Baefeso 2 - Izwi lya Leza

Kupona mwa Kilisito

¹ Inzho umwe mwakaakuli bafwu mu shibi shenu

² momo mumwakaakubele ciindi nimwakaakucilila inzhila shabantu ba mu luundu lolu, usha beendelezhi ba bwami bwa mu muuwo, usha moza wezo usebeza mubantu batateeleli Leza.

³ Mbubona aswe mbutwakaakubele, ulimwi twakaakucilila shisushi sha bumi bwa buntu bwa ku mibili.

⁴ Pele nkaambo kalufwuno u luse lwakwe lunji lunji,

⁵ Leza wakatupa bumi nikuba kuti twaakufwile mu shibi shesu. Nduse lwa Leza lwakamufwutula.

⁶ Ulimwi Leza wakatubusha ku bafwu antoomwi u Kilisito, ukutupa busena bwa bulemu mwizeulu.

⁷ Wakacita bobo kwaamba atondezhe luse lwakwe lunji lunji ululecelelo kwiita mwa Kilisito Jeso.

⁸ Nkaambo mwakafwutulwa u luse lwa Leza kwiita mukushoma. Mwiina kufwutulwa ukaambo kashesho nshimwakacita, pele ncipo ca Leza.

⁹ Teeli milimo yenu, kwaamba kutabi naaba womwi ulikankaizha.

¹⁰ Nkaambo tuli milimo yaka Leza, wakatulenga mwa Jeso kwaamba tucite milimo mibotu, yezho Leza njaakatubambila kwaamba twiicite.

Tuli Womwi mwa Kilisito

¹¹ Umwe nu bantu bakunze amutelaike mbumwakaakubele kale kale. Ba Juda kabamwita ati, “Batali bapalule.” Kabalisumpula nkaambo kabupalule bwabo, cintu cakaakucitwa ku mibili yabo.

¹² Inzho amutelaike kwaamba ku ciindi ceco kamutamwizhi Kilisito. Mwakaakuli bantu ba mashi batali basale ba Leza. Mwakaakwiina caabilo mu shipangano nshakashomezha Leza ku bantu bakwe. Mwakaakwiina lulanjilo ano anshi ulimwi mwakaakwiina Leza.

¹³ Pele inzho mwaswaangana u Kilisito Jeso, umwe nimwakaakuli kulaale u Leza, mwaswena afwaafwi nkaambo kabulowa bwa Kilisito

¹⁴ Nkaambo Kilisito mwini wakatuletela luumuno naakaswaanganya bakunze u ba Juda kuba ciinga comwi. Wakazonauna bwaanda mu mubili bwakusulana akati kesu.

¹⁵ Wakamanya mulawo u malailile anguwo, kwaamba kuhwa ku mishobo yobile apange ciinga comwi cipiya, wakacita bobo kwaamba alete luumuno.

¹⁶ Kilisito wakafwa aciciinkano kwaamba amanye kusulana, abike mishobo yobile antoomwi ati ube mubili womwi. Inzho mishobo yezhi yakayanyanyiwa kwa Leza.

¹⁷ Ubobo Kilisito wakeza ulakambauka Makani Mabotu aluumuno kuli umwe nubamashi numwakaakuli kulaale u Leza, u luumuno kuba Juda babo bakaakuli afwaafwi.

¹⁸ Nkaambo muli Kilisito uswe toonse tuba Juda ulimwi u bakunze twakacikonzha kushika kwa Taata nitwakatambula Moza omwi.

¹⁹ Ubobo umwe nubamashi tamucili banaabeni na beenzu, pele muli beninzhi noonse antoomwi u bantu baleza, ulimwi muli bantu ba mukwashi wa Leza.

²⁰ Mulizacilwe a mwiimbi wakabikwa u batumwa u bashinshimi, inzho Kilisito Jeso ndiibwe lya mucooko ca mwiimbi.

²¹ Umwa Jeso iŋanda yoonse ilibanjililwe ciinu inu, ulimwi ilaya bukomena kuba iŋanda ya Mwami Leza isalala.

²² Umwa Kilisito, amwe mulazakwa kwaamba mube cikalilo ca Leza kwiita mu Moza wakwe.