Vaefeso 4 - Itesamende Imya

¹ Neke lino je ndifungi-lilwe mwa mutwa ndikuvavunga nditigila muvagilage pakugendela mwikongo, lye mukongolilwe, Kol. 1, 10.

² mwilēvedzage uvwilē-vedze vonda muhandze uuvulêngamu nuvwisamutima, neke mwivonda mwegemanilage muvwênde, Kol. 3, 12.

³ mugimbe ukulūmilila ulwa kuva ngita jumwinga uiwivonda mwa Mubepo, luvavopeṅasage lu lutengamano,

⁴ neke fivedzage muvili gumwinga, mubepo gu-mwinga, ndeve mukongolilwe muluhuvilo lumwinga ulwa likongo lyeńo, Lom. 12, 5.

⁵ mutwa jumwinga, lufuvo lumwinga, ludzabiko lumwinga, 1. Kol. 8, 6.

⁶ Nguluvi jumwinga, udadavo va vonda, j’alutye kuvonda, j’igimba muvonda, j’ivujila muvonda. 1. Kol. 12, 6.

⁷ Neke twivonda unefwe, ndeve tuvelye, atupelage ulusungu, ndeve atugelye ilipwela u-Kilisiti. Lom. 12, 3. 6; 1. Kol. 12, 11.

⁸ Lwe lwene lwe itigila: „avye inwike kukyâńa, agalwe avagalulano vakwe neke avanu avapelye ifipelano.“ Kol. 2, 15.

⁹ Neke lino ulwene ulwa kuta: „inwike“ lwe lwene ulwílonga nukuta asulunukye kufivungu fya pasi mbando. Joh. 3, 13.

¹⁰ Neke umwene, je asulunukaga, je mwene kangi jujo, je inwike neke adzumbage kuvulanga vonda, pakuta akwilage ponda.

¹¹ Je mwene je avadza-gidze avangi uvwapositili, avangi uvuvidzi, avangi uvudalika-lyevangeli, avangi uvudīmi, avangi uvwiganidzi, 1. Kol. 12, 28; Apos. 21, 8

¹² pakuta avîmike valuvulage amalimo ga vuli-milavangi, gudzengwage umuvili gwa Kilisiti, 1. Pet. 2, 5.

¹³ tusungwe tufike twivonda kulufuvo lumwi na kulukagudzi lumwi ulwa kumukagula umuswamuve va Nguluvi, tusungwe tufike kuvugosi uvudugile, uvukwigela pavukudzi vwa Kilisiti,

¹⁴ pakuta tukulekage ukuva fyali, ve jikuvajē-vēdza jikuvapungidza jond’iṅala ja vuvulanidzi, vwe vikōńēla avanu, avibangapala pakutuńatuki-lila vudesi, 1. Kol. 14, 20; Heb. 13, 9.

¹⁵ hamu tuvedzage twe vańa-koluli, avimile muvwênde pakukŭla mufyonda hela, ululungamye ukwakwe jujo, je ali mutwe, u-Kilisiti, 1, 22; 5, 23; Kol. 1, 18.

¹⁶ mwa je lumelile nulwa kuva gonda umuvili ugulungiṅine, ugukungiṅanye mufundo dzonda, idzikwitanga, ndeve twigimba tonda utupagwa mwa lwe atugelye, neke gonda umuvili gukuguhulila umuvili pakukula, pakuta gwidzengelage muvwênde gu gwene. Kol. 2, 19.

¹⁷ Neke lino dze dzene, dze ndikuvalongela, ndi-kuvōlekela mwa mutwa, nditigila: mulekage imigendele gye vigendela avapivala avangi, avigendela mulwijivuko lwanavo, ululi kijagi hela. Lom. 1, 21.

¹⁸ Aven’ava ulwitaṅanidzo lwanavo lutilivye, vali vagendzi kuvûmi, uvuhuma kwa Nguluvi, pakuva vali lilĭga avene, pakuva vadzipufidze ninumbula dzanavo. 2, 12.

¹⁹ Avene ava, vavye vakilitye, visopile vavene kuvukemi, uvwigimbila kuvulamafu vonda, viha-ndza nuvununumu.

²⁰ Neke lino uńeńe musimwigilye-vo u-Kilisiti nda,

²¹ ngana ndakyene mumupulike jujo, ngana ndakyene vavavulanihidzaga mu mwakwe, ndeve idza koluli dzigenda mwa Jesu,

²² idzitigila: mumufulage umunu umulovela uva pamigendele gya pamwandi je ijanangilaga muvudobofu uvwidzanga, Lom. 8, 13; Kol. 3, 9; Gal. 6, 8.

²³ neke mwipisage mumubepo gwa lwijivuko lweńo, Lom. 12, 2.

²⁴ neke mumufwalage umunu umupya, je ahwanine kwa Nguluvi pamigavililwe, je agavililwe muvugolofu namuvwêlulile uvwa koluli.

²⁵ Kye mulesile mulekage uvudesi, mulongage ukoluli najula numujagwe najula numujagwe, pakuva tuli fipagwa unefwe twivonda najula ikya mujagwe najula ikya mujagwe;

²⁶ ngana mwikalalila, apo mutane ukwangula inôngwa, litane ukuvasotela j ilidzuva, pele lyave ilidziga. Jak. 1, 19. 20.

²⁷ Mutane nukumupēla umuhēsi uvwimilo;

²⁸ umuhīdzi atane ukuhīdza kangi, agimbage pakulima namavoko gakwe, ukuta nave avedzage nafyo ifya kupēla, je asili nafyo. 1. Tes. 4, 11.

²⁹ Gonda amadzwi amavofu mutane ukugahumya pamilomo gyeńo, hamu mugahumyage ga manofu gene, agivujapa, pe luhwanine, ukuta vahongedze avipulika. 5, 4; Kol. 3, 16. 17; 4, 6.

³⁰ Mutane ukumuhulila uvuhuguvafu u-Mubepo umwîmike va Nguluvi, mwe mufundililwe uńeńe baha kufika kukigono kya lukombodzo. 1, 13.

³¹ Mujadzage apeńo apo nuvukali vonda niligoga niṅaladzi nilijōjo nidza kulonga fivi, ńangilakumwinga nuvwifu vonda, Kol. 3, 8.

³² neke mudzukage mwi vańa-mutima-mufupi kuvajeńo, muvedzage vańaluko, mwivodzage idzeńo, ndeve Nguluvi avâvodzehidze mwa Kilisiti idzeńo najuńe. Mat. 6. 14; 18, 22-35; Kol. 3, 13.