Jozuwe 12 - Mazu Otchena a Mulungu

Amwene ambinli anno kagondjihiwe na Mozeji makumelo wa nzuwa wa muhindje Jordawu

¹ Ala ba amwene anno Ana Izarayeli kaagondjihile atu katukula vilambo diwa pandi ya makumelo wa nzuwa wa muhindje Jordawu, romela mwana muhindje wa Arinoni ante dowa mwango Herimoni vamohi na ilambo yatene yafwanyeya makumelo wa nzuwa wa Araba.

² Oroma gondjihiwa ali mulombwana Seyoni, mwene wa aAmore, wenno akaletcha Ejiboni. Liye ilambo yatongetcha liye ali metadi ya Jileyadi. Ilambo yaye yaromile Aroweri, sidadi yenno inafwanyeya wandamelana mwana muhindje Arinoni, fiyeda mwana muhindje Jaboke, madilre na akuda Amoni.

³ Liye eto atonga pandi ya makumelo wa nzuwa wa Araba ante ntiya na Kinereti, dowaga ante Ntiya na Araba neno nnaitaniwa eto Ntiya na Mwinnyu dowaga ndila yodowa Bete-Jesimote eto pandi ya suli, dowagave wandamelana mwango Pijiga.

⁴ Mwene wanembinli aIzarayeli kamugondjihile atu ali mwene Oge. Oge ali mwene wa ilambo ya Bazani eto ali muwari mwa akuda Refayina ogomiheda kalawo. Liye akala Astaroti na Edereyi.

⁵ Liye atonga romela mwango Herimoni, Salika na ilambo yatene ya Bazani, fiyeda mmadilreni mwa aJesuri na aMakate na metadi ya ilambo ya Jileyadi dowagave fiyeda madilre a ilambo ya Seyoni, mwene wa Ejiboni.

⁶ Mozeji muzari wa Yehova vamohi na Ana Izarayeli kohagondjiha amwene anno. Evale Mozeji muzari wa Yehova ohotukula vilambo dile, avaheda atu a nlogo na Rubeni, Gadi na metadi ya nlogo na Manasesi ira kakalemo.

Amwene 31 anno kagondjihiwe na Jozuwe mavirelo wa nzuwa wa muhindje Jordawu

⁷ Jozuwe vamohi na Ana Izarayeli kohagondjiha amwene atene kakala mavirelo wa nzuwa wa muhindje Jordawu, kumela Bali-Gadi muwari mwa ndabo na Libano fiyeda mwango Halaki, pandi ya Seyire. Nomala eno, Jozuwe ohagawela ilambo yenne malogo a Izarayeli, kada nlogo na ilambo yewa.

⁸ Vilambo edi daromile ilambo ya mwango didjindji na ilambo ya mikuma ding'onong'ono, dowa Araba na vipedipedi da Jordawu na ilambo ya kokola na pandi ya Negebe. AIzarayeli kahanaze, vilambo dile akaletchamo ali aEti, aAmore, akuda Kana, aFerizi, aEvi na aJebuzi.

⁹ Sidadi dagondjihile atu amweniwa ba ala: Mwene wa Jeriko, mwene wa Ayi (wandamelana Beteli),

¹⁰ mwene wa Jeruzalemu, mwene wa Eboroni,

¹¹ mwene wa Jarimute, mwene wa Lakiji,

¹² mwene wa Egiloni, mwene wa Jezeri,

¹³ mwene wa Debiri, mwene wa Jederi,

¹⁴ mwene wa Horima, mwene wa Aradi,

¹⁵ mwene wa Libina, mwene wa Adulawu,

¹⁶ mwene wa Makeda, mwene wa Beteli,

¹⁷ mwene wa Tapuwa, mwene wa Eferi,

¹⁸ mwene wa Afeki, mwene wa Lasaromi,

¹⁹ mwene wa Madoni, mwene wa Azori,

²⁰ mwene wa Siniromi-Meromi, mwene wa Akisafe,

²¹ mwene wa Tanaki, mwene wa Mejido,

²² mwene wa Kedeji, mwene wa Jokineyawu (ilambo ya Karimelo),

²³ mwene wa Dori (ilambo yawandamenle bara), mwene wa Goyimi (yafwanyeya Jiligali)

²⁴ na mwene wa Tiriza. Agumaniha vamohi amwene atene Jozuwe na Ana Izarayeli kaagondjihile atu kali amwene 31.