1 Timoti 6 - Izwi lya Leza

¹ Boonse bazhice balyeelele kupa bulemu buzwile bashimatwaanga abo kwaamba bantu batalisampauli izhina lya Leza u nshituyiisha.

² Abo bazhice bakwete bashimatwanga babo ba shoma umbona tabeelele kucesha bulemu nkubabele nkaambo mbanyokwabo mu Mwami. Mu lushinizho balyeelele kubasebezela kabotu sha kaambo milimo yabo mbulumbu bwa babo bashomi mbubafwini. Amuyiishe u kukambauka aza makani.

³ Kufwumbwa u yiisha injiisho ili bunji iiteendelana u mazwi a lushinizho a Mwami wesu Jeso Kilisito injiisho ya bumi bupa bulemu Leza,

⁴ ati wezo ulizwile kulisumpula amana wiina nceezhi. Ulikwete cisushi citali ca bumi bubotu cakukazha u kuzwanaganina mazwi, camana ceci cilaleta bulyo munyono, kuzwangana, matushi u manzeezela a bubiyabi,

⁵ u kukazhanya kutatanana kuhwa ku bantu bali bongo butasebezi kabotu ulimwi bayina lushinizho. Balo bazunga ati kupaila Leza inzhila ya kuhuba.

⁶ Cilishinizhe kwaamba ati kukomba Leza kulatupa kuhuba kuti katulamwa shesho nshitukwete kale.

⁷ Nkaambo kwiina ncitwakaletelela ano anshi, ubobo kwiina ncitukonzha kutolelela kuhwa ano anshi.

⁸ Inzho kuti katukwete sha kulya u shakusama, ati twazulizha.

⁹ Babo bali shisushi shakuhuba balatepaulwa uku kwashiwa mukooze ka shisushi shibiyabi shinji shinji shabulimbushi, shalo shibakwelelezha ku kuzonauka u kufwa.

¹⁰ Nkaambo kufwuna mali ngu makancilo a shibi shoonse. Bamwi bakafwunisha kukwata mali cakuti bakaingaila, bakakuhwa kulushinizho, bamana myonzo yabo yakacoka kumause manji manji.

Timoti Walaililwa

¹¹ Pele uwe, umuntu waka Leza, shisosoloke sheshi shoonse. Lwila bulyo busalazhi, buna Leza, lushomo, lufwuno u kukwatisha umbubonhwu.

¹² Mucisobano calubilo lwalushomo lukance ngoona nguuyela kwaamba uliyanine bumi butamana, nkaambo nkukubumi bobu nkuwaketilwa niwakatambula lushomo cakukushizha akati ka bakamboni banji banji.

¹³ Umbushu bwa Leza upa bumi ku shintu shoonse shipona, ulimwi u mbushu bwaka Kilisito Jeso walo wakapa bumboni bubotu kwa Pontiyasi Pilato ndakushimwina ati

¹⁴ ubambe malailile ako oonse kushicila mubuzuba naakaazhoka Mwami Jeso Kilisito.

¹⁵ Leza wezo uyelele kutembaulwa, ulelekelwe ulimwi muleli womwi, musolozhi wabasolozhi, mwami wabami ulakacita ati Kilisito akazhoke aciindi ceelele.

¹⁶ Ice wezo nguutafwi, ulapona u mumuni mwiina ukonzha kuswena. Kwiina naaba womwi wakamubona. Ukwakwe akube bulemu iinsana shikwense u shikwense! Ameni.

¹⁷ Balailile babo bafwuwile mu shintu sha bumi bobu kwaamba batalisumpula na kubika lushomo mulubono lwalo lutabwenwe unkuluya, pele ababike lushomo mwa Leza utupa shintu shibosha bumi bwesu.

¹⁸ Balailile ati baakucita kabotu, kwaamba babe bahubi u milimo mibotu, ulimwi babe baabi balibambile kwaabana u bamwi.

¹⁹ Munzhila yezhi balalizobolela lubono lwalo lukaba intalisho inzumu ya bumi buli kumbele. Ee bayane bumi butewa ati bumi bwa lushinizho.

²⁰ Timoti shibambe kabotu nshiwakapewa kweembela. Itantamuke mibandi italeti bulemu kwa Leza u kukazhanya kwabulimbushi kwalo bamwi nkubalubizha mukuzunga ati nduzhibo.

²¹ Nkaambo imbabo baamba ati balilukwete luhibo, ukaambo kabobo beesowa inzhila ya lushomo. Luse lwa Leza nalube amwe noonse.