ũtonya kũlika Ĩkalũnĩ yaku? Nũũ ũtonya kwĩkala kĩĩmanĩ kyaku kĩtheu?

² Nĩ ũla wĩkaa kwenda kwa Ngai, na ũla wĩkaa maũndũ ala malũngalu; nĩ ũla ũneenaa ũw'o kuma ngoonĩ yake;

³ nĩ ũla ũtaneenaa ndeto sya kũsuka andũ ala angĩ, na ũla ũtekaa mũtũi wake naĩ; nĩ ũla ũtaneenaa ndeto sya ũvũngũ ĩũlũ wa mũtũi wake.

⁴ Nĩ mũndũ ũla ũvũthasya ala mekaa naĩ, ĩndĩ ainenga ala me na kĩkĩo kya Ngai ndaĩa; nĩ ũla wĩanĩasya wĩvĩto wake o na ethĩwa vailyĩ ata.

⁵ Nĩ ũla ũkovethanasya mbesa ate kwĩtya ũtandĩthyo, na ndetĩkĩlaa kwosa ĩtuvi ya wendeesyo athĩny'e ũla ũte na ĩvĩtyo. Ũla wĩkaa maũndũ asu ndakathingithĩka o na ĩndĩĩ.