MALAKI 4 - MBIVILIA ŨVOO MŨSEO

Mũthenya wa Mwĩai Ngai Nĩwũkĩte

¹ Mwĩai Ngai Mwene Ũtonyi W'onthe easya atĩĩ, “Mũthenya nũkilĩlye kũvika ũla wĩĩthĩwa wĩ mũvyũ mũno ta mwaki wa ndumbĩa, yĩla andũ onthe ala mekathĩĩaa na onthe ala mekaa naĩ makavya ta mavuti. Mũthenya ũsu ũkamavĩvya vyũ wĩthĩe vai kĩndũ kyoo kĩtialĩte.

² Ĩndĩ ngalĩko ĩla yenyu inyw'ĩ ala mũmbĩw'aa, syũa ya ũlũngalu yĩkamumĩlĩĩla na kyeni kyayo kĩkamũvosya. Nenyu mũkaumaala na kũtũva ta tũsaũ twavingũĩwa kĩtũũnĩ.

³ Mũthenya ũsu, mũkakinyangĩa ala athũku nthĩ, nũndũ makeethĩwa ta mũu ungu wa nyaĩĩ syenyu. Nĩasya ũu nyie Mwĩai Ngai Mwene Ũtonyi W'onthe.

Ũkany'o na Ũtianĩo

⁴ “Lilikanai mĩao, motw'ĩo na myamũlo ĩla nanengeie Mwose mũthũkũmi wakwa Kĩĩmanĩ kya Sinaĩ, kwondũ wa andũ onthe ma Ĩsilaeli.

⁵ Mũthenya ũsu mũnene na wa kũtĩsya wa Mwĩai Ngai ũtanamba kũvika, ngamũtũmĩa mwathani Eliya.

⁶ Akeew'anĩthya aaĩthe na syana syoo, na syana na aaĩthe moo, ndikese kũka na kwananga nthĩ na kĩumo.”