Maako 4 - Izwi lya Leza

Cikozhano ca Shikuminza

¹ Ulimwi Jeso wakakanka kuyiisha kufwaafwi u lwaatele lwa Galilaya. Inzho kwakamubunganina bantu banji banji, cakuti wakanjila wakala mu bwato kufwaafwi umuuma. Bantu kabazhimine a muuma kuwaafwi u meenzhi.

² Wakabayiisha shintu shinji shinji mushikozhano. Mu kuyiisha kwakwe wakabashimwina ati,

³ “Amuteelele, kakuli shikuminza wakaya kukuminza maila.

⁴ Inzho naakaakuminza, imbuto shimwi shakawila munzhila, bazuni bakeza kushilya.

⁵ Shimwi shakawila ebwe aakaakuli ihu ishoonto bulyo, ndilyona shakamena ca kufwambaana.

⁶ Inzho izuba nilyakahwa shakakusa shazuma kaambo mizanda ina kusakana.

⁷ Shimwi shakawila umeya, meya naakakomena akashiyasa ukushishaanicizha shiina nishakeezha micelo.

⁸ Shimwi shakawila mwihu ibotu, shakeza, shamena, shaakomena ukweezha micelo; shimwi shakeezha makumi otatwe, shimwi makumi ali cisambomwi, shimwi mwaanda.”

⁹ Ngoonaawo Jeso wakaamba ati, “Uukwete matwi naateelele.”

Bupanduluzhi bwa Cikozhano

¹⁰ Inzho naakashaala mwini, ba shiciiya bakwe bali ikumi ubatwesha bobile ubamwi baakuli afwaafwi bakamubuzha kwaamba abapandululile shikozhanyo.

¹¹ Jeso wakabashimwina ati, “Umwe mulipelwe luzhibo lwa masosece a bwami bwa Leza. Pele kuli babo bali ansengwe shoonse shilacitwa mushikozhanyo.

¹² Kwaamba ati, “Kubona babone, pele batabonesha; Kuteelela, bateelele, pele batateelelesha. Kwaamba ati batasandukacila kwa Leza, kwaamba abalecelele shibi shabo.”

Jeso Wacipandulula Cikozhano ca Shikuminza

¹³ Ulimwi Jeso wakababuzha ati, “Sa mwiina kuciteelela cikozhanyo ceci? Anu ncikozhano cili buti ncimukaateelela?

¹⁴ Mushanji muntu ukanana makani a Leza.

¹⁵ Imbuto yakawila munzhila ilakozhana u bantu bacita ati mbubaatelelela bulyo mazwi a Leza, u Shaatani weza, ndilyona waakusha mu myonzo yabo.

¹⁶ Bamwi bantu balikozhene iimbuto yakawila mwihu lihumbile ebwe. Baba abo mbubateelelela bulyo mazwi, balaatambula ca kufwambaana u kubotelwa.

¹⁷ Pele nikuba bobo bayina mizanda, balacilila ku ciindi cishoonto bulyo, mbukwabela mapenzhi naaba makatazho, balalebwa.

¹⁸ Ulimwi bamwi bantu balakozhana iimbuto shakawila mu meya. Baba mbubantu bacita ati bateelela mazwi, baatambula kabotu kabotu,

¹⁹ pele mapakasho ashiindi sheno ulucengo lwa lubono, u mizeezo iimwi iyandeene andeene, yenjila mu myonzo yabo, ilaashaanicizha makani alakacilwa kuzhala micelo.

²⁰ Pele imbuto yakawila mwihu ibotu, mbubabo bateelela mazwi a Leza ukwaabamba, ubobo balazhala micelo minji minji, shiindi shili makumi otatwe, bamwi shiindi shili makumi ali cisambomwi, ubamwi shiindi shili mwaanda.”

Cikozhano ce Lambe

²¹ Jeso wakababuzha ati, “Sa kuli muntu uuleta ilambe amana wahunika wo intundu nikuba kulibika umisena? Sa talibici ngulikonzha kumunicila bantu boonse?

²² Kufwumbwa cintu cisosecelwe cilaazubululwa, ulimwi coonse cihumbilwe cilakahumbulwa.

²³ Ukwete matwi naateelele!”

²⁴ Ulimwi Jeso wakabaambila ati, “Amucenjele mutaakucengwa! Kufwumbwa ceelezho ncimwasebezha kweelecela bamwi incico ncaakaasebezha Leza ku mweelecela amwe, ukuzunjila wo.

²⁵ Wezo uukwete ulakazunjililwa, pele ukwete kashoonto ulakanangwa ukako nkaakwete.”

Cikozhano Cambuto

²⁶ Ulimwi Jeso wakabaambila ati, “Bwami bwa Leza buli ukoya muntu uuminza imbuto umuunda wakwe.

²⁷ Mashiku uloona bwaca wabuka, ku ciindi ceci imbuto shilamena ukukomena. Pele mukamwini tezhi mbushimena ukukomena.

²⁸ Bulongo bwini mbubushikuzha shishango ukweezha micelo, busonga mbubutaanguna kumena, kweza cishiko umatuhu ku mamanino kulahwa ikunka lyamaila.

²⁹ Inzho maila ashima, muntu ulabweza iceko u kukanka kwaacesa kaambo ciindi ca kutebula cashika.”

Cikozhano ca Kasece ka Masitaadi

³⁰ Jeso wakaamba ati, “Tulabukozhanya iinzhi bwami bwaka Leza? Ncikozhanyo nzhi cikonzha kubupandulula?

³¹ Buli ukoya kasece ka masitaadi kalo kali nkukasece kabaala kuceya ano anshi. Pele kuti muntu wakashanga mu muunda,

³² kalakomena kubaazha shishango shoonse ukuba isamu, bazuni balazaka shitaanto kumitabi yalyo.”

³³ Mukukambauka kwakwe Jeso wakasebezha shikozhano shinji shinji shili ukoya shenshi nshibaakukozha kuteelela.

³⁴ Wiina ncaakabaambila bulyo kutasebezha shikozhanyo. Pele ciindi naakaakuli mwini u ba shiciiya bakwe, kabapandulwila shintu shoonse.

Jeso Walemanina Iwuwo u Mankutisha

³⁵ Abe mangolezha kubuzuba mbubona bobo, Jeso wakaambila ba shiciiya bakwe ati, “Atulanducile kumutala welya.”

³⁶ Bakeeshiya inkamu ya bantu, baya antoomwi u ba shiciiya bakwe mu bwato mumona mwakaakubele. Kakuli aamwi mato ngubakayaawo.

³⁷ Inzho kwakaunga iwuwo ikando, u mankutisha akakanka kunjila, bwato kabuzanda kuloba.

³⁸ Jeso wakaakoona mu bwato walishicila kunkombo. Inzho ba shiciiya bakwe bakamubusha baamba ati, “Akaka Mwiiyi, sa tukubwene ati tukalafwa?”

³⁹ Jeso nakashinshimuka wakalilemanina iwuwo ati, “Lekakuunga!” Muuwo wakazhima. Awo mankutisha wakaambila ati, “Shiticila!” Ngoonaawo akashiticila.

⁴⁰ Jeso wakababuzha ba shiciiya bakwe ati, “Nkaamboonzhi ncimutiya? Sa uninzho tamuna kushoma?”

⁴¹ Pele bakaakutiile cini cini, bakakanka kubuzhanya ati, “Anu wezu muntu uuli buti? Uteelelwa kumuuwo u mankutisha!”