Incito 3 - Izwi lya Leza

Mulema Wapona

¹ Bumwi buzuba kumalyakumbo ciindi ca kukomba, ba Pita u Johani bakaya kuŋanda ya leza

² Inzho kumanjililo a ŋanda ya Leza ku mulyango uutewa ati Mubotu, kakuli muntu mulema kuhwa mwifwu lyabaina. Wezu muntu kazemunwa mazuba oonse ukubikwa awo amulyango kwaamba aakulomba shipo ku bantu bakaakunjila muŋanda ya Leza.

³ Inzho naakabona ba Pita u Johani balazanda kunjila muŋanda ya Leza, wakabalomba kwaamba bamupe shipo.

⁴ Inzho Pita u Johani bakamulanjilila, amane Pita wakamwaambila ati, “Tulanjilile!”

⁵ Ubobo wakabalanjilila, katelaika ati balazanda kumupa cintu cimwi.

⁶ Ngoonaawo Pita wakamwaambila ati, “Siliva u goludi ndiina, pele ceco nciinkwete ndakupa. Mwizhina lya Jeso Kilisito waku Nazanleta, enda!”

⁷ Amane wakamukwata kwitashi lya cilyo wamuzhimika. Ngoonaawo matende u shipokoto shakakwata insana.

⁸ Wakazhimuka ca kufwambaana, ulimwi wakakanka kweenda wanjila muŋanda ya Leza antoomwi uba Pita u Johani, ulaya busotauka ukutembaula Leza.

⁹ Boonse bantu nibakamubona ulaya bweenda bakamutembaula Leza.

¹⁰ Nibakezhiba ati inguwe shikulomba lomba shipo welya wakaakukala ku mulyango waŋanda ya Leza utewa ati Mubotu, bantu bakazoowa cini cini ukuzhingwa kuli ceco cakamuciticila.

Pita Wakambaukila ba Juda

¹¹ Inzho muntu wezo kaya bucilila ba Pita u Johani. Bantu boonse bakazoowa ukulukancila nkubaakubele ba Pita u Johani mwibetecelo lyakaakutewa ati ibetecelo lya Solomoni.

¹² Pita abone bobo wakabaambila bantu ati, “Nubalombwana ba Izilaili, kaamboonzhi camuzoosha ceci? No nkaamboonzhi ncimutulanjilila, ukoya twasebezha insana shesu tubeni kwaamba wezu muntu ayende?

¹³ Leza wa Abulahamu u Aizeki u Jacobo, Leza waba shaakale besu, wapa bulemu musebezhi wakwe Jeso. Welya ngumwakaaba kuba shinkondonina, ulimwi ngumwakakaka kwa Pilato, nikuba kuti Pilato kazanda kumwaangulula.

¹⁴ Wezu Jeso kali muntu uusalala uululeme, pele umwe mwakamukaka u kwaambila Pilato ati amwaangululile muyazhi mu busena bwakwe.

¹⁵ Ubobo mwakamuyaya mukamwini bumi, pele Leza wakamubusha ku bafwu. Inzho uswe tuli bakamboni bakwe.

¹⁶ Ndizhina lya Jeso lyamuponya wezu muntu, kubulema bwakwe mbumwizhi kabotu, lushomo mwa Jeso ndulwapa muntu wezu ngumulanjilile kwaamba apone.

¹⁷ “Inzho bakwesu, ndizhi ati umwe u basololi benu mwakamucita bolya Jeso nkaambo mwaakwiina ncimwizhi.

¹⁸ Pele Leza wakacaamba kale mu bashinshimi boonse ati, Munanike wakwe ulyeelele kuya kupenga, ubobo wazuzucizha.

¹⁹ Inzho amusandukile kwa Leza kwaamba shibi shenu shimwayiwe, ulimwi shiindi shakubukulushiwa shizhize kuhwa kubushu bwa Leza.

²⁰ Ulimwi kwaamba amutume Kilisito wezo ngumwakapewa inguwe Jeso.

²¹ Wezo ulyeelele kutambulwa kwizeulu mpaka cikashice ciindi Leza nakaacita shintu shoonse kuba shipiya, mbubona mbwaakakanana kale kale mu bashinshimi bakwe basalala.

²² Mozesi wakaamba ati, ‘Mwami Leza ulakatuma umwi munyokwenu kwaamba abe mushinshimi ukoya ume. Mukashiteelele shoonse nshaakaamushimwina.

²³ Kufwumbwa wezo uutakaashiteeleli nshaakaamushimwina mushinshimi wezo ulakazandulwa kuhwa mubantu.’”

²⁴ Bashinshimi boonse kukancila kwa Samuwele, kubika u babo bakacilila, bakaambilizha shamakani a mazuba ano.

²⁵ Ubobo ndimwe bana ba bashinshimi ulimwi bana ba cihuminano ceco Leza ncaakapanga ubamaushenu. Wakaamba kwa Abulahamu, ati, “Kwiita mulunungu lwako ndakabalonjezha bantu boonse baanshi ano.”

²⁶ Ubobo Leza wakasala Musebezhi wakwe ukumutuma kulyuumwe kutaanguna, kwaamba amulonjezhe u kwaamba ati umwi uumwi wenu asanduce kuhwa mubusofwaazhi bwenu.