Vaefeso 6 - Itesamende Imya

¹ Uńeńe, ńe vâna, muva-kundilage mwa mutwa avavaha veńo, ndivwene lugolwike-vo. Kol. 3, 20.

² „Umuginyage nudado nuńoko, lwe lulagi ululongodzi, ululi nuluhuvidzo,

³ pakuta vwikalage vunofu, pakuta akongele-dzage kwen’ivala kuno.“

⁴ Najuńe, ńe vadadavo mutane ukuvahulila ilidziga avâna veńo, hamu pe mukuvakudza, apo muvavungage, muvafundilage idza mutwa. Kol. 3, 21.

⁵ Najuńe, ńe vavanda, mukundage kuvatwa veńo, avavakolēlye umuvili, muvogopage, muvahililage kitahodzehedza kungi inumbula, muvedzage nde tnukumukunda ju Kilisiti. Kol. 3, 22-25; Tit. 2, 9. 10; 1. Pet. 2, 18.

⁶ Mutane ukuvalimila hela, pe vilola, nde vańa-kwikundilidza kuvanu, hamu, uńeńe muvonekage hela ukuva muli vavanda va Kilisiti, avimye ulwa mutima pakudzilima, dze akelye Nguluvi.

⁷ Mukēlage hela pakulima, muvedzage ngita mwilimila ju mutwa, ngita musilimila avanu.

⁸ Mulukagulage ukuta vonda hela, avilima inofu, valahombwa padzen’idzi kwa mutwa, nd’avedzage musutu, nd’avedzage mwâna va munu. 2. Kol. 5, 10.

⁹ Najuńe, ńe vatwa va navo, muvagitage evo najuńe, mulekage ukuvafi-ngidza mbêpali; mukagulage ukuta navene avo najuńe muli mutwa jumwinga ju va kukyâńa, je asilolela uvunofu vwa kumîho kwa munu. Kol. 4, 1; Apos. 10, 34.

¹⁰ Idza kuvwapulilo idzo nditigila: mukangalilage mwa mutwa ningufu dza ludali lwakwe. 1. Kol. 16, 13; 1. Joh. 2, 14.

¹¹ Mufwalage ifyalukilo fya Nguluvi fyonda, ndeve fivelye, ifińa-kuvahu-lila ikāna, pe ikuvalilindzi-hidza vubanga umuhēsi. 2. Kol. 10, 4.

¹² Pakuva amagoha, ge twitenga unefwe, tusitenga kumuvili na kudanda, hamu twilwa navatwa navatambule, twilwa navatemańi ava mukîsi iki, twilwa nimibepo imihaluka igya kuvulanga. 2, 2; Joh. 14, 30.

¹³ Kye mulesile mukŏlelage ifyalukilo fya Nguluvi, fye fivahulilage ikāna pakigono ikihaluka, pakutigila mwali mukanage neke mudzigelanidzage dzonda.

¹⁴ Mwisimikage lino, mwipińage umukandalo gwa koluli pakivuno, mufwalage uvugolofu, nde kyûma kya kusīkila pamambaga. Luk. 12, 35; 1. Pet. 1, 13; 1. Tes. 5, 8.

¹⁵ Kundzajo mufwalage ifilato uńeńe, je livavujipe ilyevangeli ilitengamasa.

¹⁶ Kumbêdzili idzi mukolelage ingwembe ja lufuvo ińa-kudzimya vonda uvusale uvuńa-môto vwa vuhaluka. 1. Pet. 5, 9; 1. Joh. 5, 4.

¹⁷ Mutolage na ki kikofyo kya vupoki neke nikyûfya kya Mubepo, ndilonga ilidzwi lya Nguluvi. 1. Tes. 5, 8.

¹⁸ Neke mwimilage lu lulapangilo nuluńiliko, neke mulapangililage mwa Mubepo mbêpali hela ńangilakumwinga nukuvedza mîho; mwimilage nulwa kudzūmilidza idza kuvańilikila avîmike vonda, Mat. 26, 41.

¹⁹ neke najune ńani mu-ńilikilage ukuta ndigavilwage indzovo neke ndi-dzipulisage idza kukińele dza lyevangeli, pe ndidi-ndula kyedzamutima hela umulomo, Kol. 4, 3; 2. Tes. 3, 1; Apos. 4, 29.

²⁰ unene je ndili muńa-mapelela va lyevangeli mumińololo, ukutandidzi-longage mumo kyedza-mutima hela unene, ndeve dzivagye hela ukulongwa. 2. Kol. 5, 20

²¹ Neke pakutigila najuńe mudzikagulage imola dza kwangu kuno na dze ndilima unene, apo dzond’idzi alavavikulila ju Tikiki, umuńa-lukolo, je tudzēline, j’ali vwidevulilo muvulimilavangi vwa mutwa. Apos. 20, 4; 2. Tim. 4, 12.

²² Dze dzene, dze ndimutumye najune ukweńo uko, pakuta mudzikagulage idza kwesu kuno, pakuta avańamadzage na dzi numbula uńeńe. Kol. 4, 7. 8.

²³ Ulutengamano luvedzage navo avańa-lukolo nuvwênde ṅani ńangilakumwinga nulufuvo, ifi huma kwa Nguluvi udadye na kwa mutwa Jesu Kilisiti.

²⁴ Ulusungu luvedzage navo vonda, avamwendile umutwa visu Jesu Kilisiti, ulundzila-kuvŏla ponu.