SAVULI 13 - MBIVILIA ŨVOO MŨSEO

Mboya ya Kũkũlya Ũtethyo kuma kwa Ngai

Kwa mwinĩthya: Savulĩ ĩno yaandĩkiwe nĩ Ndeviti

¹ Ame Mwĩai Ngai, wĩendeea kũlwa ninyie nginya ĩndĩĩ? Nĩkũlya, wĩũlwa ninyie kũvika tene na tene? Wĩmbĩvithĩla nginya ĩndĩĩ?

² Nĩthĩnany'a na mosũanĩo makwa nginya ĩndĩĩ, na kĩla mũthenya kwĩthĩawa nĩna kĩmako ngoonĩ? Mũmaitha wakwa eendeea kũnzinda kũvika ĩndĩĩ?

³ Ame Mwĩai Ngai, Ngai wakwa, nzisye na ũinzũngĩa. Ndũngĩe vinya wakwa ndikese kũkw'a,

⁴ kana amaitha makwa masye, “Nĩtũmũsindĩte,” kana nthũ syakwa itanĩe kũvalũka kwakwa.

⁵ Ĩndĩ nĩkwatĩtye wendo waku ũtaolekaa, ngoo yakwa ĩkatanĩa ũtangĩĩo waku.

⁶ Ngainĩa Mwĩai Ngai, nĩkwĩthĩwa ethĩĩtwe e mũseo kwakwa.