NTHIMO 19 - MBIVILIA ŨVOO MŨSEO

¹ Nĩ kavaa mũndũ kwĩthĩwa e ngya ĩndĩ e mũlũngalu, kũte mũndũ ũneenaa ndeto sya ngũlũ na nĩ mũtumanu.

² Ti ũseo mũndũ kũthangaaĩa ũndũ ate na ũmanyi, mũndũ ũla wĩkalaataa nĩwaasya nzĩa.

³ Yĩla mũndũ walika thĩnanĩ nũndũ wa ũtumanu wake, nũtũlaa Mwĩai Ngai mũtĩ.

⁴ Ũthwii nũtumaa mũndũ akwata anyanya aingĩ, ĩndĩ ngya nĩtiawa nĩ mũnyanyae.

⁵ Ngũsĩ ya ũvũngũ ndĩkalea kũkanw'a, na ũla ũkenganaa ndakavonoka.

⁶ Andũ aingĩ mamanthaa ũseo kuma kwa mũndũ mũlau, na kĩla mũndũ endaa kũtuma ndũũ na mũndũ ũla ũnenganae mĩthĩnzĩo.

⁷ Ana-a-ĩthe onthe ma mũndũ ngya nĩmamũmenaa, o namo anyanyae make nĩmevathanaa nake, o na amaatĩĩa amesũvĩte ndesaa kũkwata o na ũmwe.

⁸ Ũla ũkwataa ũĩ nĩwĩyendete, ũla wiaa ũmanyi akaendeea nesa.

⁹ Ngũsĩ ya ũvũngũ ndĩkalea kũkanw'a, na ũla ũkenganaa akaa.

¹⁰ Ti ũseo ndia kwĩkala yĩ na maũndũ ma kwendeesya thayũ, na nĩ ũthũku mbeange ngombo kũsumbĩka andũ ma ndaĩa.

¹¹ Mũndũ wĩ kĩlĩko nĩwĩsiĩĩaa kũthata mĩtũkĩ, na kũekea mavĩtyo nĩ ndaĩa kwake.

¹² Ũthatu wa mũsumbĩ nĩ ta kĩlulumo kya mũnyambũ, ĩndĩ kwonany'a ũseo wake nĩ ta ĩmwe nyekinĩ.

¹³ Mwana mũtumanu nĩ wanangĩko kwa ĩthe, na kĩveti kĩ ĩteta nĩ ta malovoto ma mbua matathelaa.

¹⁴ Mũndũ akwataa ũtiĩwa wa nyũmba na mothwii kuma kwa asyai make, ĩndĩ kĩveti kĩ kĩlĩko kyumaa kwa Mwĩai Ngai.

¹⁵ Ũtulu nũtumaa mũndũ akoma too mũnene, na mũndũ mũtulu nĩwĩw'aa nzaa.

¹⁶ Ũla ũatĩĩaa mĩao asũvĩaa thayũ wake, ĩndĩ ũla ũvũthĩĩasya mĩendele yake akakw'a.

¹⁷ Ũla ũtetheeasya ngya akovethasya Mwĩai Ngai, nake Mwĩai Ngai akamũĩva nũndũ wa ũu weeka.

¹⁸ Kany'a mwana waku o yĩla ve wĩkwatyo, walea kwĩka ũu, ũmũekete anangĩke.

¹⁹ Mũndũ wĩ ngoo mbingĩ no nginya aĩvĩe, o na wamũtaany'a, ũkamũtaany'a ĩngĩ na ĩngĩ.

²⁰ Ĩthukĩĩsye ũtao na ũyĩtĩkĩla ũmanyĩsyo, nĩ kana ũkwate ũĩ wa ĩvinda yũkĩte.

²¹ Mũndũ ethĩawa na mĩvango mingĩ ngoonĩ yake, ĩndĩ kwenda kwa Mwĩai Ngai nĩkw'o kwĩkĩkaa.

²² Ũseo wa mũndũ nĩw'o ũtumaa endwa, na mũndũ ngya e kavaa kwĩ mũkengani.

²³ Kĩkĩo kya Mwĩai Ngai kĩetae thayũ, ũla wĩ nakyo ekalaa e mwĩanĩe, ndakakwatwa nĩ ũndũ mũthũku.

²⁴ Mũndũ mũtulu nũlikasya kw'oko kwake ĩsaaninĩ, na aiemwa nĩ kũkũete kanyw'anĩ wake ĩngĩ.

²⁵ Kũna mũndũ wĩ kĩvũthya, na ndia ĩkooĩva, kany'a mũndũ mũĩ, nake akakwata ũmanyi.

²⁶ Mũndũ ũla ũmũng'endeaa ĩthe na kũlũngya inyia wake, nĩ mwana ũetae kĩvũthya na nthoni.

²⁷ Mwana wakwa, woona waeka kwĩthukĩĩsya ũmanyĩsyo, nũkwelelũka ũtie ũĩ.

²⁸ Ngũsĩ ya mana nĩvũthasya sila wa katĩ; mũndũ mũthũku nĩwendete ũthũku.

²⁹ Andũ ala mavũthasya meteelete ũsilĩlo, nasyo ndia syeteelete kũkũnwa ivoko mĩongonĩ yasyo.