Maako 11 - Izwi lya Leza

Jeso Wanjila mu Jelusalemu

¹ Inzho nibakaswena afwaafwi ku Jelusalemu, bakashika kuminzhi ya Betefage u Betani, afwaafwi ulupili lwa Maoliva. Jeso wakatuma ba shiciiya bobile.

² Wakabaambila ati, “Kamuya ku munzhi welya uuli ambele. Nkukona kumanjililo mulakayana mwana wa mbongolo utanalizilwe muntu ulyanjilwe. Mukamwaangulule mumulete.

³ Na kulakaba muntu uukaamubuzha ati, ‘No ncinzhi ncimucitila bolya?’ Mukamwiingule ati, ‘Mwami ulamuzanda, ulamuzhola ninzho ninzho.’”

⁴ Inzho bakaya ku munzhi kolya, bakayana mwana wa mbongolo ulyaangilwe ansengwe ukasakuzho afwaafwi umulyango kumbali iinzhila.

⁵ Bamwi bantu bakaakuzhimine afwaafwi bakababuzha ati, “Umwe! Mucite buti, mwamwangulula mwana wa mbongolo?”

⁶ Bakabaambila umbona mbwakabashimwina Jeso.

⁷ Ubobo bakabahuminya. Inzho bakamuleta mwana wa mbongolo kwa Jeso, bamane babika shikobelo shabo ambongolo, Jeso wakaliza.

⁸ Bantu banji banji bakazala shikobelo shabo munzhila, abo bamwi bakabalaula tutabi twatusamu tukwete matuhu batuzala munzhila.

⁹ Bantu bakaakuya bweenda kumbele, u babo bakaakucilila munshi bakakanka kupozomoka ukutembaula Leza ati, “Naatembaulwe Leza! Uli u coolwe uzhiza mwizhina lya Mwami.

¹⁰ Leza alonjezhe bwami buzhiza bwa Mwami Devidi ushesu!” Alumbwe Leza Namakungwe Mutalabala.

¹¹ Jeso naakashika mu Jelusalemu wakaya kunjila muŋanda ya Leza, wakalanga langa shintu shoonse. Nikwakashiya wakamuhwa mu Jelusalemu waya ku Betani antoomwi u ba shiciiya bakwe bali ikumi ubatwesha bobile.

Jeso Walishinganya Ikuzu

¹² Nibwakaca bakakuhwa ku Betani, inzho Jeso wakafwa inzala.

¹³ Wakabona ikuzu alaale lyakakushuucile matuhu manji manji, ubobo wakaya kwaamba abone na kuli inkuzu. Pele naakashika afwaafwi wakayana kwiina inkuzu matuhu bulyo, kaambo ciindi ca nkuzu kacitana kushika.

¹⁴ Jeso wakalishinganya ikuzu lelyo ati, “Kutakabi muntu ukaalya inkuzu kulyuuwe ulimwi.” U ba shiciiya bakwe bakamuteelela naakaamba bobo.

Jeso Waya Muŋanda ya Leza

¹⁵ Nibakenjila mu Jelusalemu, Jeso wakaya kuŋanda ya Leza, wakabatanda bantu boonse bakaakuuzha ukuula. Wakaalumuna matebulu ngubakaakucincanyinya mali, ushuuna shabo bakaakuuzha inkwilimba.

¹⁶ Ulimwi katahuminya muntu uuzemwine kwiita mulubanza lwa ŋanda ya Leza.

¹⁷ Amane wakabayiisha bantu ati, “Mu mazwi a Leza cililembelwe ati, ‘Iŋanda yangu ilatewa ati niŋanda yakukombela ya mashi oonse.’ Pele umwe mweecita kuba cizubilo ca batewu.”

¹⁸ Bapaizhi bakando u balembi bakaateelela makani akacitika, ubobo bakakanka kukapula inzhila yakumuyaya Jeso. Pele kabatiya, kaambo kakuhula kwa bantu bakateelela kuyiisha kwakwe kukankamika.

¹⁹ Abe mangolezha Jeso u ba shiciiya bakwe bakahwa mu Jelusalemu.

Ikuzu Lyakazuma

²⁰ Buce cifwumo-fwumo nibakaita munzhila bakabona ikuzu ndyaakashinganya Jeso ndizumu kushicila kumizanda.

²¹ Pita wakazhibaluka u kwaamba ati, “Mwiiyi langa! Isamu ndiwakashinganya lyazuma.”

²² Jeso wakabaingula ati, “Amukwate lushomo mwa Leza.

²³ Cini cini ndamushimwina ati, mulakonzha kwaambila lupili lolu ati, ‘Zhuka awo nguubele uliwaale mu lwaatele.’ Kuti kamutazuluzha mu myonzo yenu, pele kamushoma ca monzo oonse, ati ceco ncimwaamba cilakonzha kucitika.

²⁴ Ubobo ndamushimwina ati ciindi ncimukomba mushome kwaamba ati ncimwalomba mwacitambula kale.

²⁵ Ulimwi lyoonse nimukomba kamubalekelela boonse bakwete milandu kulyuumwe, kwaamba aze ushenu uuli kwizeulu amulekelele shibi shenu.

²⁶ Nkaambo kuti umwe tamulecelela boonse bakwete milandu kulyuumwe, aze Ushenu uuli kwizeulu takamulecelela milandu yenu.”

Jeso Mbwakabuzhiwa a Bwami Bwakwe

²⁷ Ulimwi bakabweela ku Jelusalemu. Jeso nakaakuya bweenda muŋanda ya Leza kwakeza bapaizhi bakando u balembi ubakando baba Juda,

²⁸ bakoombuzha Jeso ati, “Mu mwizhina lyaani muucita shintu sheshi? Ulimwi nguni wakakutuma kucita shintu sheshi?”

²⁹ Jeso wakabaingula ati, “Ndamubuzha bulyo mubuzho womwi. Mwampandulwila, ame ndamwaambila wakantuma kucita shintu sheshi.

³⁰ Amuŋambile, nguni wakatuma Johani kwaamba apapatize, ngu Leza na mbantu? Amunshimwine.”

³¹ Bakakanka kuzumanikana mulwabo beni ati, “No twaambe acani?” Kuti twaamba ati “Lwakahwa kwa Leza,” ulaamba ati, “No nkaamboonzhi mwiina ukamushoma Johani?”

³² Sa twaambe ati, “Lwakahwa ku bantu?” Pele bakatiya kwaamba bobo nkaambo bantu boonse bakaakushoma kwaamba Johani kali mushinshimi mwini mwini.

³³ Bakamwiingula Jeso ati, “Tatwizhi.” Jeso wakabaambila ati, “Ame nshimushimwini wakantuma kucita sheshi.”