Baefeso 3 - Izwi lya Leza

Paulu Wakambaucila Bakunze

¹ Nciceco ume ndi Paulu mwaanje waka Kilisito Jeso ukaambo kenu umwe nu bakunze,

² ndashoma mwakateelela ati ndakapewa luse lwa Leza lwakucita mulimo wa kumukambaucila.

³ Leza wa kanzubulwila maseseke akwe, mbubona mundakamulembela mubushoonto bulyo.

⁴ Inzho ciindi nimubala mulakonzha kulubona luzhibo ndunkwete lwakuteelelesha makani ngaakaseseka Kilisito.

⁵ Uba kale kale bayina ukaazhiba aza masesece Leza ngaakazubulula u Moza Usalala ku batumwa u bashinshimi bakwe basalala.

⁶ Aza maseseke ngakuti, kwiita mu Makani Mabotu bantu bakunze abo balyeelele kukona sha Leza antoomwi u ba Juda, balaba shizo sha mubili womwi boonse. Ulimwi balatambulila antoomwi shishomezho sha Leza mwa Jeso Kilisito.

⁷ Ndakaba musebezhi wa kukambauka Makani Mabotu kwiita mucipo ca luse, ceco Leza, ncaakampa kwiita mu milimo yansana shakwe.

⁸ Nikuba kuti akati ka bantu baleza ndime mushoonto kubabaala boonse, Leza wakampa mulimo wa kukambaucila bantu bakunze Makani Mabotu, a buhubi bwiina ubaala mbwaatupele mwa Jeso Kilisito.

⁹ Ulimwi mulimo wangu ngwakupandululila bantu boonse maseseke a Leza kuhwa ku malenjelo ashintu shoonse

¹⁰ Muzeezo wakwe ngwakuti, kwiita mu mbungano, busongo bwa Leza bunji bunji buzhibwe ku beendelezhi, ubami beendelezha mu mazeulu.

¹¹ Leza wakazanda kwaamba shintu sheshi shicitike kwiingaina u muzeezo wakwe uteeli, walo wakahwililila mwa Jeso Kilisito Mwami wesu.

¹² Nkaambo kakuti tulashoma mwa Kilisito, tuleza kwa Leza ca kwaanguluka ulimwi tatuzuluzha.

¹³ Ubobo ndamulomba mutalengaani ukaambo ka mapenzhi ngundamupengela, nkaambo bobu mbubulemu bwenu.

Lufwuno lwa Kilisito

¹⁴ Ubobo ndafwukama anshi kwa Taata,

¹⁵ koko kuhwa izhina lya mukwashi oonse mwizeulu ano anshi.

¹⁶ Ndakomba ati kuhwa kubulemu bwa buhubi bwakwe, amupe insana sha kumuzumya kwiita mu Moza uli mukati kabuntu bwenu.

¹⁷ Ndalomba ati kwiita mu lushomo, Kilisito akale mu myonzo yenu. Ulimwi ndakomba ati mushimpwe u kuzhima mu lufwuno,

¹⁸ kwaamba mucikonzhe kuteelelesha antoomwi u bashomi boonse umbwamba, umbulamfwu, umbulondo bwa lufwuno lwa Kilisito

¹⁹ Amuluzhibe lufwuno lwaka Kilisito nikuba kuti lulakatazha kulumaninina kuluzhiba, kwaamba Leza akale muli umwe ca kumaninina.

²⁰ Inzho akube bulemu kwa Leza wezo ukoonzha kucita shibaala ali shesho nshitulomba nishiba nshitutelaika kwiita munsana shakwe shisebeza mulyuuswe.

²¹ Naalemekwe Leza mu mbungano kwiita mwa Kilisito Jeso kushika kumazhalane oonse, shikwense u shikwense. Ameni.