Maako 8 - Izwi lya Leza

Jeso Mbwaakasanina Bantu bali Shuulu Shone

¹ Kwiite mazuba mashoonto ulimwi ibunga lyabantu lyakeza kwa Jeso, pele kabaina shakulya, ubobo waketa ba shiciiya bakwe wabaambila ati,

² “Banjetezha bantu baba, kaambo twakalaabo kwa mazuba ali otatwe ubwiina cakulya.

³ Kuti mbaambile ati babweele kuminzhi yabo iinzala balaakuya buwizuka munzhila, kaambo bamwi minzhi yabo ili kulaale.”

⁴ Ba shiciiya bakwe bakamwiingula ati, “No mono mulukula tulashiyanakwi shakulya shakusanina bantu banji banji bali bolya?”

⁵ Jeso wakababuzha ati, “No mulikwete shinkwa shongayi?” Bakaamba ati, “Shili ciloba.”

⁶ Ngoonaawo Jeso wakaambila ibunga lyabantu ati likale anshi. Amane wakabweza shinkwa shesho shili ciloba, walumba kwa Leza amane washikomauna, wapa ba shiciiya bakwe ati baabanye bantu. Ba shiciiya bakacita mbubona mbubakalaililwa.

⁷ Ulimwi kabakwete utuswi tushoonto bulyo, amane kulumba wakaambila ba shiciiya bakwe ati ato batwaabanye.

⁸ Boonse bantu bakalya bakekuta. Inzho ba shiciiya bakabwezelela bufwefwelenga bwakashaala bantu nibakakuta. Bakezuzha shinzuma shili ciloba.

⁹ Kakuli bantu bali shuulu shone. Jeso wakaambila bantu kwaamba baakuya.

¹⁰ Ngoonaawo Jeso wakanjila mu bwato u ba shiciiya bakwe baya ku cishi ca Dalumanuta.

Ba Falisi Balomba Citondezho

¹¹ Bamwi ba Falisi bakeza kwa Jeso, u kukanka kumuzumanika mu kuzanda kumuyanina kaambo. Bakamulomba cakumusukusha kwaamba abacitile citondezho cakuzhibya ati ulikwete insana shihwa kwa Leza.

¹² Jeso wakalishinshimucila mu monzo waamba ati, “No kaamboonzhi bantu ba mazuba ano balazandisha citondezho? Cini cini ndamushimwina ati kwiina citindezho ncibakacitilwa pe!”

¹³ Ngoonaawo Jeso wakabashiya wecila mu bwato wabweela kumutala wezhiba.

Bumena bwa ba Falisi u Mwami Heloda

¹⁴ Ba shiciiya bakaluba kubweza shinkwa nibakacila mu bwato, kabakwete bulyo cinkwa comwi.

¹⁵ Ubobo Jeso wakabacenjezha ati, “Amucenjele kubumena bwa ba Falisi ubumena bwa Helodi.”

¹⁶ Ngoonaawo bakakanka kuzumanicizhanya akati kabo ati, “Wabona kwaamba twiina cakulya ncaambila bobo.”

¹⁷ Jeso wakaazhiba makani ngubakaakuzumanicizhanya, wakababuzha ati, “Nkamboonzhi ncimwaamba makani aakubula shinkwa? Sa uninzho tamuna kuteelelesha? Sa matelaishi enu acili mafwaafwi?

¹⁸ Sa menso enu taaboni? Sa matwi enu taateeleli? Sa tamuzhibaluka,

¹⁹ kwaamba ndakasanina bantu bali shuulu shili shosanwe kuhwa kushinkwa shili shosanwe? Ulimwi sa kwakezula intundu shongaaye shabufwefwelenga?” Bakamwiingula ati, “Ikumi ushitwesha shobile.”

²⁰ Ulimwi wakabaambila ati, “Kuhwa kushinkwa shili ciloba, ndakasanina bantu bali shuulu shone, no mwakazuzha intundu shongaaye shabufwefwelenga?” Bakaingula ati, “Ciloba.”

