SAVULI 12 - MBIVILIA ŨVOO MŨSEO

Mboya ya Kũkũlya Ũtethyo kuma kwa Ngai

Kwa mwinĩthya: Savulĩ ĩno yaandĩkiwe nĩ Ndeviti

¹ Mwĩai Ngai tũtetheesye, nĩkwĩthĩwa vai mũndũ ũĩkĩaa Ngai ũtialĩte; andũ ala aĩkĩĩku nĩ athelu andũnĩ.

² Kĩla mũndũ nũkengaa mũtũi wake; maneenaa ndeto sya ũvũngũ, na ngoo syoo iyĩthĩawa na ũw'o.

³ Mwĩai Ngai tuma andũ asu maneenaa ũvũngũ mavindya, andũ ala mekathĩĩaa.

⁴ Maneenaa makasya, “Ndeto sitũ niũtuma tũsinda; twĩ na makanyw'a ma kũneena, nũũ ũla ũtonya kũtũsumbĩka?”

⁵ Ĩndĩ Mwĩai Ngai easya, “Nĩkwĩthĩwa ala ngya nĩmeũthĩnw'a na athĩni nĩmeũluma, nĩngũkĩla oyu. Nĩngũsũvĩa onthe ala mekwenda ũsũvĩo.”

⁶ Ndeto sya Mwĩai Ngai nĩ ntheu, iilyĩ silĩva ũtheew'e ĩikonĩ ya yũmba mavinda mũonza.

⁷ Ame Mwĩai Ngai tũsũvĩe; tũsũvĩe kuma andũnĩ ma mũthemba ũsu, ĩvindanĩ yonthe yĩla yũkĩte.

⁸ Andũ ala athũku me kĩla vandũ, na kĩla mũndũ ekumya ũndũ ũla mũthũku.