2 Timoti 4 - Izwi lya Leza

¹ Ku bushu bwa Leza ubwa Kilisito Jeso, uukaabeteka bapona u bafwile, ulimwi ukuti ulakeza ulimwi kulela ukoya Mwami, ndamupa aza malailile,

² akuti mukambauke Mulumbe, amulibambile kukambauka mulumbe ciindi bantu nibazanda kuteelela, niciba ciindi ncibatazanda kuteelela. Mubalamike u kubalemanina u kubazumya zumya mbuli mbumuyiisha ca bushicamba.

³ Cilakashika ciindi bantu nibakakaleka kuteelele injiisho shalushinizho u kucilila bulyo shisushi shabo ulimwi balakaakulanga ba maayi banji banji bakaabashimwina shesho nshibazanda kuteelela.

⁴ Balakakaka kuteelela lushinizho u kuteelela bulyo twaano. Balakashifwutamina injiisho shabwini u kucilila twaano twabulyo.

⁵ Pele uwe ulyeelele kulikasha munzhila shoonse, humina kupenga, cita mulimo wa bukambaushi bwa Makani Mabotu ulimwi usebeze milimo yako yoonse ukoya mutwanga waka Leza.

⁶ Inzho ume lwangu ciindi cashika cakupewa ukoya cipo cakunwa citilwa a cipaililo, cashika ciindi cakubushiya bono bumi.

⁷ Ndakalwa inkondo imbotu, ndamaninzha bukulo bwa lubilo lwangu, ndazuzucizha lushomo.

⁸ Inzho ndalindila bulyo bulumbu bwakuzunda ubwa kululamikwa kwa Leza, bwalo bobo Mwami Leza mubeteshi usalala mbwaakaampa mu buzuba bobo, ulimwi kutali ume bulyo, u babo boonse bamulindila ca lufwuno kwaamba abulike.

Malailile Amwi

⁹ Soleka kufwambaana kwiza kwangu.

¹⁰ Dimasi wakandoboka ukaambo kakufwuna sha anshi wakanshiya waya ku Tesolonika. Aze Kilisensi wakaya ku Galatiya, Taitasi wakaya ku Dalimatiya.

¹¹ Tulisheele bulyo u Luka. Umuletelele Maako nkaambo ulakonzha kunjohwa u mulimo wezu.

¹² Ndakamutuma Taikikasi ku Efeso.

¹³ Wakazhiza ukandetele icanshi ndindakashiya, kwa Kapasi ku Tulowasi antoomwi u mabuka angu. Kwaambisha azo a shikanda.

¹⁴ Alekizanda shikufwula shibulo wakambishizha cini cini, Mwami Leza ulakamulumbula kweendelana umbwaakancitila.

¹⁵ Mucenjele nkaambo wakookazha ca nsana mulumbe wesu kaanzambwene.

¹⁶ Kulweendo lutaanzhi kwiina ngutwakazhima aze mulubeta ndakalihuna ndimwini boonse bakanshiya ice. Leza atabapi mulandu.

¹⁷ Pele Mwami Leza twakaakuli aze ulimwi wakampa insana cakuti ndakacikonzha kukanana mulumbe buzulile, bantu bakunze boonse bakooteelela, ulimwi ndakahunwa kuhwa kumulandu wa lufwu.

¹⁸ Ulimwi Mwami ulakanununa kuhwa ku bubiyabi boonse u kuya kunshisha kabotu ku bwami bwakwe bwa kwizeulu. Ukwakwe Leza akube bulemu shikwense u shikwense! Ameni.

Kwaanzha kwa Mamanino

¹⁹ Umwaanzhe Pulisila u Akwila uba mukwashi waka Onesifolasi.

²⁰ Elastitasi wakakala ku Kolinto aze Tulofimasi ndakamushiya ku Miletasi nkaambo kali mulwazhi.

²¹ Fwaambaana kwiza kono kootana kushika mweto. Bakwaanzha ba Yubulusi, Pudenisi, Linasi u Kulodiya ubamwi Bakilisito boonse bakwaanzha.

²² Mwami naabe aze. Luse lwa Leza lube amwe noonse koko.