Baefeso 6 - Izwi lya Leza

Bazhali u Bana

¹ Nubana amubateelele bamuzhala mu Mwami, nkaambo kucita bobo ncintu cililuleme.

² Nkaambo mazwi a Leza alaamba ati, “Lemeka uso u banoko.” Wezu ngu mulawo mutaanzhi ukwete u cishomezho.

³ “Wacita bobo ulakwata coolwe ulimwi uloongola ano anshi.”

⁴ Nu bamatata mutaakulemanina ukupenzha banenu, pele amubalele cakubayiisha u kubapa malailile a Mwami.

Bazhice uba Shimatwangaabo

⁵ Nubazhice nombateelele ba shimatwangeenu ba anshi ano. Mubatiye u kubapa bulemu cakushomeka u monzo womwi, mbubona mbumulemeka Kilisito.

⁶ Citabi bulyo cakulitondezha ciindi nibamubwene kwaamba baakumufwini, pele amube ukoya bazhice baka Kilisito, mucite luzando lwa Leza ca monzo woonse

⁷ Amusebeze cakwaanguluka, ukoya numusebezela Mwami Leza ubatali bantu balya maila.

⁸ Nkaambo mulizhi ati kufwumbwa cibotu ncaacita muntu naaba muzhice naaba muzhale ulakatambula bulumbu ku Mwami.

⁹ Amwe nuba shimatwanga nombakwate kabotu bazhice mbubona bulyo. Mutaakubakonga nkaambo noonse mulikwete shimalelo wenu womwi uli kwizeulu utasalulula.

Shilwisho sha Leza

¹⁰ Ku mamanino ndaamba ati amuzume mu Mwami u munsana shakwe inkando.

¹¹ Amusame shilwisho sha Leza kwaamba mucikonzhe kulwa u makanze aakufwumba fwumba kwa Shaatani.

¹² Nkaambo inkondo yesu teeli yakulwa ku mubili, pele njakulwa u beendelezhi bashibwami uba shinsana batundile ba mu mushinze wa anshi ano. Ulimwi njakulwa u myoza mibiyabi ili mu masena a mwizeulu.

¹³ Ubobo amushibweze shoonse shilwisho sha Leza, kwaamba ati mukacikonzhe kuzhima bwakashika buzuba bubiyabi. Mwakamana kulwa, mulakazhima nci!

¹⁴ Ubobo amuzume, lushinizho alube ukoya lutambo ndumulyaanga mu cibuno, bululami bube ukoya cikobelo calubulo ncimusama a camba.

¹⁵ Kulibambila kukambauka Makani Mabotu aluumuno cibe ukoya indyasho shakumatende.

¹⁶ Kubaala ali shoonse amukwate lushomo kwaamba ibe intobo yenu yakuzhimya mihwi ihwilima njafwusa mubiyabi.

¹⁷ Lufwutuko lwenu alube ukoya imfwuse ya kumukwabilila, ulimwi amusebezhe izwi lya Leza, lyalo lili ndiiceba lya Moza Usalala.

¹⁸ Amukombe mu Moza Usalala mu shiindi shoonse, mumulombe Leza kwiita munkombyo shaandeene. Amupakamane kukala, mutaleka kukombela bana musalazhi boonse.

¹⁹ Amunkombele ame kwaamba Leza ampe mazwi akukambaucila bantu maseseke ali mu Makani Mabotu.

²⁰ Nikuba kuti ndili muntolongo ukaambo ka Makani Mabotu, pele ndimuzhimininzhi wa Mwami Leza. Ubobo amunkombele kwaamba ŋambe Makani Mabotu cakulitakata.

Kwaanzha kwa Mamanino

²¹ Mufwunwa wangu Tayicikasi mukwesu, shimilimoma uushomeka, uleza kumwaambila shintu shoonse shabuponi bwangu u milimo yangu.

²² Incico ncindamutumina kuli umwe ati amwaambile mbutupona ulimwi amuzumye zumye.

²³ Leza Tata u Mwami Jeso Kilisito amupe luumuno, lufwuno u lushomo nubakwesu.

²⁴ Leza abafwile luse boonse bamufwini Mwami Jeso Kilisito u lufwuno lutamana.