NTHIMO 13 - MBIVILIA ŨVOO MŨSEO

¹ Mwana mũĩ nĩwĩw'aa ũmanyĩsyo wa ĩthe wake, ĩndĩ ũla wĩ kĩvũthya ndew'aa ũkany'o.

² Mũndũ mũseo akwataa syĩndũ nzeo kumana na ndeto syake, ĩndĩ wendi wa nzeleke nĩ kwĩka ũthũku.

³ Ũla ũsũvĩaa ndeto syake nĩwĩkalasya thayũ wake, ĩndĩ ũla ũneenaa ndeto ateũsũanĩa nũminaa thayũ wake mwene.

⁴ Mũndũ mũtulu nĩwĩthĩawa na wendi, na ndakwataa kĩndũ, ĩndĩ ũla wĩ kĩthito nũkwataa syĩndũ mbingĩ.

⁵ Mũndũ mũlũngalu nũmenaa ũvũngũ, ĩndĩ mũndũ mũthũku ekaa maũndũ me nthoni na me kĩvũthya.

⁶ Ũlũngalu nũsũvĩaa mũndũ ũla wĩkaa maũndũ maĩlu, ĩndĩ naĩ nĩminaa mũndũ mũthũku.

⁷ Mũndũ nũtonya kwĩtw'ĩkĩthya mũthwii, ĩndĩ nde kĩndũ, na ũngĩ nũtonya kwĩtw'ĩkĩthya ngya, ĩndĩ ayĩthĩwa e na ũthwii mwingĩ.

⁸ Ũthwii wa mũndũ nũtonya kwovosya thayũ wake, ĩndĩ mũndũ ngya nde kĩndũ kĩtuma atelemw'a.

⁹ Ala alũngalu nĩ taa ũendeeaa kwakana, ĩndĩ ala athũku nĩ taa mũvosye.

¹⁰ Ngathĩĩo nietae ĩteta, ĩndĩ ala makwataa ũtao nĩmethĩawa na ũĩ.

¹¹ Ũthwii ũla ũkwatawa na nzĩa ĩtaĩlĩte ũendeeaa kũthela o mbola, ĩndĩ ũla wũmbanasya nini kwa nini nĩwĩthĩawa na ũthwii mwingĩ.

¹² Ũndũ ũla mũndũ wĩkwatĩtye watĩa, nũkusaa ngoo, ĩndĩ ũndũ ũla mũndũ ũkwenda weanĩa, nĩwĩthĩawa na ũtanu.

¹³ Ũla ũvũthasya ũtao eyĩeteae wanangĩko we mwene, ĩndĩ ũla wĩanĩasya mwĩao nũtuvawa.

¹⁴ Ũmanyĩsyo wa mũndũ mũĩ nĩ kĩthima kya thayũ, nũtumaa mũndũ atalika kĩteinĩ kya kĩkw'ũ.

¹⁵ Ũmanyi mũseo nũetae ũseo, ĩndĩ nzĩa ya ala mate aĩkĩĩku ĩmelekelye wanangĩkonĩ.

¹⁶ Mũndũ wĩ kĩlĩko ekaa maũndũ onthe na ũmanyi, ĩndĩ ndia nĩyonanasya ũtumanu wayo.

¹⁷ Mũtũmwa mũthũku nũlikasya andũ thĩnanĩ, ĩndĩ mũtũmwa mũĩkĩĩku nũetae ũvosyo.

¹⁸ Mũndũ ũla ũleaa ũmanyĩsyo atw'ĩkaa ngya na wa kũvũthw'a, ĩndĩ ũla wĩtĩkĩlaa ũkany'o nũkumaw'a.

¹⁹ Mũndũ nũtanaa ũndũ ũla ũkwenda weanĩa, ĩndĩ ndia nĩthataw'a nĩ kũtia naĩ.

²⁰ Ũla ũendanasya na andũ oĩ nĩwũĩvaa, ĩndĩ ũla ũtindanasya na ndia akathĩna.

²¹ Ũthũku nũkwataa eki ma naĩ, ĩndĩ ala alũngalu nĩmekawa nesa.

²² Mũndũ mũseo nũtiĩaa esũkũũe ũtiĩwa, ĩndĩ ũthwii wa ũla wĩkaa naĩ wiĩwe ala alũngalu.

²³ Ngya nĩkethaa lĩu mwingĩ kuma mũũndanĩ wayo, ĩndĩ ngetha ĩsu nĩyosawa kwa nzĩa ya ũsili ũte wa katĩ.

²⁴ Ũla ũtakanasya mwana wake nũmũmenete, ĩndĩ ũla ũmwendete nũmũkanasya ĩvinda yĩla yaĩlĩte.

²⁵ Mũndũ mũlũngalu ethĩawa na lĩu ũmwĩanĩe, ĩndĩ mũndũ mũthũku ndavũnaa.