Luka 3 - Izwi lya Leza

Kukambauka kwa Johani Mupapatizhi

¹ Mu mwaka we kumi iitwesha yosanwe ya bulelo bwa Tibeliyasi muleli mukando waku cishi ca Loma, Pontiyasi Pilato nguwakaakweendelezha cishi coonse ca Judiya. Helodi kali ngu mweendelezhi wa cishi ca Galilaya, Filipo munina Helodi nguwakaakweendelezha cipanzha ca cishi citewa ati Ituliya u Tilakonitisi. Lisaniyasi kalela cishi ca Abilene.

² Ulimwi ku ciindi ceco ncicona Anasi u Kayafa mbubaakuli bapaizhi bakando. Johani mwanakwe Zakaliya wakatambula izwi lya Leza naakaakuli mulukula.

³ Inzho Johani wakaya mucishi coonse cakaakuzhingulukile lweenje lwa Joodani kaya bukambauka ati, “Amusanduke kunzhila shenu imbiyabi, mupapatizwe kwaamba Leza amulekelele shibi shenu.”

⁴ Sheshi inshisho nshaakaamba Aizaya ati, “Kuli woolobwezha mulukula ati, ‘Amubambe mukwakwa wa Mwami, Amululamike inzhila shakwe

⁵ Mikonka yoonse izuzhiwe, milundu umapili shibambasale Inzhila shipiteene shisuumikwe, utuzhila twabuumbu tushingululwe.

⁶ Mishobo yoonse mibili ya bantu ilakalubona lufwutuko ndwapa Leza!’”

⁷ Bantu banji banji bakeza kwa Johani kwaamba abapapatize. Inzho Johani wakabaambila ati, “Umwe nubazoka! No nguni wakamushimwina kutiya bukali buzhiza?

⁸ Amucite shintu shitondezha kwaamba mwabeba ku shibi shenu. Ulimwi mutaamba linji ati tuli banakwe Abulahamu, kaambo Leza ulakonzha kusandula mabwe aza kuba bana ba Abulahamu.

⁹ Keembe kalizunzilwe kale kumizanda yesamu kwaamba litemwe, ubobo kufwumbwa isamu liteezha micelo mibotu, lilakatemwa u kusowelwa mu mulilo.”

¹⁰ Bantu bakamubuzha Johani ati, “No tucite buti?”

¹¹ Wakabaingula ati, “Wezo ukwete shikobelo shobile, ape mweenzhiina uina, aze wezo ukwete cakulya aabanye beenzhiina.”

¹² Bashimutelo bakeza kwakwe kwaamba bapapatizwe, bakamubuzha ati, “Mwiiyi, no uswe tucite buti?”

¹³ Johani wakabaingula ati, “Mutaakutezha bantu mali ayitilila ali azo ngumwakahuminyiwa ku mulawo.”

¹⁴ Abo bashikalumamba bamwi bakamubuzha ati, “No uswe ncinzhi ncitweelele kucita?” Johani wakabaingula ati, “Mutaakunanga bantu imbono shabo kusebezha insana, nikuba kubalenjelela twaambo. Mutaakutenga mali ngumuhola.”

¹⁵ Bulanjizhi bwa bantu bwakakomena, bakakanka kutelaika ati ambweni Johani ngu Munanike wa Leza.

¹⁶ Ubobo Johani wakabaambila ati, “Ume ndamupapatiza u meenzhi, pele wezo uuzhiza mukando ulambaala. Ume nsheelele ukwaangulula twaanzho twa mpato shakwe. Wezo walo ulakamupapatiza u Moza Usalala u mulilo.

¹⁷ Ulikwete lubango mu matashi aakwe, ulaululula ukulonjela maila mubutala bwakwe, pele bungu ulakabubunga ukubuwaala mu mulilo uutazhimi.”

¹⁸ Johani wakasebezha shiyanza shinji shinji kukambauka Makani Mabotu ku bantu, wakabalailila kwaamba basanduke.

