Maako 15 - Izwi lya Leza

Jeso Wabetekwa kwa Pilato

¹ Nibwakaca cifwumo fwumo, bapaizhi bakando antoomwi ubakando ba cishi, u balembi ubashinkuta boonse bakabuzhanya buzhanya makani. Bakamwaanga Jeso inceetani bamutola kwa Pilato.

² Inzho Pilato wakamubuzha Jeso ati, “Sa ndiwe mwami waba Juda?” Jeso wakamwiingula ati, “Waamba.”

³ Bapizhi bakando bakamutamicizha Jeso twaambo tunji tunji.

⁴ Pilato wakamubuzha ulimwi ati, “Sa twiinguli? Tuteelele twaambo tunji tunji ntubakutamicizha.”

⁵ Jeso kaliinzile bulyo, wiina niliba izwi lyomwi ndyaakakusha. Ubobo Pilato wakazhingwa cini cini.

Pilato Wakosola ati Jeso Ayayiwe

⁶ Kufwumbwa ciindi ce pobwe lya kwiitilila, Pilato kazhibile kubakushizha mwaange womwi ngubapumpa.

⁷ Inzho kakuli muntu umwi uutewa Balabasi, wakaakwaanjilwe u beenzhiina ukaambo kabupapyu bwabo, bakayaya bantu ciindi nibaakucita manyongwe.

⁸ Inkamu ya bantu niyakabungana, bakakanka kumulomba Pilato ati abacitile ciyanza ncibacita lyoonse amwaka u mwaka ciindi ceco.

⁹ Pilato wakababuzha ati, “Sa mulazanda ati mwaangulwile mwami waba Juda?”

¹⁰ Ukuti kezhi ati bapaizhi bakando bakamwaaba Jeso kwakwe ukaambo kamunyono.

¹¹ Pele bapaizhi bakando bakabashinikizha bantu kwaamba bamulombe Pilato ati abaangululile Balabasi, mu busena bwa Jeso.

¹² Pilato wakabuzha ulimwi ati, “No wezu ngumwaamba ati mwami waba Juda mulazanda mucite buti?”

¹³ Bakapozomoka ati, “Naakankaminwe aciciinkano!”

¹⁴ Pilato wakababuzha ati, “Nkamboonzhi? No ncinzhi ncaacita?” Inzho nibakabaala ukupozomoka ati, “Naakankaminwe aciciinkano!”

¹⁵ Pilato mbwaakuzanda kuboshezha bantu, wakabaangulwila Balabasi. Amane kumuzupauzha Jeso, wakamwaaba kwaamba akakankaminwe aciciinkano.

Bashikalumamba Bamusaalizha Jeso

¹⁶ Bashikalumamba bakamutola Jeso alubanza lwa ŋanda ya mweendelezhi, baketa bashikalumamba nokwabo boonse bakaakuliko.

¹⁷ Bakamusamika cikobelo cacilambo ca shicisu, baluka mushini wameya, bamane bamusamika ku mutwi.

¹⁸ Bakakanka kumusaalizha ati, “Wabonwa Mwami waba Juda.”

¹⁹ Ulimwi bakamuuma ku mutwi u musako, bamufwila mate, bamane bamufwukamina.

²⁰ Nibakamana kumusaalizha bobo, bakamusamununa icanshi, bamane bamusamika shikobelo shakwe mwini, bamusololela kuya kukankaminwa aciciinkano.

Jeso Wakakankaminwa Aciciinkano

²¹ Inzho munzhila bakaswaanganya umwi mulombwana wakaakutewa ati Saimoni waku Sailini wakahwa kumatungu, ushabo ba Alekizanda u Lufusi. Wezo muntu baamushinicizha kubweza ciciinkano caka Jeso.

²² Bamane bakamutola Jeso kubusena butewa ati, “Gologota,” ucipandulula ati busena bwa kaanza.

²³ Ngoonaawo bakamutambika waini muhwele umululwe, pele Jeso wakakaka kumunwa.

²⁴ Bakamukankamina Jeso aciciinkano, bakakanka kwaabana shakusama shakwe akati kabo, bakauma insolo kwaamba bazhibe uyelele kubweza cisani cimwi ucimwi.

²⁵ Jeso nibakamukankamina aciciinkano kacili ciindi cekasaalizhi.