²¹ Ngoonaawo Jeso wakababuzha ati, “Sa umbuli ninzho tamuna kuteelelesha?”

Jeso Waponya Moofwu ku Betisaida

²² Bakashika ku munzhi wa Betisaida. Bantu bamwi bakaleta mulombwana moofwu kwa Jeso ukumulomba kwaamba amwaampe itashi lyakwe amuponye.

²³ Wakamukwata kwitashi moofwu wamusololela kuhwa mu munzhi. Wakamufwila mate mu menso akwe amane wamuhwumba matashi amenso wamubuzha ati, “Sa kuli cintu nciwabona?”

²⁴ Moofwu wakayalula menso waamba ati, “Ndabona bantu beendeenda, pele balalibonya ukoya shisamu.”

²⁵ Inzho Jeso wakahwumba matashi aakwe amenso a moofwu ulimwi, amane moofwu wakalanjisha, iimboni shakwe shakayaluka wakabonesha.

²⁶ Jeso wakamulailila ati, “Koya kuŋanda yako, utabi nuunjila mu munzhi momu pe.”

Pita Waamba ati Jeso Ngumunanice waka Leza

²⁷ Ngoonaawo Jeso u ba shiciiya bakwe bakaya kuminzhi ya Sizaliya Filipi. Munzhila wakababuzha ati, “Amunshimwine, no bantu balaamba ati ndime ni?”

²⁸ Balo bakamwiingula ati, “Bamwi balaamba ati ndiwe Johani Mupapatizhi, bamwi balaamba ati ndiwe Elija mushinshimi, abo bamwi balaamba ati uli umwi wa bashinshimi.”

²⁹ Inzho Jeso wakababuzha ati, “No umwe mulaamba ati ndime ni?”

³⁰ Ngoonaawo Pita wakamwiingula ati, “Ndiwe Kilisito, Munanike waka Leza.” Amane Jeso wakabalailila ati, “Mutashimwini muntu naaba womwi ku makani angu.”

Jeso Waamba sha Lufwu u Kubuka Kwakwe

³¹ Inzho Jeso wakakanka kuyiisha ba shiciiya bakwe ati, “Mwanaamutu ulyeelele kupenga mapenzhi manji manjii, ukukakwa kubakando babantu u bapaizhi bakando, u balembi. Balakamuyaya, pele kwakaita mazuba otatwe ulakabuka.”

³² Aza makani wakaamba kaanzambwene. Pita naakateelela bobo wakabweza Jeso waamutola kumabali wakanka kumulemanina.

³³ Jeso wakacebuka ku bashiciiya bakwe, wakatapatila Pita ati, “Ahwe awa Shaatani! Nkaambo tutelaiki matelaishi a Leza, pele a bantu.”

³⁴ Inzho Jeso wakoompolola inkamu ya bantu antoomwi u ba shiciiya bakwe, wabashimwina ati, “Kuti na muntu ulazanda kuncilila alikake mwini, abweze ciciinkano cakwe, amana ancilile.

³⁵ Nkaambo kufwumbwa uufwini bumi bwakwe ulabusowa, pele uuzhimininwa bumi bwakwe ukaambo kangu ulakabuyana.

³⁶ No muntu ulayana impinduunzhi mukuhuba inshi yoonse, amana wazhimininwa bumi bwakwe?

³⁷ Naa nciinzhi muntu ncakonzha kupa kwaamba anunune bumi bwakwe? Kwiina pe!

³⁸ Ubobo kufwumbwa muntu uusa insoni kukaambo kangu u kuyiisha makani angu ano anshi ali bantu ba mazuba ano batashomeki, aze Mwanaa Muntu ulakamukaka ciindi naakeeza mu bulemu bwa Ushi antoomwi u baanjelo basalala.”