SAVULI 11 - MBIVILIA ŨVOO MŨSEO

Kũĩkĩĩa Mwĩai Ngai

Kwa mwinĩthya: Savulĩ ĩno yaandĩkiwe nĩ Ndeviti

¹ Nĩvithaa nthĩnĩ wa Mwĩai Ngai; mũtonya ata yu kũmbĩa, “Ũlũka ta kasũni ũthi iĩmanĩ?

² Nĩkwĩthĩwa ala athũku nĩmakootaa ũta; nĩmekĩaa maangi moo ndiinĩ sya ũta, nĩ kana mevithĩte kĩvindunĩ maathe ala alũngalu.

³ Andũ ala alũngalu makeeka ata, ethĩwa maũndũ ala maĩlĩte kwĩkwa maikũatĩĩwa?”

⁴ Mwĩai Ngai e Ĩkalũnĩ yake ĩtheu; Mwĩai Ngai e kĩvĩlanĩ kyake kya kĩ-ũsumbĩ ĩtunĩ; nũsyaĩĩasya ana ma andũ, na nũmanyaa maũndũ ala mekwĩka.

⁵ Mwĩai Ngai nũsiasya maũndũ ala andũ aseo na athũku mekaa, nĩ kana amanye ũndũ mailyĩ, ĩndĩ nũmenaa ala mendete ithokoo.

⁶ Mwĩai Ngai akatuma ala athũku, mauĩĩwa nĩ makaa makanĩte mwaki, na Lavuti wakanĩte; nũmakanasya na kĩseve kĩla kĩvĩvasya.

⁷ Nĩkwĩthĩwa Mwĩai Ngai nĩ mũlũngalu, nĩwendete meko malũngalu, na andũ ala alũngalu makamwona.