Luka 17 - Izwi lya Leza

Kubisha Ukulekelela

¹ Jeso wakabaambila ba shiciiya bakwe ati, “Kulakaba imfwumpu shipa kwaamba muntu abishe, pele mapenzhi kuli wezo uushileta!

² Cilabota kwaamba wezo waangwa iikangabwe munshingo ukuwaalwa mu lwaatele, kubaala kuti amfumpuzhe umwi akati kabana bashoonto.

³ Amucenjele! “Kuti munyoko wakubishizha, umutapatile, na kuti wabeba mulekelele.

⁴ Na kuti wakubishizha shiindi shili ciloba mu buzuba bomwi, amana uleza kwako shiindi shili ciloba kwaamba ndabisha, ulyeelele kumulekelela.”

Lushomo

⁵ Batumwa bakamwaambila Mwami Jeso ati, “Luhuzhe lushomo lwesu!”

⁶ Mwami wakabaingula ati, “Kuti lushomo lwenu nilwaakwiingaine ukasece kamasitadi nimwaakulozha kwaambila ibuzu leli ati, ‘Zhuka awa ushimpikilwe mu lwaatele,’ lilakonzha kumuteelela.”

Mulimo Wamusebezhi

⁷ “Kuti muntu umwi akati kenu kakwete musebezhi ulima mu muunda na uyembela imbelele. Ciindi naakotoka kuhwa ku muunda, sa ulamwaambila ati, fwambaana bweza cakulya ulye?

⁸ Pe pe! Pele ulamwaambila ati, ‘Sama kabotu umfwutaucile cakulalila, unsenjelele ndye u kunwa, ndamana kulyaaze nuukalya u kunwa.’

⁹ Sa musebezhi ulalumbwa kuti wacita ceco ncaambilwa kucita?

¹⁰ Mbubona bobo amwe kuti mwacita nshimwaambilwa kucita shoonse, kamwaamba ati, ‘Tatweelele kulumbwa tuli basebezhi bulyo, twacita ceco ncitwaakweelele kucita.’”

Jeso Waponya Bashicinsenda bali Ikumi

¹¹ Inzho Jeso naakaakuya ku Jelusalemu wakaita munyinza ya Samaliya u Galilaya.

¹² Ucinjila bulyo mu munzhi umwi, wakaswaanganya bashicinsenda bali ikumi. Bakazhima ansansa,

¹³ boompolola ati, “Mwami Jeso! Tufwile luse!”

¹⁴ Inzho Jeso wakabalanjilila wabaambila ati, “Kamuya mukalibonye ku bapaizhi.” Nibakaakuya bweenda bakapona.

¹⁵ Umwi akati kabo naakabona ati wapona, wakapiluka kwa Jeso ulaya butembaula Leza ca kupozomoka.

¹⁶ Naakashika kwa Jeso, wakafwukama wamulumba. Wezu shicinsenda kali mu Samaliya.

¹⁷ Jeso wakamubuzha ati, “Inta ndaponya bali ikumi, no bali ifwuka balikwi?

¹⁸ No kaamboonzhi nikweza bulyo wezu muhwamashi kulumba Leza?”

¹⁹ Jeso wakamwaambila ati, “Zhimuka koya kaambo washoma, lushomo lwako lwakuponya.”

Kwiza kwa Bwami bwa Leza

²⁰ Bamwi ba Falisi bakamubuzha Jeso ati, “No Bwami bwa Leza bulakashika liliye?” Aze wakabaingula ati, “Bwami bwa Leza tabulibonya nibushika, tabuli bwakuyowaila pe.

²¹ Kwiina ukakaamba ati, ‘Amulange mbubobu bwashika,’ na ati, ‘Mbubolya kolya,’ kaambo Bwami bwa Leza buli akati kenu.”

²² Inzho wakabaambila ba shiciiya bakwe ati, “Cilakashika ciindi ncimukaabilaana kubona nibuba bulyo bomwi buzuba bwamazuba a Mwanaa Muntu, pele tamukabuboni.

²³ Kulakaba bantu bakakamwaambila ati, ‘Amulange nguwelya kolya,’ na ati, ‘Kamwiza nguweno kono!’ Mutakayi kukapula pe.

²⁴ Nkaambo mbubona mbulucita lulabo, lwalaba kuluya lumwi, lulamweka kuya kushika kuluya lumwi, mbubona bobo mbubukaaba buzuba bwa kwiza kwangu ume ndi Mwanaa Muntu.

²⁵ Pele Mwanaa Muntu ulyeelele kutaanguna kupenga mapenzhi manji manji, ukukakwa ku bantu baano mazuba.

²⁶ Mbubona mbucakaakubele ku mazuba aka Nowa, mbukukaaba ukumazuba a Mwanaa Muntu.

²⁷ Ku mazuba azo, bantu kabalya u kunwa, kabatwala ukutwazhiwa kushicila buzuba Nowa nakenjila mu bwato, u meenzhi nakashika ukubazonauna.

²⁸ Ulimwi mbubona mbucakaakubele ku mazuba aka Loti, bantu kabalya u kunwa, kabaula ukuuzha, kushanga ukuzaka maanda.

²⁹ Mu buzuba Loti nakahwa mu Sodoma, kwizeulu kwakawa mulilo wa mushili wakabazonauna boonse.

³⁰ Mbubona bobo mbukukaaba mu buzuba bwangu ume ndi Mwanaa Muntu.

³¹ “Mu buzuba bobo, uli alululi lwa ŋanda atakaseluka kwiza kubweza shintu shakwe shili muŋanda, mbubona aze uli mu muunda atakabweela ku munzhi.

³² Amuzhibaluke muka Loti!

³³ Kufwumbwa muntu uzanda kufwutula bumi bwakwe ulabusowa, pele wezo uusowa bumi bwakwe ukaambo kangu ulakabunununa.

³⁴ Ndamushimwina ati, mashiku azo ngoona, kulakaba bantu bobile bakaayanwa balilele abulo bomwi, umwi ulakatolwa, umwi ulakashaala.

³⁵ Bakaintu bobile balakayanwa balazhiya antoomwi, umwi ulakatolwa, umwi ulakashaala.

³⁶ Balombwana bobile balakayanwa bali mu muunda, umwi ulakatolwa, umwi ulakashaala.”

³⁷ Ba shiciiya bakamubuzha ati, “No nkukwi Mwami?” Jeso wakabaingula ati, “Koko kuli mutunta uba shikube nkubakaabungana.”