²⁶ Mazwi aamba ncibakamuyayila akalembwa ezeulu lya mutwi wakwe ati, “Wezu ngu mwami waba Juda.”,

²⁷ Ulimwi kakuli ushimwi shiciinkano shobile a kaakukankaminwe bafwumpi bobile, umwi kali kucilyo umwi kucimonsho kwa Jeso.

²⁸ (Aza akacitwa kuzuzucizha cakaamba mushinshimi ati wakafwa ukoya shishibi.)

²⁹ Bantu bakaakwiitawo kabakunakuna kumitwi balaamba ati, Ehe! Ndiwe wakaakwaamba ati ndeeumbulula iŋanda ya Leza ukwiizaka umazuba otatwe.

³⁰ Inzho, seluka aciciinkano ulifwutule umwini.

³¹ Bapaizhi bakando u balembi bakamusaalizha Jeso, bakasabwizhanya ati, “Kafwutula bamwi, pele takonzha kulifwutula mwini.

³² Atuumbone Munanike wa Leza, Mwami wa Izilaili mbwaakaseluka aciciinkano, nitukamushoma.” Abo balombwana mbakaakukankamininwe abo bakamusaalizha Jeso.

Kufwa kwa Jeso

³³ Izuba nilyakashika akalendebwe, kwakaba mushinze uushiya mbi anshi yoonse, mpaka ciindi izuba nilyakashika a cilanga nkumu.

³⁴ Nikwakaita mawoola ali otatwe, Jeso wakapozomoka iizwi ikando ati, “Eloi, Eloi, lama sabakatani?” Ucipandulula ati, “Leza wangu, Leza wangu, wanshiilaanzhi?”

³⁵ Bamwi bantu bakaakuzhimine afwaafwi, bakaamba ati, “Amuteelele, uleta Elija!”

³⁶ Umwi wabo wakalukanka waya kubweza inshisa weetoba mu waini muhwele indulwe, weetunga kulusako lwesumo, walukankila kwa Jeso wamushinshika ku mulomo waamba ati, “Tulabona naa Elija uleza kumukusha aciciinkano.”

³⁷ Jeso wakapozomoka amane wafwa.

³⁸ Ngoonaawo mulembo wa muŋanda ya Leza wakazapuka mu shipanzha shobile, kuhwa kwizeulu mpaka anshi.

³⁹ Inzho umwi mukando wa bashikalumamba wakaakuzhimine afwaafwi uciciinkano naakabona Jeso mbwaakafwa, wakaamba ati, “Cini cini wezu muntu kali Mwanaa Leza.”

⁴⁰ Kakuli bakaintu bamwi bakaakuzhimine alaale balilanjilile. Akati kabo kakuli Maliya waku Magadala, u Maliya baina Jemusi mucece wa Jozefu u Salome.

⁴¹ Baba mbubakaakucilila ukuyohwa Jeso naakaakuli mucishi ca Galilaya. Ulimwi kakuli ubamwi bakaintu mbucakeza antoomwi u Jeso ku Jelusalemu.

Kuzhikwa kwa Jeso

⁴² Jozefu waku Alimatiya naakashika, izuba kalili afwaafwi ukwibila.

⁴³ Jozefu kali muntu mulemu wankamu wankuta ikando yaba Juda. Kali muntu wakaakulanjila kwiza kwa bwami bwa Leza. Nikuba kuti bobu kabuli buzuba bwakulibambila buzuba bwa Sabata, Jozefu wiina ukatiya, wakaya kuzhima kumbele lya mweendelezhi Pilato, walomba mutunta wa Jeso.

⁴⁴ Pilato wakazoowa naakateelela ati Jeso wafwa kale. Wakoompolola shikalumamba wamubuzha ati no kwaita ciindi cilamfwu buti kuhwa naafwa.

⁴⁵ Naakateelela mbwaakaamba shikalumamba, Pilato wakaambila Jozefu ati ulakonzha kubweza mutunta.

⁴⁶ Jozefu wakaula cisani cituba, mwakahunga mutunta amane kuuwangula aciciinkano waya kuubika mu cuumbwe cakaakushilwe mwibwe ndibaakolola. Wakakunkulusha ibwe ikando lyakayalwa amulyango.

⁴⁷ Maliya waku Magadala u Maliya baina Joze bakaakweebela u kubona mbwaakazhikwa Jeso.