Valoma 1 - Itesamende Imya

¹ Je nene, nde Pavulu, nde mukami va Jesu Kilisiti, je ṅongolilwe ukuta mbedzage ndili mw-Apositili, nde mubagulwa ukuta mbedzage ndi muńa-kulidalika ilyevangeli lya Nguluvi, Apos. 9, 16; 13, 2; Gal. 1, 15.

² lye alihuvihidze ṅani muhâte indzimike vugendela vavidzi vakwe, Tit. 1, 2; 16, 25. 26.

³ ilya muswamuve, je ulwa vunu aholelilwe kudanda ja Davidi, Mat. 22, 42; 9, 5.

⁴ je ulwa Mubepo uvi-kwimika abaguliîwe ukuvedza muswamuve va Nguluvi uva ngufu, avye adzulubwike kuvafwe, Apos. 13, 33.

⁵ mwa je twanukye mu mwakwe nulusungu nuvwapositili uvwa kusavila avańa-lufuvo, ulwikunda kulitavwa lyakwe mufipelela fya vanu vonda, Apos. 26, 16-18; 15, 18; Gal. 2, 7. 9.

⁶ mwa je muhangile najuńe, ńe vakongolwa va Jesu Kilisiti.

⁷ Ndikuvahungila mwivonda ńe vîmike, je mukongolelilwe uvwênde vwa Nguluvi, nditigila: na ju Nguluvi, udadisu nu-Jesu Kilisiti, umutwa, avafuńage nulusungu nulu-tengamaso. 1. Kol. 1, 2; 2. Kol. 1, 1; Ef. 1, 1.

⁸ Unene kwa Nguluvi jitala ji hongele ija kuvahongedza uńeńe vugenda mwa Jesu Kilisiti, pakuva ndivwene ulufuvo lweńo lutambulike ińi jonda. 16, 19; 1. Tes. 1, 8.

⁹ Ndivwene molesi vangu na ju Nguluvi, je ndi-kumulimila mumubepo gwangu ulwa lyevangeli lya muswamuve, nave nitigila, ambwene, pe ndi-kuvakumbuka kitahwa unene. Fil. 1, 8; Ef. 1, 16.

¹⁰ Pakuva mbêpali mululapangilo lwangu ndi-ńilika ulwa kuta: ene vuli aladońa jumwene, ngâ ponu, pe akelye ulwa kwadzila ukweńo. Apos. 19, 21; 15, 23. 32.

¹¹ Pakuva ndinogilwe mbando ukutaṅana na ńeńe, pakuva najune nditigila ndivagavulilage aka-pwela akańa-mubepo aka kuvakangahidza, Apos. 28, 31.

¹² nditigila twilamuṅasage mulufuvo, lwe tuli nalo twivonda na juńeńe na junene. 2. Pet. 1, 1.

¹³ Nalo sindifiha unene, ńe vanisu, ndivwidziṅise kavili-kavili ukwituma ulwa myadzile ukwańave-ńo, neke fikungomola finu mbêpali ukufika kulino kuno. Pakuva nditigila, ndivelesage akabeju ka-mwi nukwańaveńo,

¹⁴ ndeve ńdihwanile ukudzigilwa na kufipelela ifingi, na kuva-Giliti na kuvasidzelike, na kuvańa-luhala na kuvadzila-luhala.

¹⁵ Kili-vo unene ikye-dzamutima, kye nditigila ndivadalikilage ilyevangeli na va mu-Loma ukwańaveńo kuko,

¹⁶ pakuva unene ndisi-tovwa ńoni palyevangeli, ndivwene dze ngufu dza Nguluvi, idzikuvahulila ukupokwa vonda, avifuvwa, ukutala pamu-Juda na pamu-Giliti. 1. Kol. 1, 18. 24; Apos. 13, 46.

