1 Timoti 3 - Izwi lya Leza

Basololi ba Mbungano

¹ Ngaaza makani meni meni, na muntu ulazanda kuba Bishopu wa mbungano, wezo ati wasala mulimo wa bulemu.

² Musololi wambungano ulyeelele kubula kampenda, ulyeelele ati katwele mukaintu womwi bulyo, ushitikile mu mizeezo ulimwi kali shicamba ulilemeka uutambula kabotu beenzu ulimwi abe mwiiyi mubotu,

³ teelele kuba cakolwa naa muntu mulwati, pele ulyeelele kuba mubonhu monzo shiluumuno, teelele kuzandisha mali.

⁴ Ulyeelele kulela mukwashi wakwe kabotu ulimwi banakwe balyeelele kumuteelela u kumulemeka mu shiyanza shoonse.

⁵ Nkaambo na kuti muntu talozha kulela mukwashi wakwe kabotu, no ulakonzha kweendelezha buti imbungano ya Leza?

⁶ Teelele kuba mweenzu mu lushomo, nkaambo ulaba naalisumpula amana ulawa bwakawa Shaatani.

⁷ Ulyeelele kuba muntu ulemekwa ku bantu batali ba mu mbungano, kwaamba atakasampuki u kuwila mukooze ka Shaatani.

Ba Dikoni ba Mbungano

⁸ Ba dikoni abo umbona balyeelele kuba bantu bakwete bulemu batali ba shimukanwa ulimwi bashomeka batakolwa mukuku, naa kufwunisha mali.

⁹ Balyeele kukwatisha lushomo lwini lwini lwakazubululwa u Leza, u mizeezo iluleme.

¹⁰ Abataangune basunkwe, bayanwa ati bayina kampenda bapewe mulimo wabu dikoni.

¹¹ Benabo balyeelele kukwata shimo shibotu ulimwi tabeelele kuba bahwizhi, balyeelele kuba bashitikile mizeezo ulimwi bashomeshi mu shintu shoonse.

¹² Dikoni ulyeelele kwaamba katwele bulyo mukaintu womwi, ulimwi ulyeelele kweendelezha kabotu banakwe u mukowa wakwe.

¹³ Babo ba dikoni boosebeza kabotu mulimo wabo balakwata shiimo shibotu ulimwi balakonzha kwaamba cakutatiya makani a lushomo lwabo mwa Kilisito Jeso.

Maseseke Makando

¹⁴ Nikuba ati ndakanza kwiza kumuswaya ca kufwambaana, ndamulembela malailile aza kwaamba,

¹⁵ na ndemuka kwiza, malailile ali mu luŋwalu lolu amuyohwe mbumweelele kulilemeka muŋanda ya Leza ili njimbungano ya Leza upona, musemu u kwatilile lushinizho.

¹⁶ Cini cini cakutazuluzha, aza makani maseseke a bukombi bwesu makandosha nkaambo, Wakalibonya umubili wa buntu, wakatondezhewa ati uliluleme u Moza, amana wakabonwa u baanjelo. Wakakambaukwa mashi oonse, wakashomwa inshi yoonse mbwiibelele, amane wakatolwa kwizeulu mu bulemu.