1 Timoti 5 - Izwi lya Leza

Milimo ku Bashomi

¹ Utaakulemanina mulombwana mukando kwako, pele mwaambile ca bulemu ukoya uso. Bana bakubushi ababe ukoya banyoko,

² bakaintu bacembele babe ukoya banoko abo batumwale babe ukoya banyoko umbona cakubula kampenda.

³ Balemeke ba mukabafwu bapenzhi bayina babayohwa.

⁴ Pele kuti mukamufwu kakwete bana naa bazhikuzhi, balyeelele bataangune baiye milimo yabushomi mu mukwashi wabo, kwaamba baliiye kuli bakabazhala, nkaambo kucita bobo ncicimwiinina Leza.

⁵ Mukamufwu mupenzhi wiina bamuyohwa ulabika bulanjizhi bwakwe kwa Leza, amana ulatolelela kumulomba Leza nshaazanda mashiku u muunza kwaamba amuyohwe.

⁶ Pele mukamufwu upona mu minzo mufwu bulanga.

⁷ Bashimwine malailile aza bamuka bafwu kwaamba batakutongaukwa.

⁸ Kufwumbwa muntu u tayohwa basazhiina, kwaambisha banina, wezo ati walukazha lushomo nkukuti ulabaala ali wezo uutashomi.

⁹ Kwiina mukamufwu uyelele kulembwa amweelwe wabamukabafwu utana kuzulizha myaka ili makumi cisambomwi yakuzhalwa. Ulimwi ulyeelele kuba mukaintu wakaakutwelwe ku mulombwana womwi,

¹⁰ ulyeelele kuba muntu ukwete bumi bubotu ulimwi muntu waka komenya banakwe kabotu, akuli muntu wakaaakutambula beenzu kabotu, muntu wakasebeza milimo yakuyohwa bana Kilisito, wakaakuyohwa bantu mu mapenzhaabo ulimwi muntu ucita shibotu mu shiyanza shoonse.

¹¹ Utalembi ba mukabafwu bacili bashoonto a mweelwe, nkaambo balaba niba likumbuzha bamana bakuhwa kwa Kilisito u kuya kutwalwa ulimwi.

¹² Bamana balayana mulandu wakusotoka Cipangano cabo citaanzhi u Kilisito.

¹³ Ulimwi balaba bakata balaakusowa ciindi cabo kuya bweenda mu milyango ya bantu, pele kubaazha awo balaba bahwizhi bapilinganya maanda a bantu u kwaamba shintu nshibateelele kwaamba.

¹⁴ Ubobo cili kabotu kwaamba baba ba mukabafwu bacili bashoonto batwalwe ulimwi, bazhale bana ukulela mikwashi yabo kwaamba shinkondonokwesu abule ciindi caku twaambila shintu shibiyabi.

¹⁵ Nkaambo bamwi ba mukabafwu bakasanduka kale balacilila Shaatani.

¹⁶ Pele kuti kuli mukaintu mukilisito ukwete ba mukabafwu basazhiina ulyeelele kubalela kabotu. Imbungano itakwati mukuli, iyohwe bulyo ba mukabafwu bapenzhi.

¹⁷ Basololi bacita kabotu milimo yabusololi, balyeelele kupa bulemu bubaala kwaambisha babo basebezesha cini cini babo basebeza u kuyiisha u kukambauka.

¹⁸ Nkaambo Malembe alaamba ati, “Utamwaanga kozongo musune ciindi nimukwela nshimwatebula,” ulimwi ukuti, “Basebezhi balyeelele kuhola cakuhola cabo.”

¹⁹ Utamuteeleli u leta nkaambo kakutamikizha musololi wambungano cita kakwete bakamboni bobile na botatwe.

²⁰ Babo babisha, balyeelele kulemaninwa kaanzambwene mubuleya kwaamba boonse batiile ngawo.

²¹ Umbushu bwa Leza u Kilisito Jeso u baanjelo basalala, ndamulombesha kwaamba mwaacilile aza malailile cakutasalulula, utabi nuhuna umwi ukubishizha umwi.

²² Utaakubinda kubaampa matashi bantu a mitwi mbuupa milimo ya Leza. Ulimwi utahumina kusofwaazhiwa ku shibi shabamwi, ulibambe cakubula butongo.

²³ Utaakunwa meenzhi bulyo, kunwa utu waini tushoonto tuukuyohwa mwifwu nkaambo ulasata sata.

²⁴ Shibi shabantu bamwi shilalibonya antangalala shamana shilabasololela kuya kulubeta, pele shibi shabamwi shilalibonya kwaita ciindi.

²⁵ Umbona bobo u milimo mibotu ilalibonya nikuba ati iina kulibonya kufwambaana, pele teekonzha kusesekwa pe.