DEDI 10 - Na Huratu Matua

Da wàla wuada da anana i Nuhu

¹ Yiada-haka da wàla wuada da anana i Nuhu, nu i Hemu, i Yapitu dàngu i Hàmu. La hambeli iwa pa-kadua haàtu-da da-ngalangu anada, anakeda mini.

² Da anana i Yapitu jia-duhaka: i Nggomiru, i Mangguku, i Mandai, i Yawàngu, i Tumbàlu, i Mehiku dàngu i Tiràhu.

³ Da wàla wuana i Nggomiru jia-duhaka da ma-mandapu-nya na Àhakenàhu, Ripàtu dàngu Tunggàrama.

⁴ Da wàla wuana i Yawàngu jia-duhaka da ma-mandapu-nya la Eliha, Hapanyulu, Hipuru, dàngu Rondihu.

⁵ Nyuda jiaha da boku la mangilu-da da tau da ma-ngiangu la hingi wara dàngu la nuha - nuha. Nuda jia ndàba-haka da wàla wuana i Yapitu. Nimbihu banjaru dàngu kabihu ha-kangia - ha-kangiangu-mada duda la tanada, dàngu ni - ninguma hilu wikida.

⁶ Da anana i Hàmu jia-duhaka i Kuhu, i Mehiru, i Limbia dàngu i Kanaàngu.

⁷ Da wàla wuana i Kuhu, jia-duhaka da ma-mandapu-nya la Hemba, Hawila, Hàputa, Raema dàngu Hàputeka. Da wàla wuana i Raema jiaha da ma-mandapu-nya la Hemba dàngu la Ndendàngu.

⁸ I Kuhu ningu anana mini, na ma-tamungu Nimurutu, nyuna-duka na ma-kawunga kaborangu la pinu tana.

⁹ Wàngu pa-ndulangu-na i MIRI, mini pa-tamangu ma-manyori-maya. Jia-duyaka hi nalara lii wàngu na tau, “Màla àru i MIRI ka natukau mini pa-tamangu ma-manyori hama tuna i Nimurutu,” hi wàna wàngu.

¹⁰ La kawunga-na na pa-hanganji-na na-hanggaunya la Mbambilu, Eriku dàngu Akatu, pa-katailu mbuada ni ndàbanja la tana Mbambilunia.

¹¹ Welingu lai nu nalaku la Ahuru, hi natura-ya na paraingu la Naniwa, la Rihombutu-Iru, la Kala,

¹² dàngu la Rehingu la manggawa Naniwa dàngu Kala. Mbuu ndàbada nuda paraingu bokulu-ha.

¹³ Da wàla wuana i Mehiru jia-duhaka da ma-mandapu la Lindia, Anamimu, Lehambimu, Nàputuhimu,

¹⁴ Pàturuhimu, Kàhaluhimu dàngu Kàputorimu. Na banjaru Kàhaluhimu jia-duyaka na boku la mangilu-na na banjaru Pilitingu.

¹⁵ Da anana i Kanaàngu, jia-duhaka i Hindungu, na ma-maaya dehi, dàngu i Hetu.

¹⁶ I Kanaàngu jia-mbuya na boku la mangilu-na na banjaru Yambuhi, Amori, Nggiringgahi,

¹⁷ na tau Hewi, Àraki, Hini,

¹⁸ Àrawandi, Hamari dàngu Hamati. Da kabihu banjaru Kanaàngu da-tanyalangu marau,

¹⁹ hi lupa na padira tanada nyuda na-nggailaru piti welingu la Hindungu hanggangu hu luru la Nggeràru, lundu la lihina la Nggaha, dàngu hanggangu la pahunga lodu la Hondumu, Nggomora, Àtama dàngu Hamboimu, lundu tàka la lihina la Laha.

²⁰ Nuda-haka mbuu ndàbada da wàla wuana i Hàmu. Nimbihu banjaru dàngu kabihu ha-kangia - ha-kangiangu-mada duda la tanada, dàngu ni - ninguma hilu wikida.

²¹ I Hemu ayana i Yapitu jia-yaka na boku la mangilu-da mbuu ndàbada da banjaru Imbarani.

²² Da anana i Hemu jiaha: i Elàmu, i Ahuru, Àrapàkahàtu, i Lutu dàngu i Aràmu.

²³ Da wàla wuana i Aràmu jia-haka da ma-mandapu-nya la Uhu, Hulu, Nggetiru dàngu Màhu.

²⁴ I Àrapàkahàtu amana i Helàhu. Tàka i Helàhu amana i Embiru.

²⁵ I Embiru dadua da anana mini, na ma-wungangu i Peliku, nadu la rehi ba ninya nyuna ba jia-duyaka na pabi - biwangu na banjaru la pinu tana; na padua wàda na tamuna i Yòkutàngu-ya.

²⁶ Da wàla wuana i Yòkutàngu jia-duhaka da ma-mandapu-nya la Àlumondàtu, Helipu, Hahàru-Mawitu dàngu la Yera,

²⁷ Handoràmu, Uhàlu, Ndikula,

²⁸ Ombàlu, Ambimaïlu, Hemba,

²⁹ Opiru, Hawila dàngu Yombàpu. Mbuu ndàbada wàla wuana i Yòkutàngu-ha.

³⁰ Na ngaba ngia pa-ngiangu-da na-nggailaru piti welingu la Meha lundu la Hepàru, nu la ngaba ma-palindingu la pahunga lodu.

³¹ Nuda mbuu ndàbada wàla wuana i Hemuha. Nimbihu banjaru dàngu kabihu hakangia - ha-kangiangu-mada la tanada dàngu ni - ninguma hilu wikida.

³² Mbuu ndàbada nuda wàla wuana i Nuhuha, banjaru pa-ndàkingu banjaru, tundunya na ruku dedida nimbihu-da. Nyuda-maka da ngia paweli-na na banjaru dangu la pinu tana yiana, la hambeli iwa obungu-na.