2 Timoti 2 - Izwi lya Leza

Shikalumamba Ushomeka waka Kilisito

¹ Uwe mwanangu zuma kwiita mu luse lwesu luli mu lukamantano u Kilisito Jeso.

² Bweza injiisho njiwakanteelela ndayiisha umbushu bwaba kamboni banji banji u kwiipa ku bantu bashomeka bakaakonzha kuyiisha bamwi.

³ Penga aswe ukoya shikalumamba ushomeka waka Kilisito Jeso.

⁴ Shikalumamba uli amulimo ulazanda kubotezha shikalumamba umweendelezha ubobo tahwelani mu bumi bwa bantu batali bashikalumamba.

⁵ Aze shilubilo takonzha kutambula mushini wakuzunda kuti teecilila milawo yalubilo.

⁶ Mulimi wasebeza ca nsana nguuyelele kutambula mwaabanino wakutaanguna.

⁷ Kushitelaika nshiŋamba nkaambo Mwami Jeso ulakakucita kwaamba ushiteelele shoonse.

⁸ Muzhibaluke Jeso Kilisito wakabushiwa kuhwa ku bafwu, walo waakuli wa luhubo lwaka Devidi mbuli buyiisha Makani Mabotu ngunkambauka.

⁹ Ukaambo kakuti ndakambauka Makani Mabotu, ndapenga ulimwi ndaangwa maceetani ukoya mutewu. Pele izwi lya Leza talili mu nceetani,

¹⁰ ubobo ndatolelela mu shintu shoonse ukaambo kabasale baka Leza, kwaamba abo bakayane lufwutuko kwiita mwa Kilisito Jeso u bulemu butamana.

¹¹ Nkukaka kaambyo ka lushinizho: Kuti naa twafwa aze, tulakapona aze.

¹² Kuti twatatanana u kuzuma, tulakalela aze. Kuti twamukaka, aze ulakatukaka.

¹³ Naa tatushomeki, walo ulashomeka, nkaambo takonzha kulicenga.

Musebezhi Watembaulwa

¹⁴ Bazhibalushe aza makani bantu bako, ulimwi ubacenjezhe cakushinizha umbushu bwa Leza kutazwanganina mazwi. Ciina u bubotu mbucileta, cilaleta bulyo luzonauko kuli babo bateelela.

¹⁵ Amusolekeshe kwiza ku bushu bwa Leza, ukoya musebezhi utafwi insoni kumulimo wakwe, wezo uyisha bululeme Mulumbe walushinizho lwa Leza.

¹⁶ Sesuluka u kwaamba shabulyo, umisalo ya bulimbushi, shalo shitantamuna bantu kwa Leza.

¹⁷ Injiisho shili bolya shili ukoya cilonda cilashi calo cilya buzani. Bantu bobile bakayiisha aza makani mbuba Himenyeusi u Filetasi.

¹⁸ Bakeeshiya inzhila ya lushinizho ulimwi balaya busandula lushomo lwababo bashoma bamwi, u kuya buyiisha ati bubuke bwesu bwakaita kale.

¹⁹ Pele intalisho njaakashimpa Leza teekonzha kuzungaanyiwa, nkaambo awo ngoona alilembelwe mazwi aamba ati, “Mwami ulibezhi bakwe,” ulimwi, ukuti, “Babo baamba ati mbana Leza balyeelele kuleka kucita shibiyabi.”

²⁰ Mumaanda makando mulikwete mitiba iyandeene andeene, imwi nja goludi u siliva, imwi nja shisamu u bulongo, imwi nja mu shiindi sheelele, imwi nja kusebezha kufwumbwa ciindi.

²¹ Kuti muntu walisalazha amana waleka shintu shitaluleme, ulaba ukoya cisebezho ca ciindi ceelele nkaambo balilyaabile kusebezhewa u Mwami ku milimo mibotu.

²² Shisosoloke shisushi sha bukubushi, lwila bulyo bululami, u lushomo u lufwuno u luumuno antoomwi u babo bali myonzo iisweya bazanda luyohwo ku Mwami.

²³ Sesuluka mukukazhanya kwabulimbushi u kubula luzhibo nkaambo ulizhi ati sheshi shilaleta bulyo mazwanga.

²⁴ Mbuuli muzhice wa Mwami tweelele kuzwangana. Ulyeelele ukwata monzo umbotu ku bantu boonse, ube mwiiyi umbotu shicamba.

²⁵ Ube mubonhu monzo ciindi nubacindulula bakukazha, nkaambo Leza ulakonzha kubapa ciindi cakuleka kucita shibi kwaamba bazhibe lushinizho.

²⁶ Lelyo nibakaazhinzhibukwa bakayokoke ukooze ka mubiyabi, walo wakabakwasha ukubacita ati bacilile luzando lwakwe.