Vaefeso 5 - Itesamende Imya

¹ Mudzukage vaninidzi va Nguluvi, nde vâna avênde, najuńe mugendelage muvwênde, Mat. 5, 48.

² ndeve na ju Kilisiti nave avendile uńeńe, ndeve itagile ju mwene neke atudzukilage lipwela nuvusembe uvuńa-lunusi ulunofu kwa Nguluvi. v. 25; Gal. 2, 20; Heb. 10, 10.

³ Neke nuvugoni nuvulamafu vonda nuvununumu ifi fibihile nambi nukutambulwa um weńo, ndeve luvavagye avîmike, Kol. 3, 5.

⁴ mutane nindabufu nidza vupuva nindano dza vwâna, pakuva dzisivagye idzi; mudziletage idza kuhongedza. 4, 29.

⁵ Pakuva nukulukagula mulukagulage lulo ulwa kuta nambi jumwi umugoni nambi umulamafu nambi umununumu – ujo mulimila manguluvi – asilahāla ilipwela lya muvutwa vwa Kilisiti nuvwa Nguluvi. 1. Kol. 6, 9. 10.

⁶ Atane ukuvadzanga jungi namadzwi aga kijagi hela, pakuva mwe mwene mwe dzikwadzila iṅaladzi dza Nguluvi kuvańa-ku-beda.

⁷ Mutane ukuvedza vudzovanile navo ava.

⁸ Ndivwene pa idâha mwali kîsi, neke lino mudzukye lumuli mwa mutwa. Pamigendele muvonekage ukuva mwi vańalumuli. 2, 11. 13; 1. Pet. 2, 9.

⁹ Ndivwene ulumuli lwiveleka nidza vuńa-mutima-mwêlu nidza vugolofu nidza koluli. Luk. 16, 8: Joh. 12, 36.

¹⁰ Mudzigelandzage idzi-nogye kwa mutwa. v. 17; Lom. 12, 2.

¹¹ Mutane ukuvedza vuhanganile namalimo ga mukîsi, agasivelesa kinu, hamu uńeńe muvagome-dzage nukuvagomedza agen’ago.

¹² Ndivwene dze vilima kukińele avene, dzili mwîko nukudzitambula pamulomo. Lom. 1, 24.

¹³ Neke dzond’idzi dzisīkuka, ngana ludzigomidze uliimuli, ndivwene dzonda idzisikwike, dzi-dzukile lumuli. Joh. 3, 20. 21.

¹⁴ Kye alesile atigilage: sisimuka je utusime, udzulubuke kuvafwe, apo alakumulikila u-Kilisiti. Lom. 13, 11.

¹⁵ Lino mulavage mbando imigendele gyeńo gi tanage ukuva nde gya vadzila-luhala, givedzage nde gya vańa-luhala. Mat. 10, 16; Kol. 4, 5.

¹⁶ Mufikolatidzage ifigono, pakuva fibalwike ifigono.

¹⁷ Kye mulesile mutane ukuhambuka mwi vagaja-luhala, hamu mulufikage lwe akelye Nguluvi. v. 10.

¹⁸ Na ku kugāla uvugi-mbi nako mutane ukugāla, pakuva ukugāla kwihula uvudzilivungo, hatnu mumemwage ju Mubepo. Luk. 21, 34

¹⁹ Mulonganilage mundzimbililo na mumwito na mundzimbo ińa-Mubepo, mumwimbilage mumuhejelage umutwa munumbula dzeńo. Kol. 3, 16.

²⁰ Nguluvi udadye mumuhongedzage mbêpali pafyonda, muhongehedzage mwitavwa lya Jesu Kilisiti umutwa.

²¹ Mwilefvage ńe vavu ṅani, je mwimile muvogofi vwa kumogopa Kilisiti. 1. Pet. 5, 5.

²² Avakiṅinavo valevage kuvagosi vanavo, ndavuli vakwilefya kwa mutwa. Kol. 3, 18; 1. Pet. 3, 1.

²³ Pakuva umugosi gwe mutwe gwa mudala, ndeve na ju Kilisiti mutwe gwa lukombeso, umwene je mupoki va muvili gwakwe. 1. Kol. 11, 3.

²⁴ Neke ndeve ulukombeso lulevile kwa Kilisiti, vavedzage evo navakiṅinavo, navo valevage kuvagosi vanavo patunu tonda.

²⁵ Neke najuńe ńe vagosi muvendage avadala veńo, ndeve na ju Kilisiti alwendile ulukombeso lwakwe, itagye ku lwene, Kol. 3, 19.

²⁶ pakuta aludzusage lwîmike, pe aluvalahidza-ga ukoga kwa lulenga uluńa-lidzwi, Tit. 3, 5.

²⁷ pakuta isimikilage ju mwene ulukombeso uuńa-ndolo, ulundzila-mwîko, ulundzila-makuńe, nambi utungi utuli nda utu, hamu atigye luvedzage lwîmike, luvedzage lugaja-lunu. 2. Kol. 11, 2.

²⁸ Luvahwanile pakugita evo navagosi, navo vavendage vavadala vanavo ukuta mivili gyanavo hela; je amwendile umudala vakwe, ijendile ju mwene hela.

²⁹ Ndivwene asupali, je agusulile ponu umuvili gwakwe, hamu akugusa ngilila ifilyo, akugukogosa, ndeve akulugita-vo na ju mutwa ulukombeso.

³⁰ Pakuva unefwe twe fipagwa fya pamuvili gwakwe. 1, 23; 1. Kol. 6. 15.

³¹ „Kye alesile umunu alamulekaga nudadye nuṅina, alamumililaga ju mudala vakwe neke ve va vīli vavo valadzuka muvili gumwinga.“

³² Idza kukińele idzi dze ngomi ndakyene, neke unene ndilonga idza Kilisiti nulukombeso lwakwe.

³³ Neke najuńe muvendage avadala veńo mbêmuli ńani, ndeve mwijendile mwijena; neke umwene umukiṅinavo avedzage muńa-kyôga kwa mugosi vakwe.