1 Timoti 4 - Izwi lya Leza

Ba Maayi Babeshi

¹ Moza Usalala ulacibika atuba ati ku mazuba azhiza bamwi balakaluleka lushomo lolu, balakacilila myoza ya bubeshi u kucilila injiisho sha myoza mibiyabi.

² Sheshi injiisho shilayiishiwa u bashikuupaupa amenso babeshi, babo bakwete mizeezo mifwu ili ukoya yakatentwa inshimbi ipiya.

³ Balakasha kutwala u kulya shilyo shimwi shesho Leza nshaakalenga kwaamba bashomi babo bezhi meni meni, bakaakulya bamana kulumba Leza.

⁴ Shintu shoonse nshaakalenga Leza nshibotu, kwiina ceelele kukakwa pele shoonse shilyeelele kutambulwa u kukomba kwa kulumba Leza,

⁵ nkaambo shilasalazhiwa kwa Leza kwiita mwizwi lyakwe u kukomba.

Mutwanga Mubotu waka Jeso Kilisito

⁶ Kuti bashoma wabapa aza malailile, ulakaba mutwanga mubotu waka Kilisito Jeso, wezo wakakomenyewa u mazwi a lushomo, iinjiisho ya lushinizho yezho njiwakacilila.

⁷ Amutukake twaano twabubeshi tukozhene u twaano twa bacembele. Amuliyiishe nubeni lwiiyo lwa bumi bwa bu Leza.

⁸ Kuzhibilizha mubili kulayohwa ashoonto, pele buna Leza bulayohwa mu shintu shoonse, nkaambo bulashomezha bumi ano mazuba ulimwi ukuciindi cizhiza.

⁹ Aza mazwi alyeelele kutambulwa u kushomwa.

¹⁰ Ukaambo kako tulasebezesha cini cini u kulwisha nkaambo bulanjizhi bwesu buli kwa Leza upona mufwutuli wa bantu boonse, kwaambisha babo bashoma.

¹¹ Balailile u kubayiisha aza makani.

¹² Kutabi muntu u kuubausha ati nkaambo uli mukubushi. Pele ube citondezho kuli bashoma boonse, mu kwaamba, mu kulilemeka, mu lufwuno, mu lushomo umu kusalala monzo.

¹³ Kushikila nkapiluke, usungwaale kukubala Malembe, u kukambauka ulimwi u kuyiisha.

¹⁴ Utacuubausha cipo cakahwa ku Moza Usalala nciwakatambula kwiita mu cishinshime lelyo bakando ba mbungano nibakakubika matashi.

¹⁵ Kushicita shintu sheshi shoonse ca monzo womwi, kwaamba boonse babone ati bumi bwako bwa buna Kilisito bulaya bukomena.

¹⁶ Ulibambe lwako umwini injiisho nshuuyiisha. Kubukwete utaleka pe, nkaambo wacita bobo ulalifwutula umwini u babo bakuteelela.