¹⁹ Inzho Johani wakamulemanina mwami Helodi mweendelezhi wacipanzha cane ca cishi, kaambo wakatwala Helodiyasi muka Filipo munina, ulimwi ukaambo ka shibi shinji shinji nshaakacita.

²⁰ Ulimwi Helodi wakabaala kubisha naakabika Johani muntolongo.

Kupapatizwa kwa Jeso

²¹ Bantu boonse nibakamana kupapatizwa, aze Jeso wakapapatizwa. Naakaakucikomba Jeso, izeulu lyakayaluka,

²² u Moza Usalala wakamuselucila uuli ukoya inzhiba. Izwi lyakateelelwa mwizeulu lyaamba ati, “Ndiwe Mwanangu nakufwunwa ulimwi ulanjinina.”

Mazhalane aka Jeso

²³ Ciindi Jeso nakakanka milimo yakwe, kakwete myaka yakaakutandila ku makumi otatwe. Bantu kabatelaika ati mwanakwe Jozefu waakuli mwanakwe Heli,

²⁴ Heli mwanakwe Matati, Matati mwanakwe Levi, Levi mwanakwe Meleci, Meleci mwanakwe Janai, Janai mwanakwe Jozefu,

²⁵ Jozefu mwanakwe Matatiya, Matatiya mwanakwe Amosi, Amosi mwanakwe Nahumu, Nahumu mwanakwe Esili, Esili mwanakwe Nagai,

²⁶ Nagai mwanakwe Maati, Maati mwanakwe Matatiyasi, Matatiyasi mwanakwe Semaini, Semaini mwanakwe Joseci, Joseci mwanakwe Joda,

²⁷ Joda mwanakwe Joanani, Joanani mwanakwe Lesa, Lesa mwanakwe Zelubabeli, Zelubabeli mwanakwe Salutieli, Salutieli mwanakwe Neli,

²⁸ Neli mwanakwe Meleci, Meleci mwanakwe Adi, Adi mwanakwe Kosamu, Kosamu mwanakwe Elimadamu, Elimadamu mwanakwe Aa,

²⁹ Aa mwanakwe Joshuwa, Joshuwa mwanakwe Eliyeza, Eliyeza mwanakwe Jolimu, Jolimu mwanakwe Matati, Matati mwanakwe Levi, Levi mwanakwe Simiyoni,

³⁰ Simiyoni mwanakwe Juda, Juda mwanakwe Jozefu, Jozefu mwanakwe Jonamu, Jonamu mwanakwe Eliyakimu, Eliyakimu mwanakwe Meleya,

³¹ Meleya mwanakwe Mena, Mena mwanakwe Matata, Matata mwanakwe Natani, Natani mwanakwe Devidi,

³² Devidi mwanakwe Jesi, Jesi mwanakwe Obedi, Obedi mwanakwe Bowazi, Bowazi mwanakwe Salimoni, Salimoni mwanakwe Nashoni,

³³ Nashoni mwanakwe Aminadabu, Aminadabu mwanakwe Adimini, Adimini mwanakwe Ami, Ami mwanakwe Heziloni, Heziloni mwanakwe Pelezi, Pelezi mwanakwe Juda,

³⁴ Juda mwanakwe Jakobo, Jakobo mwanakwe Aizeki, Aizeki mwanakwe Abulahamu, Abulahamu mwanakwe Tela mwanakwe Naho Selugi,

³⁵ Selugi mwanakwe Leu, Leu mwanakwe Pelegi, Pelegi mwanakwe Eba, Eba mwanakwe Shela,

³⁶ Shela mwanakwe Kainani, Kainani mwanakwe Afakisadi, Afakisadi mwanakwe Shemu mwanakwe Nowa, Nowa mwanakwe Lameki,

³⁷ Lameki mwanakwe Matusela, Matusela mwanakwe Inoki, mwanakwe Jaledi mwanakwe Mahalaleyele mwanakwe Kainani,

³⁸ Kainani mwanakwe Enosi, Enosi mwanakwe Seti, Seti mwanakwe Adamu, Adamu mwanakwe Leza.