Matayo 1 - Izwi lya Leza

Mazhalane aka Jeso

¹ Ngaaza Malembe a mazhalane aka Jeso Kilisito wa luhubo lwaka Devidi lwakahwa kwa shaakale Abulahamu:

² Abulahamu nguwakazhala Aizeki, aze Aizeki nguwakazhala Jakobo, Jakobo nguwakazhala Juda u banina,

³ Juda nguwakazhala ba Pelezi u Zela nokwabo katewa ati Tama, Pelezi nguwakazhala Heziloni, Heziloni, wakazhala Alamu,

⁴ Alamu wakazhala Aminadabu, Aminadabu wakazhala Nashoni, Nashoni wakazhala Salumoni,

⁵ Salumoni wakazhala Bowazi kwa Lahabu, aze Bowazi wakazhala Obedi kwa Lute, Obedi nguwakazhala Jesi,

⁶ aze Jesi wakazhala mwami Devidi. Devidi wakazhala Solomoni ku mukaintu waakuli muka Uliya,

⁷ Solomoni wakazhala Lehoboamu, Lehoboamu wakazhala Abija, Abija wakazhala Asa,

⁸ Asa wakazhala Jehoshafati, Jehoshafati wakazhala Jolamu, Jolamu wakazhala Uziya,

⁹ Uziya wakazhala Josamu, Josamu wakazhala Ahazi, Ahazi wakazhala Hezekiya,

¹⁰ Hezekiya wakazhala Manase, Manase wakazhala Amosi, Amosi wakazhala Josiya.

¹¹ Josiya wakazhala Jekoniya u banina ku ciindi cabuzhice mu Babiloni.

¹² Nibwakamana buzhice mu Babiloni Jekoniya wakazhala Shilutiyeli, Shilutiyeli wakazhala Zelubabeli,

¹³ Zelubabeli wakazhala Abiyudi, Abiyudi wakazhala Eliyakimu, Eliyakimu wakazhala Azo,

¹⁴ Azo wakazhala Zadoki, Zadoki wakazhala Akimu, Akimu wakazhala Eliudi,

¹⁵ Eliudi wakazhala Eliyeza, Eliyeza wakazhala Matani, Matani wakazhala Jakobo,

¹⁶ Jakobo wakazhala Jozefu mulumi Maliya wezo wakazhala Jeso uutewa ati Kilisito.

¹⁷ Nkukwaamba ati kaali mazhalane ali ikumi u mazhalane one antoomwi kuhwa kwa Abulahamu kushika kwa Devidi, Ulimwi kuhwa kwa Devidi kushika ku buzhice bwamu Babiloni kaali ikumi umazhalane one, ulimwi kakuli mazhalane ali ikumi umazhalane one kuhwa ku buzhice mu Babiloni kushika kukuzhalwa kwa Kilisito.

Kuzhalwa kwa Jeso

¹⁸ Mbubolya mbwaakazhalwa Jeso Kilisito. Maliya baina Jeso kaseselwe kwaamba atwalwe kwa Jozefu, pele kabatana ukala antoomwi wakayanwa ulimishi kwiita mu Moza Usalala.

¹⁹ Ukaambo kakuti Jozefu mulumi kali muntu ululeme, wiina kuzanda kumusampula kaanzambwene, wakayana muzeezo wakumuleka kumabali buumwine.

²⁰ Inzho naakaakucitelaika muzeezo wezu, ngoonaawo anjelo wa Leza wakeza kwakwe muciloto u kumwaambila ati, “Jozefu u mwanakwe Devidi, utatiyi kumutwala Maliya mwinako nkaambo ceco ncaamishi nca Moza Usalala.

²¹ Ulakazhala mwana mweembezhi ngukaaulika izhina lya Jeso, nkaambo ulakanununa bantu kuhwa ku shibi shabo.”

²² Sheshi shoonse shakacitika kuzuzucizha ngaakaamba Mwami kwiita mu mushinshimi Aizaya aakuti,

²³ “Nakalindu ulakemita, ulakazhala mwana mweembezhi ngubakaaulika ati ‘Imanuwelo’ calo caamba ati, ‘Leza uli aswe’”.

²⁴ Naakabuka Jozefu wakacita ceco anjelo wa Leza ncaakalailila u kumukokola Maliya.

²⁵ Pele bayina nibakaswaangana kushikila naakamuzhala mweembezhi amane wamuulika izhina ati ngu Jeso.