¹⁷ Pakuva mwe vwivilatulwa uvugolofu, vwe ikwidika Nguluvi, uvuhuma kulufuvo uvwihula ulufuvo, ndeve lolilwe ulwa kuta: umugolofu alavedza mûmi, je apugulye ulufuvo. 3, 21. 22.

¹⁸ Ndivwene iṅaladzi dza Nguluvi dzivilatwike ukuhuma kukyâńa, dzilu-mbila uvudzila-nguluvi vonda nuvudzila-vugolofu vwa vanu, ve idza koluli vitanihidza uvudzila-vu-golofu vwanavo.

¹⁹ Pakuva tonda, utwa kumukagulila Nguluvi, twisīkuka hela na mu vene, pakuva avasīkulye ju Nguluvi jujo. Apos. 14, 15-17; 17, 24-28.

²⁰ Ndivwene je asavo-nekaga ivoneka ukuhu-ma pe jagavwaga ińi, vakumumańila amalimo gakwe, vakumumańa ingufu dzakwe idzisijaga, vaku-mumańa nuluńa-nguluvi lwakwe, neke avene gi-vedzage gye milemelelwe ulwikengelehedzo. Heb. 11. 3.

²¹ Pakuva na pe vamu-dzelaga Nguluvi, napo vasikikumupēla indolo ukuta Nguluvi, vasikiho-ngedza ukwakwe, hâ nda, na dze vahodzaga vapuvaga hela neke ninumbula dzanavo indzila-kupulika neke dzitilivalage. Ef. 4, 18.

²² Neke avene, avatigilaga tuli nuluhala, neke ve vene vapuvage. 1. Kol. 1, 20.

²³ Neke idzene indolo dza Nguluvi indzila-vuvodzo neke vadzikovoṅasage dzihwananage nulu-hwano lwa munu umuvu-gujufu nulwa madege nulwa fiṅoko ifińa-magulu gataji nulwa twifyokońa;

²⁴ kye alesile Nguluvi avasutulage mu mwe vali muvudobofu vwa numbula dzanavo, uvwihula uvulamafu uvwa kwijelē-hedza muvene imivili gyanavo. Apos. 14, 16.

²⁵ Vavo avakovoṅasaga uluńa-koluli lwa Nguluvi nuvudesi neke vakivikilage ikyôga ikigavwa, vakilimilage kikyo, neke vamulekage umugafi, umuńa-kulumbwa mumihagulile gya myâka, Amene.

²⁶ Kye alesile Nguluvi avasutulilage kuvudobofu uvwa kwijelēsa, pakuva navakiṅinavo vanavo lwe vagavililwe umuvili vako-voṅise nulwe vasigavililwe.

²⁷ Navakigosi navo ndesi, valulekile ulwa kuva navo avakiṅinavo, ndevye vagavilwe, vapyupilanye vavo ṅani indzala janavo, valimanye vagosi navagosi idza vuhaluka. Neke lino baho vanukilage mu mwavo uluńa-kuhombwa pamijagililwe gyanavoigi. 1. Kol. 6, 9.

²⁸ Neke ndevye vasa-hambulaga Nguluvi va kudzeleka, neke na ju Nguluvi lino avasutulilage kulwijivuko ulusidzeleka mukulima ulusivagye,

²⁹ neke vamemwage nuvudzila-vugolofu vonda nuvuhaluka nuvununumu nuvuvìfu, vamemilwe isinwa nuvuvuladzi namabātu nuvubanga nuvwafu;

³⁰ vahesi, aviputuka; va-ńamalanga, avikumusula Nguluvi; vihadzi, avimedz’umukila; vāgula-mbîfu, vamena-vavaha,

³¹ vandzila-luhala, vaga-ja vufingano, vandzila-vudzēla, vandzila-lupyana.

³² Avene avo nde vagi-kagulage imikĕlele gya Nguluvi, igitigila: avańa-kudzilima idzi vańa-kufwa, avene napo vakudzilima ndesi neke kangi vavahekelelelelage na ve vakudzilima.