สีง ฑูง 16 - ฉบับอักษรลาว

ສີງ ດສູງ 16

ຕສ໊ຽວ ປຸນ ບົວ ດສິບ ຫລົງ ເຍີຍ ປ່ວນ

ດາ​ວິດ ເຍີຍ ມິກ​ທາມ ດສູງ.

¹ ໂອ ທິນ-ຮູ່ງ ອ່າ, ໂທ້ ເມີ່ຍ ເປວ ຈ໊ຽນ ເຢຍ, ເຫວີ່ຍ ຕສຸ ເຢຍ ດ້າວ ເຂົາ ເມີ່ຍ.

² ເຢຍ ກ໊ອງ ບົ໋ວ ຕສ໊ຽວ, “ເມີ່ຍ ໂຕສ໋ວ ເຢຍ ເຍີຍ ຕສ໊ຽວ, ທສວດ ລິ໌ວ ເມີ່ຍ ເຢຍ ໄມ້ ມ່າຍ ຫາຍ ຫຍູ່ງ ຫລົງ.”

³ ຢຽມ ປ້າມ ເກນ ເຍີຍ ທສີງ-ເດສ່ງ ແປະ ຝີງ, ເຊ ເກົ້າ ຫລົງ ເຈ໋ຍ, ຕົ້ງ ເຢຍ ເກົ້າ ອະເຮນີ້ຍ ເຈ໋ຍ ເຍີຍ ມ່ຽນ.

⁴ ກິ໊ນ ກັນ ເຫຍ່ຍ ເຍີຍ ຕສ້ຽນ ວົ້ວ ເຕີ໋ຍ ຈາ ເດສົ້າ ທສ້ຳ. ນິ່ນ ບົວ ໂຕ໋ ເຕສ່ຍ ຕສ້ຽນ ເຍີຍ ດສຢ໊າມ, ເຢຍ ໄມ້ ໂຕ໋. ເຢຍ ເຍີຍ ດສຸ້ຍ ເໝີຍ ຢ່າ ໄມ້ ກ໊ອງ ທສວດ ນ້າຍ ເຕີ໋ຍ ຕສ້ຽນ ເຍີຍ ບົ໋ວ.

⁵ ຕສ໊ຽວ ເຊ ເຢຍ ດສິບ ເຍີຍ ປ່ວນ, ຕົ້ງ ເມີ່ຍ ພ້າຍ ຕສຢັ໋ງ ປຸນ ເຢຍ ເຍີຍ ປ່ວນ. ເຢຍ ອ໋ອຍ ຕຸ໊ ເຍີຍ ປ່ວນ ເມີ່ຍ ເຖງ ເຢຍ ໂກ໋ວ.

⁶ ຫລົ່ງ ຮລາງ ເດາະ ປຸນ ເຢຍ ເຍີຍ ກັ໊ບ-ຈ໋າຍ ດ໊ອດ ຕສຸ ຄູ່ ຢຽມ ເຍີຍ ຕ໋ອງ. ເຢຍ ຕຸ໊ ດສິບ ຫລົງ ໄຫ່ ເຍີຍ ປ່ວນ.

⁷ ເຢຍ ອ໋ອຍ ເທສງ ຕສ໊ຽວ ເຫວີ່ຍ ຕສຸ ນິ່ນ ຕໍ້ ເຢຍ. ລູ່ງ ມ໌ວນ ຕສັ່ນ ເຢຍ ເຍີຍ ໂຮຍ້ວ ຢ່າ ອຈ໋າວ ເຢຍ.

⁸ ເຢຍ ຕສັ່ນໆ ປຸນ ຕສ໊ຽວ ຢຽມ ເຢຍ ເຍີຍ ດສະຮມຽນ. ເຫວີ່ຍ ຕສຸ ນິ່ນ ຢຽມ ເຢຍ ເຍີຍ ບຢ່າວ ແໝງ ໄມ້ ມ່າຍ ຫາຍ ຫຍູ່ງ ກີງ-ຕົ໌ງ ເຢຍ.

⁹ ເຫວີ່ຍ ນ້າຍ ເຢຍ ເຍີຍ ໂຮຍ້ວ ອຈຽນ-ໂຢ້ວ ອະເຮນີ້ຍ ໄຫ່. ເຢຍ ເຍີຍ ຊິນ ຢ່າ ຢຽມ ຕຸ໊ ວ້ວນ ເຍີຍ,

¹⁰ ເຫວີ່ຍ ຕສຸ ເມີ່ຍ ໄມ້ ກວັ່ງ ເຢຍ ຢຽມ ຢ້ຽມ ເກນ, ຢ່າ ໄມ້ ປຸນ ເມີ່ຍ ເຍີຍ ທສີງ-ເດສ່ງ ມ່ຽນ ຕສຸ ຮູ້.

¹¹ ເມີ່ຍ ອ໋ອຍ ປຸນ ເຢຍ ຮິ້ວ ຕຸ໊ ຕສຢັ້ງ ແໝ່ງ ເຍີຍ ເຈົ໊າ. ຢຽມ ເມີ່ຍ ເຍີຍ ດສະຮມຽນ ເມີ່ຍ ປຸນ ເຢຍ ມ່າຍ ອຈຽນ-ໂຢ້ວ ເຖົາ ຕ້າວ. ຢຽມ ເມີ່ຍ ເຍີຍ ບຢ່າວ ເຈັ໊ຍ ປົ໌ວ ມ່າຍ ຢຽດ ລິ໌ວ ເຍີຍ ອອນ-ເຫລາະ.